Web gune honetan eskaintzen dugun bilatzaile/xerkatzailea FreeFind konpainiak
dohainik eskainitakoa da. Zerbitzu hau dagoen bezala jasotzen delako, interesgarri deritzogu ondoren jarriko ditugun
arauak kontuan hartzea.
-
Nahi duzun informazioa ez baduzu aurkitzen, saia zaitez bilaketa motore honek eskaintzen dituen
ezaugarriak. Defektuz, bilaketak sartzen diren hitz guztiak bilatzen saiatzen da. Honek emaitzarik
ez badu ematen, sarrerako hitzetako bat duen ezein orri emango digu bilatzaileak. Hori gertatzen
denean, emaitzaren ondoan azalpen gisa agertzen den esalditxo argigarri bat irakurriko dugu.
Aurreko ezaugarriez aparte, badira bilaketa aldatzeko beste zenbait arau.
1.+ eta - kalifikatzaileak
Hitz baten aurretik + karakterea jarriz gero, hitz hori derrigorrez azalduko da bilaketaren emaitzan.
Hitz baten aurretik - karakterea jarriz gero ordea, hitz hori ez da emaitzan azalduko.
Adibidez: +always -never
2.* wildcard-a
Galdeketa hitz bat * karakterez amaitzen bada, bilaketan hitz horren bitartez hasten diren
hitz guztiak bilatuko dira.
Adibidez: Urretxu*
Asteriskoa oso erabilgarri izanen da euskarazko hitzak bilatzerakoan...
Adibidez, Zumarragako, Zumarragan... denak Zumarraga* jarriz.
3.? wildcard-a
Hitz batek ? badu, bilaketan edozein karaktere ordezkatuko du ? karaktere horren txokoa.
Adibidez: art?a sarrera, artea edo artoa hitzen ordezkoa litzateke.
Hauek guztiak gainera konbina daitezke: +alway* -ne??r*
Mendi izenen bila bazabiltza, aprobetxa ezazu
gainez gainezko mendi ibilaldien zerrenda. Zerrenda honetan
web gune honetako mendi ibilaldiak eginez egin daitezkeen mendi-tontor guztiak agertzen dira, eta mendi bakoitzari
atxikita zein irteeratan dauden deskribatuta.
Gaztelerazko zein ingelesezko sarreratan ez da gehienetan goian aipatutako
arazoa jazotzen.
Web gune honetako euskal toponimoak euskal grafian idatziak izan dira.
Nahiz eta bilatzaile hau web gune honetan agertzen diren hizkuntz guztietarako behar
bezala ez egokitu, gune honetarako erreminta baliagarria delakoan gaude.
Bilatzailearen etekina hobeto aprobetxatzearren, <title> markak egokitu ditugu, emaitzen
zerrendan zeren bila gabiltzan hobeto jakin dezagun. Hori dela eta, titulopean beheko markak
ageriko zaizkizu, ondoko esanahia dutelarik.
[eu] |
Euskaraz idatzitako orria. |
[es] |
Gazteleraz idatzitako orria. |
[en] |
Ingelesez idatzitako orria. |
OSTR |
Ostadar Mendi Taldeko ohiko irteera. Ondoren irteeraren deskribapenaren urtea eta hilabetea agertzen dira. |
UBIH |
Uren Banalerroaren Ibilbide Handia. Ondoren irteeraren deskribapenaren urtea eta hilabetea agertzen dira. |
4HIH |
Lau Hiriburuen Hibilbide Handia. Ondoren irteeraren deskribapenaren urtea eta hilabetea agertzen dira. |
5HIH |
Bost Hiriburuen Hibilbide Handia. Ondoren irteeraren deskribapenaren urtea eta hilabetea agertzen dira. |
GRMM |
Goierri Mendiz Mendi (Zumarragako irteerak). Ondoren liburuan irteerak duen zenbakia agertzen da. |
|