 |
 |
|
|
|
Anyor Enkutuk ang Mainosa Inkatinin Paul T. ole Toimasi EnkiterunotoOre enkewan ena buku naa pee eisho inkera meisuma inkatinini dorropu neyiolou irorei ngejuko. Ore tenkareke irorei oogol, neitagol intukusi oo rorei. Neyieuni olmalimui neitengen lelo rorei eton eitu eisum enkatini. Eata enkatini enkitengenata enye, nenarikino teneinosaki olmalimui inkera dupoto enye. Inkatinin natiiEnkiterunoto Enkayioni o Lalashe Olenkapu lenye Ilmurran Barnot olmurrani Morijoi Enkitejo oe Sidai Namporise o Sikiria Olmurrani loo Nkutukie Are Enkukuu naibor Entasat Olmurrani Lenye Pantare o Pasupen Ilmotonyi le Nkai Olkanchaoi oe Nkitejo Enkitok Tinki Olpayian Aisinani Nabarn Keon Entasat o Louaru Olayioni o Larro Letabo Enchili Ai Entito oe Nkukuu Empaka Nataa Enkukuu Intoyie Are okishin Enkayioni o Lalashe Olenkapu lenye
Ore teipa nianyuni inkishu meetu ang nelai, neyiolouni aajo ilmangati ootaraitie. Ore peyie ekenyu nepuo iltungana aiposha aingoru, nelau enkop naterewaki kuna kishu tenebo oe nkayioni. Neiposha iltungana too nkolongi kumok aingoru nilau tukul. Nerik apa ilapa mangati enapa ayioni nepuo airritishore. Neaku ninye olo airrita intare. Ore apa peyie eriki ena ang oo Imangati, naa keiba olpayian oe nkitok enye ena ayioni, kake eata ele payian entito oe nkaibartani, Naa kenyor ena ayioni pokira are. Ore olkekun oitupukori ena ayioni nengarie ninche kole enye. Naa olgoriet le kutuk aji eirrang ena ayioni neinosieki osina oleng. Ore nabo olong eirritita intere, neipangaki olalashe o lenkapu lenye. Eiposhate apa kulo tungana pokira oare aingoru ena ayioni omenoto. Neshipa enkayioni oleng pee edol iltungana lenye. Neshipa sii ninche kulo tungana pee etum enkayioni enye. Neinosaki enkayioni ilomon pooki. Neliki ajoki keiba olpayian oe nkitok enye oleng, kake kenyor entito oe nkaibartani. Nejoki eshomo apa ilmurran loo Imangati enjore neton etiooyo. Nejoki olalashe peyie eanyu tara amu, keponu aarik kewarie nereo inkishu. Nejoki enkayioni, "ore amu etoishe ena kine, naa keiba olkuo, kaipangunyie aisij te boo, enchoo ake pee ininginingi aranyaki aisij niimumu kishomi; niariyara olpayian oe nikitok enye, nirikiriki enkaibartani oe ntito" Nejoki olalashe ayia. Nereo enkayioni intare ang. Ore tara, neipangunyie Enkayioni enkine aisij te boo. Neranyaki enkine ajo. "Ori! Ori! ol enkine ai, Nening entasat enkayioni eranyaki enkine. Nejoki olpayian, "Kejo aa doi enkayioni teneisij enkine, Nejoki olpayian, osinkolio lenkop enye eranyaki. Ore ake enoshi kata pee epuoi airura neosh ilmurran enkang. Niar olpayian oe nkitok enye metuata. Nerik enkayioni oe nkaibartani oe ntito. Nereo inkishu o ntare enkop enye. Ilmurran Barnot olmurrani Morijoi Netii apa, netii kulo murran. Naa ilbarnot ilkimok netii olmorijoi obo. Ore nabo olong, nejo matereo olkiteng olpul. Nenyorraa pooki, nedumu olkiteng tadakenya aareo. Neata ele murrani morijoi entito nayor na enkarna Nakiyiai. Nejoki ilbarnot ekerik ena tito olpul. Nejokini toriku; Nelo enkang ena tito ariku. Netoni tolpul aanya inkiri. Nemut olkiteng le dukuya, neitoki oliare. Ore nabo olong, nejo ilbarnot maisurrie ena tito ele morijoi. Neishori ake enoshi kota etiooyo ele morijoi neisurieki entito. Niany entito ening enkisuro. Ore nabo olong, neduaari ele morijoi peyie elo aitayu inkik. Nejoki ilbarnot entito---Oretaa peyie iyiolou ajo etamorua ele murrani oshi linyor, shomo taata ingura enaikunono inkik naitayu peyie idol ajo kengu oleng. Nilotu adol inkik nikintayu iyiook pee idol ajo kerropil. Nerik ilbornot entito nepuo ainguraa inkik olmorijoi. Nedol entito ajo kengu oleng. Nejoki ilbarnot entito pee einguraa inkik enye. Eyautua duo ilbarnot eilata tolkulet paa keponu aabukoki enkop. Nejoki entito ingura neinguraa entito, nedol ajo kerropil. Nejoki ilbarnot entito meibai olmorijoi amu etamorua oleng. Nenyorraa entito aibayu olmorijoi, nenyorru ilbarnot. Ore pee eaku kemut ilmurran inkiri to Ipul, neipang embata oo lbarnot tolpul nerik entito. Neitu eduaya olmorijoi ajo etorikoki entito. Amu eshomo duo adungu ilkeek loo motori. Ore pee eshukunye neikilikuan ilkulikae, enetii entito. Nejokini; "Kisurieki apa entito nikimbayu; netoriko duo ilbarnot enkang enye." Ore ake pee eaku teipa, nedumunye olmorijoi alo asujaa entito. Nelo ake ore pee eaku embata eang neipotisho tiauluo aipot entito nejo; "Nakiiyiai narrotian Nengamaa entito nejoki; "Intae pae eisiapi, Ore ake pee eningu iladuo barnot olmorijoi pee eipot entito neisik aosh enkang. Nelo entito abolu olchore lenye, neitoki anyorru.  Netii apa, nelotu olameyu sapuk oleng. Nelau inguesi enkare naok.
Ore nabo olong, Nedumunye enkitejo oe Sidai, nejo maape aaturu enkare tolkeju. Nepuo
aaturu, neinepu Enkitejo enkare, nelaikino Eisdai ainepou. Nejoki; "Naikitejo,
inchooki enkare naok".
Nejoki Enkitejo; Neisho ilmurran olopiro neishori osiniti. Nelo neinepu intoyie naata eilata, nemeata osintu. Nejoki intoyie, "Naikiteio inchoo iyiook osinti pee kincho iyie eilata" Nejoki Enkitejo; Neisho intoyie osinti neya eilata. Nelo neinepu iltasati, Nejoki iltasati, "Naikitejo, inchoo iyiook eilata pee kincho iyie olkumpau. Nejoki Enkitejo; "Aisho intae eilata ai Neisho Iltasati. eilata, neishore olkimpau. Nelo neinepu intasati nainosita olemurran aitaa olkumpau. Nejoki, "Naikitejo inchoo iyiook olkumpau pee Kincho iyie imporro." Nejoki Enkitejo: "Aisho ntae olkumpau lai Neisho intasati olkumpau neishori imporro. Nelo neinepu Enkoilii nejoki; "Koilii ingora siiyie kuna porro, kaanare?" Nejoki Enkoilii, "Aikinare oleng, inchooki, siiyie matetemakinoyu Neisho; Nedo ajo kenare, neikonyarie Enkoilii enkitejo imporro enyena. Nelo Enkitejo, neinepu Oltorroboni nejoki; Niany Oltorroboni ear Enkoilii Nelo netum enkima, Nejoki nakima, tapejo ele Torroboni otanya ear Enkoilii. Niany enkima epej Oltorroboni Nelo netum enkare. Nejoki, Naare taara ena kima natanya epej oltorroboni. Niany enkare ear enkima. Nelo neinepu enkiteng nejoki." Nakiteng tooko ena are natanya ear enkima, niany enkiteng eok enkare. Nelo neinepu enkiteng nejoki." Nakiteng tooko ena are natanya ear enkima, niany enkiteng eok enkare. Nelo neinepu Olngojine nejoki "Longojine toonyo ena kiteng natanya eok enkare. Nejoki Olngojin ayia. Neony Olngojine enkiteng,  Netii apa, netii ena sikiria, neata enkurrarru naji Letekeyia.
Netii sii ninye ena tasat openy ena sikiria. Neata entito najo Namporise. Ore nabo olong
nejoki ngotonye ena tito meshomo olaku enkurrarru.
Nelo entito alaku enkurrarru, ore pee eaku kebaiki, neipot ajo: Letekeyia Haa! Neirukoo sii ninye enkurrarru ajo Neingasia entito pee eiro enkurraru aipot enkarna. Nekuet ang alo aliki ngotonye. Niaraa ngotonye entito meshomo alaku enkurrarru. Ore ake pee ebaiki enetii, nejoki entito enkurrarru; Sor Letekeyia! Nejo sii ninye enkurrarru; Neyiataa esikiria entito atua entim. Netoni te ntim inkolongi kumok oleng. Na kejo ake ena tito aisik ainguaa esikiria, nejoki, tenisik naanya. Neureyu entito eisik. Ore nabo olong netum ilmurran ena tito te ntim, nerik emanyata. Nejo esikiria aingoru Namporise nelau. Neibung orrekie o meshomo emanyata. Neipot ajo; Namporise Haa! Nejoki, tupuku tena ang maape. Nejoki Namporise ou naa duo tangasa, inosa ena ronkai. Nepeji ake esoit opurupurana ore ake pee erouaju, nejokini tanga taa enkutuk pee iijoo. Nenga ake nenangakini osoit atua ilgoso. Neimurgutaa nabo kata, nelo apej imonyit neye. Netii apa, netii ele murrani, neata inkutukie are, naa entim emanya. Neiniki iltualan ilkeek ejo pee tenening iltungana nejo inkishu. Naa kenya ele murrani iltungana.  Ore nabo olong, nereo
ilmurran olkiteng olpul. Nenangare ele murrani loo nkutukie are nejoki; "Kalo pul obo
iyieu? Koloo liatuani anaa, koloo ngapeta" Nejoki ilmurran, oloo liaatuani peyie
kimaitare, Nejoki, enteyieng naa duo olkiteng mashomo aor. Nelo aoroo iloik loo itungana.
Ore ake pee eidip nelo aipot ilmurran.
Nepuo ilmurran olpul, neishori oladuo murrani enkiringo. Ore enoshi kata eninosita, nejoki enkae kutuk inchooki sii enkiringo maalikioo. Nenangaki empiding nejo; "Kaji doi eitu kulo ojonga lena tim. Neiko neijia ometumuta enkiringo. Ore ake pee eidip, nelo entim, naa ore ake pee eipotisho. neirukoo enkae kutuk. Ore ake peyie eaku kewarie, newala oladuo murrani aaku enkukuu, nelotu anya ilmurran otii olpul. Nemut pooki neaku olbarnoti obo ake otelekua otakedo olchani. Ore pee ekenyu neisik oladuo barnoti alo emanyatta. Nelo alikioo ilkuliake ajo etumuta enkukuu olmurrani. Nebiki ake inkuti olongi nereo ilmurran okiteng olpul, netii olapa barnoti neitaakuno anaa keata oluodo, negil enkongu. Ore enoshi kata ereota olkiteng, nanangare olapa murrani loo nkutukie are. aikilikuan olpul oyieu ilmurran. Nejoki oloo liatuani pee kimaitare. Nejoki enteyieng olkiteng mashomo aitobir. Nelo aoroo iloik loo iltungana. Neliki olbaranoti ilmurran ajoki enkukuu taa ena. Ore tara nedungu ilmurran ilengot sapuki, neyao aapik indapashi olpul neitoip too lkarash nepuo ninche aaisudori aarresh enaduo kukuu. Ore ake pe eaku kewarie, nelotu enkukuu, neiken inaduo oben ejo ailmurran nedol ajo kelulunga. Neipidoki anya, nengor ilmurran too remeta. Nejo "Oi atayiolo duo ake, agil enkongu megil neata oloudo meata. Niar ilmurran enaduo kukuu metua. Netii apa, netii ena kukuu Naibor. Nerasu oleng neidaikie olorere. Ore nabo olong, neiguana iltungana nejo maingoru oltungani oten oleng olo, alejo ena kukuu pee etumi ataar. nekuet ilmurran nelau oloten, nekuet ilayiok nelau oloten. Neitoki intoyie aakuet netumi entito nabo naten aisul inkulie pooki naa keji enkarna enye Sikinan.  Nejokini shomo taa oldoinyio teleju
ena kukuu peyie kitumoki aataar. Nelo ake Sikinan ore pee ebaiki oldoinyio, neipot enkukuu
ajo;
"Enkukuu Naibor natumuta apa ilmurran lang Nejo enkukuu; "Atumuta iip naa kaitoki aponie enaji Sikinan" Nekuetu amir Sikinan neingataa entito. Nemiru ejo neijia ometabaiki embata eang. Nedolu ake olorere ekuetu neisik aingataa. Niany olapa murrani oji Kimene elo aingua Sikinan. Neton aanyu tiauluo, nepuo pokira are aajing aji. Nebaiki enkukuu enkaji natii Sikinan nejoki, "Sikinan tupuku duo maainosa Nejoki Sikinan, intasho matalaku isekenke oo nkaik." Neton enkukuu aanyu, neitoki ajoki impangu doi. Nejoki Sikinan imaipangu. Nekueni enkukuu oleng nejoki, inoto naa duo minyi o ngutunyi, taanyuaki maayeu aitayu. Nejo tijiaga aji, neosh olmurrani to lalem nedungoo elukunya neye. Netii apa, netii ena tasat neata olmurrani lenye. Neata sii olkiteng sidai oleng. Ore ele kiteng naa kule eok aitaa inkujit. Ore nabo olong, nejoki olmurrani ngotonye kelo olpul. Nejoki ngotonye milo amu tenilo naa kepurrorri olkiteng. Neany olmurrani ening entasat nelo. Nebik ake olkiteng inkuti olongi, neponu ilmangati aapurrroo Neirriwaa entasat ilkiliku meipoti olmurrani lenye. Ore pee ening olmurrani ajo etupurroyioki olkiteng nejoki osuuji lenye; "Kasuuji, inchooki elongo". Nejoki Osuuji imaidimu; nejoki; "imperiperu". Neitoki ajoki olalem oe siare. Neiperiperaki osuuji pooki, Nedumunye pokira oare aapuo aasuj olkiteng lenye. Nepuo ake aibung orrekie omeinepu enkang naterewa ilmangati Ore teipa nedol olmurrani olkiteng lenye. Neipot enkarna amu keji ele kiteng Lenteun. Nelo olkiteng ayiaya neibung aiguer Neirrag olmurrani ina ang inkolongi are, ore te nkolong euni, Neipot olkiteng lenye nejo; "Lenteun lai, Lenteun lai; Nening enkitok ele murrani ejo neijia, nejoki Kerai ai tipikaki ilileku. Nejoki olmurrani, tipika enchoni kutuk enkaji ino peyie tenalotu kewarie nayiolou. Ore ake pee eaku empolos enkewarie neinyototo oladuo murrani niar olorere te nkang nemut. Neaku enaduo tasat ake otungayie o lpayian lenye oe ntito enye. Ore pee ekenyu nereo inkishu pooki nerik oladuo orere pooki enkop enye. Netii apa, nepuo ilmurran enjore, nedungo ol murrani enamuke Nejoki ilkulikae lomurran entaanyuaki, nejoki, nchoo kianyu ilesiadi. Nejoki neijia pooki, Ore ake pee eaku olobayie nejoki, inchoo ake peyie inepu enkoitoi natii embeneyioi niimu amu ninye eima enjore. Ore pee eidip aitobira enamuke nelo asujaa ilkulikae. Nebaiki eneorore inkoitoi nejo atalu embeneyioi nelau. Nesujaa enkoitoi e kedianye, nelo ake, nelo ake, omeipangaki enkukuu sapuk oleng.
"Kakua terito nekua are, Ore enoshi kata eranyita ilo sinkolio nebao enkukuu, nejoki Kainyoo doi ele sinkolio liranyita?" Nejoki olmurrani osinkolio le nkop ang. Neitoki olmurrani arany osinkolio, nejoki enkukuu imayieu nintoki arany ilo sinkolio. Ore egira aishankarra nenyiku inaduo terito oo ntare. Neyiolou olmurrani ajo intare oo Ialashara nena. Nebuak arany to oltoilo sapuk oleng, nening ilalashara lenyena, Nejo enkukuu ajoki tadou, nejoki imadou. Neipangaki ilalashara olmurrani nabo kata. Nejoki enkukuu, oi mikiar peyie ashukoki iloik. Nejokini tushukoki naa nabo kata. Neshukoki, neitoki olmurrani atiu anaa apake niare enkukuu metua, nelo olmurrani enkang enye. Netii apa, netii ele barnoti naa olmurrani. Nepuo ilmurran enjore nemitikini ninye elo amu kote. Negoro oleng, nelo ake neinepu olpayian otii inkishu. Neata ele payian olkiteng opir oleng naa osiadi loo nkishu oshiake edaare ele kiteng.
Ore etii ele barnoti olpul, neibung ilmotonyi oare le nkai neyao aitoti tolpul. Neisho inkiri neisho inkurrinyo; nemokuno oleng. Nebik ake olbarnoti inkolongi are tolpul, nening ilmotonyi pee eoshiosh inaipuko nejo; "llmotonyi laainei le nkai, Nening ilmurran ooyetuo asuju olkiteng neisik aapuo. Neponu ilayiok o lpayiani neureyu pooki ebaiki enetii olmurrani to Ipul. Neata apa ele murrani inkutiti toyie are naangarie kena. Nepuo ilpayiani aarik nena toyie olpul. Ore ake pee edolu olmurrani intoyie nerik olpul, nepuo pooki aanya inkiri. Ore ake pee emut olkiteng, nerik intoyie ang. Nelo ninye openy enjore. Niaru inkishu kumok oleng, neisho olapa payian lolkiteng inkishu artam. Nejoki olpayian inkishu imiet ake eya. Neisho olmurrani nena kishu pooki.
Ore eloito te nkoitoi neinepu lloitikoishi oodaa nejoki, Nejoki lloitikoishi eitu kidol. Negiroo lelo; nelo neinepu Ilmeuti neikilikuan enkarai enye. Nejoki eitu kidol. Negiroo sii lelo. Nelo neinepu llarroi, neitoki aikilikuan; Nejoki llarroi eima naaji ene erikito Enkitejo. Nedungu Olkanchaoi olngosila lo chata, nekuet asujaa Nelo neinepu Isiruai, neikilikuan tenaa ketodua enkerai enye. Nejoki eima tenakata ene. Nedumu Olkanchaoi oloo nkejek, nekuet anaa enaidim. Ore ekuetita neduaaya enkerai enye erikito Enkitejo, Neitoki aipirri oleng omeinepu. Nejoki Olkanchaoi Enkitejo. kainyoo pee isikie enkerai ai? Neosh Enkitejo toladuo shata mar metua. Nerik enkerai enye ang.
Ore nabo olong neisho ena kitok tinki, neiu ilmano naa ilayiok pokira oare. Negoro enkaini enye oleng pee edol enkaini etoishe. Niaku keingoru enaiko pee ear inkera enkae. Neirrikinyie olpayian anaake, ore eton eshal entomononi, nejokini meshomo airrita isirkon. Nelo airrita. Ore etii shoo, nedumu enkaini inaduo kera pokira are neitadoiki ol ulul sapuk nelo aitadoiki olkeju oruko meewa enkare. Ore teipa nereu enkitok tinki isirkon ang, nelo aikilikuan enkaini inkera enyena, nejoki atungayie naaji eirura. Nejo alo aingoru nelau. Ore pee eitoki aikilikuan enkaini neaku keyieu niarare tenebo o ipayian lenye. Neshuko alo aishir te nkaji enye. Eewa apa inapa kera enkare nelo likae payian otii shoo. atum neya enkang enye nelo aitubulu neaku 1 layiok botoro. Nenya enapa kitok osina sapuk oleng. Ore nabo olong eirritita isirkon, netum ilapa ayiok etii shoo. Neikilikuanishore nejoki ilayiok, eketudumuaki apa iyiook. Neliki sii ninye kewan inkera enyena. Nejoki nanu ngutunyi, naa kara tinki tenkang natii idolitata enaikununo. Neisho iladuo ayiok ngotonye ilkarash sidan. Ore teipa pee ereo isirkon ang, nekueniyie enkaini nejo; "Heeyia, kainyoo duo taata naishoo noo sirkon ilkarash ngejuko?" Negira ninye noo sirkon. Nebik ake inkuti olongi neponu i layiok lenyena aidurrie. Nejo ake olpayian todua ilapa ayiok neibayu enapa kitok kirotet nenyorru entinki neoriki inkishu kumok oleng. Neisik enpa kitok kirotet alo enkang enye, nelo olpayian asujaa enapa kitok tinki. Netii apa, netii ele payian, naa kaisinani oleng. Iltungana elo aisiai pee etum endaa; nelo aikarraa inkangitie. Ore enkitok enye nelo aisiai inkulie. Kituak pee etum sii nenye endaa nenya. Neata ele payian olmurrani oe ntito. Ore ele murrani naa ilkulikae oorik ilpuli, neaku keji osuuji. Ore sii ninye entito naa inkera elo aibung olorere pee etum ndaa. Neaku keata ele payian osina sapuk oleng. Nelo apa ele murrani lenye ilpuli, nenya apa ilkiri neok olchani ometaba anaa nepush. Neaku ore etonita keikirikira ake. Ore pee ejoki ilmurran, Kasuuji shomo tooku enkare, nedumu ake oltoo neya embata enchorro paa keingua, nejoki ilmurran etanya oltoo, eoku enkare. Ore pee ejokini meshomo ilkeek nelo ake paa kelotu ajoki ilmurran etanya olpanka edungu ilkeek. Ore nabo olong eton aikirikira, nejoki olmurrani obo intoyie meikilikuana osuuji enkop naim enjore. Nepuo intoyie aikilikuan. Nejoki osuuji intoyie; " Ilaisurutia lainei le nanu, Neinyiototo ake nelo. Nelo nelo, omeshomo enkop nalakua oleng. Ore ake pee emisimisu neked enkiti doinyio. Netii enkang natii entonata ena doinyio. Nening enkitok pee ipot enkiteng. Neranyaa osinkolio alo enaduo ang. Niar olorere otii nemut. Ore pee ekenyu, nereo inkishu pooki onkituak o nkera. Nerewaki menye pooki. Neaku menye o ngotonye ilkarsisi aisul pooki. Netii apa, netii ena tasat naa enkukuu sii, naa kebarn keon neata enkerai kiti. Ore nabo olong neinepu kulie kituak nejoki "Takuenya natomonone" nejo "lko" Intadou enkerai mairoroki, nejo. Imaitadou enkerai e Sankeinkei ai meingura iloodo kutukie oonya illungana.  Nelo, nelo, neinepu
intoyie nejoki intadou enkerai mairoroki Nejo, maitadou enkerai e sankeinkei ai meingura
iloodo kutukie oonya iltungana. Nelo neinepu ilmurran nejoki entasupa lo murran nejo ipa
maape enkang natii ende pee ipuopuo aok kole. Nepuo nejing aji, nejoki entangas enchom boo
matalepu kole pee iponunu aok. Nelo entasat alepu kole Olkorbobit, neipot ajoki ootu
entook. Nepuo ilmurran aaok kole, ore pee eidip nepuo airura. Neye pooki, nedumu ake
enaduo tasat enkalern neyieng pooki nenya amut.
Neanyuni apa ilmurran too nkangitie enye ometalai. Neishiri ometigirateki. Ore nabo olong neponu kulikae murran, netayiolito ena tasat, neipot ilmurran nejoki, entasupa lomurran, ipa, emaape enda ang pee ipuoupuo aasaru aok kole. Nepuo, ore pee ebaya, nejoki entangas taa entotoni te boo matalepu kole pee iponunu Neisho ake olmurrani obo, nelo aigara oliaatua nedol entasat pee elo alepu kole olkorbobit, neipot ilkuliakae meetu aingor. Nedol entasat elepu kole, neingasia oleng, ina pee eibung ilalema near enaduo tasat onkerai enye metuata.  Netii apa netii ena tasat nejo kelo enkang olalashe nelo, neinepu
olouaru tiongata nenapita apa ena tasat enkerai. Neikurrukurroki olouaru nejoki lenairoshi
emaal ai mikinya amu kara ake sii nanu olkiti tungani oloolo nemaata entoki naarripito.
Nedumunye ake ele ouaru neiriamari oe ntasat, naa ore pee eaku kewarie neirrag ongata
pokira. Neitadou entasat enkerai aitanak Ore pee ekenyu nepuo, ometabai auluo nejo entasat
ajoki lenairoshi emaal ai ou maape ang neany olouaru elo ang neirrag taiuluo. Nelo ninye
entasat ang' Nejoki alalashe aata olouaru otii auluo laateneme ninye enaata ainosa
ilouarak. Niaku maishoo lashe obo onya pee elo sii ninye. Neoshokini olashe neureyu engamu
amu kejo keari nerewakini atua entim nelo anya.
Ore nabo olong nejo duo olarro amej nening ajo etaa kengueyu nero tenkeju, nejoki nkarro, nkarro ai mikiro, neitoki ake ajo anak nero neya enchumata olchani near metua.
Nepuo ninche intasati aidur, neisho ake Letabo neyau iladuo otin pooki oloip leboo neok neok nebayu enkoshoke anaa olmosori nejo kaji sa aiko ena daa nabanji pee menya enkop. Nelo ake neguetu enkulale nepik keon osiadi neok kole, neok, neok omeishu. Nedumunye nelo airrag te mpakaai adia, nelotu alkurruk nejo oi kurruk tabaa ilewa. Nelotu ake olkurruk nerem osiadi nepuku enkulale. Nejo enkorotik paa neipot empakaali. Neinyiototo nelo amu etenenenga nelo nenangare olpayian oreuta inkishu. Nejoki papa kenkure naa eata kuna kishu inono, Nejoki ee nejoki terewa empakaai nati idie amu ebore enkare. Nejoki olpayian, terewa naa ena ashe pee milo irok, Nereu enkashe nelo sii ninye payian Nejo abaya enaduo pakaai enkorotik ake nabore, Nejo auui kena orotik toi ajoki ebore enkare empakaai. Neshuk olpayian inkishu enyana. Nelo ake Letabo netum ilmain neen enkashe aeniki olchani. Nelo atur ilmain nejo amaa tenatur toonkaik nemut inkaik eitu ebaiki enkutuk. Intasho matuturo te lukunya. Netur, netur nejo aiko inji etadotunyie olchoni lendukuya pooki. Eitu ninye eikenu nenya I'main lenyena, Ore ake pee eidip nedumu enaduo koronko nepetoki elukunya, Eewuo duo ake ninye olpayian nelaku enkashe neeniki olngojine olchani. Nelotu Letabo nedol. Olngojine eena nejo, oi enkashe ai olkulaya ngojine. Nelaku nelo enkang nejoki entasat taboluoki amu kareuta enkashe ngojine, Neboluni ake nejoki entasat inchoo taa ena ashe ai amu kengojine eirrag ernuatata pee mear inkishu. Nepiki ake oladuo ngojine ernuatata nenya intare pooki temuatata neisik kewarie. Ore pee einyiototo intasati tadekenya aajo kipuo alep intare neinepu pooki etuata. Neyietu aajo uui etumutate duo intare, nejo Letabo ketua sii ninye enkashe ai olkulaya ngojine, oi enkashe ai. Nejoki entasat ou tabarnoki, nelo entasat abarn, Nepuku olchoni lendukuya nejo uui oi atara enakatua eikinga nedumu empere nejo angor. entasat nepaashare, Nelotu ake olpayian opejito inkiri tolpul nejoki ichooki maatapejoki inkiri amu kayiolo, Neisho olpayian, nepej ake pooki metii olpayian neya neisik. Neinepu olikae tungani oji Mpapito, Nejoki maape aingoru engues nikiar pee kitum inkiri nikinya. Nepuo ake neinepu olmeut neipidoki Letabo enkoriong. Nesulunye nekueni Mpapito ometua, neitoki ake Letabo aidaki neitaash enkeene near metua. Neyieng neiteru apej inkiri nejoki Mpapito inko enkiringo, kengamu naa olotua duo, nejoki miyieu tapala mainosa. Nejo aiko inji etua duo Mpapito nelo ninye anya inkiri enyena ore pee eraposho nerukoki oljipet neya. Netii apa netii kuna toyie are nemeeata nabo ngotonye neeta enkae. Ore kuna toyie neok kole tenebo, neirora tenebo nepuo shoo pokirare nepuo ilkeek pikirare.  Ore nabo olong nepuo
ilkeek, nejoki ena tito nemeeta ngotonye enkae kalo enda shani ainguraa tenaa ketii
ilkeek. Ore egira aitayu ilkeek, neponu ilmangati neya. Nejo enkae aipot nelau, Neishir
neishir neen ilkeek lenyena nelo ang. Ore egira alo nejo, "Epuo ntoyie ilasho, nalo
nanu openy oi enchili ai; Neok intoyie kole naok nanu openy oi. Enchili ai." Ore pee
ebaya ang nejoki ngotonye koree duo enkae nejoki mayiolo duo ajo kangae naawa. Nejo
ngotonye aisho kole neany, neaku menya endaa. Ore nabo olong neinyitoto nelo aingoru
enkanashe. Nelo, nelo, nebaya enkang neked oreteti otii auluo. Neiteru oreteti asha, amu
ore oshi ake pee ekedi nesha. Naa enkang e nkai apa ena. Nejoki olpayian enkerai shomo sii
iyie ingurai ajo kangae nekedito oreteti. Nelotu enkerai nedol entito nelo aliki menye.
Nejokini shomo tiaki meeu, Ore pee ejo enaduo tito alo, nedol enapa anashe, nejoki,
Enchili ai kene taapa iyeuo? Nejoki ee. Nejokini aikole naaisamis iyieu anaa inaairowua?
Nejoki kaji aiko inairowua etii inaisamis, neishori inairowua.
Neisho ake enapa tito nemeeta ngotonye nelo aked olchani. Neirorie enkai nejoki, aintare naakurto inkonyek iyieu anaa inemekurto? Nejoki kaji aiko intare nemkurto nkonyek etii inaakurto neishori inemekurto. Neishori sii niche inkishu, onkerra, nelo ainyeyie enkanashe nepuo areu inaduo kishu ontare enkang enye. Ore enapa tasat amu keiba apa enapa tito nemeeta ngotonye. neyorru enkarake inkishu enyena. Nejoki entito ngotonye kainyioo toi nanu pee eitu aishori inkishu? Nejoki ngotonye amu ore inkera naata inoo ngotonye nemeisho engidai ejo enaa enayieuni nejo. Netii apa, netii ena kukuu nepurroo ena tito. Nejoki kaanya tenaa kaitaa enkerai, nejoki intaaki enkerai, Nerik enkapune nejoki, ainkiri ooltungana inya tenaa anoontare? Nejoki inoo ntare. Neaku keyok ake nelo niar oltungani onya ninye nepurru olker oyaki entito. Nelotu ake ore pee eaku kebaiki enkang enye nejo oNaiteyia tanya emanoo entito esiria, naito mikiya enkongu, oo Naiteyia, Nejo entito, nena nanu yiyio lai, oo yieyio lai. Neaku neijia eiko anaake. Kelotu ake neyiangaki entito olker nenya ninye oltungani. Ore nabo olong neponu ilmurran embata eina opune, Nening entito pee eirukoo enkukuu. Neisho ake pee elo enkukuu, neponu nejoki. Aingae apa nikiyaua ene? Nejoki enkukuu apa, nalotu aitaa yieyio, Nejoki ilmurran, aikipuo taa kake ore taisere tadekenya nikiponu arik iyie nejo ayia. Ore pee ekenyu neponu ilmurran aarik. Nedumu ake entito inkuruon neisiririraa. Nelotu enkukuu nejo ooNaiteyia tanya emanoo, entito esiria naito mikiya enkongu, ooNaiteyia. Nejo oi enaijo taata meningo enkerai ai, anaa kemuei. Nelotu ang ejo aipot nelau. Neirragie oladuo tungani, olkerr, nelo aingoru enkerai enye. Nejo aiko inji nedol inkuruon naisiririrayie Naiteyia nesuj ilo rrekie nebaya enkang edukuya, Nejo, ooNaiteyia tanya emanoo, entito esiria naito mikiya enkongu. ooNaiteyia. Negiroo inkangitie onguan. Ore pee ebaya ene imiet nejo, ooNaiteyia tanya emanoo, entito esiria naito mikiya enkongu. ooNaiteyia. Neirukoo entio nejo. "Nena nanu yieyio lai, ooyieyio lai." Nebaya kishomi, nejokini intasho matabolu iyie. Neboluni ake nejokini, ore taa pee kitumoki ainosie iyie ilomon, kingas aisho iyie eronkai inosa. Nejoki Naiteyia nene lai minya ake amu osit. Nejoki imba toi tenaishori endaa. Nejokini tanga taa enkutuk maitandoiki iyie eronkai. Nenga ake, neitadoikini osoit oirowua, Nejo oi atolikio duake enkerai ai. Nenya osoit enkoshoke neye. Netii apa, netii ena tasat nejoki olpayian lenye ayieu nikinguraki empaka amu aatigilutua indero. Ore nabo olong nelo neyaki empaka narok. Neton ena paka ometoolayu aku olowuaru. Nelo nabo olong nenya ilkuoo lenkang neishu, Nejoki entasat olpayian taara ena paka amu etoole aku olowuaru. Nejoki maar eme iyie apa nikitiaka maayaki. Neiko apa neijia ometumuta inkishu enkang pooki. Nejoki emidolita ajo etumuta inkishu  olorere. Nejoki maar. Neton ake, omenyaki adoiki iltungana
lenkang pooki. Neisho ake ena tasat, neturu engumoto tenkutuk erruat enye kiti. Ore
kewarie nejing atua engumoto. Nelotu ake oladuo paka nenya olpayian nelau entasat enetii.
Naa entua ena tasat. Neisho tiatua engumoto. Neu ilamo, netoni lelo mao ootuouo entasat
ometubulu. Nejoki ngotonye, kaji toi kitii? Nejoki atua engomoto amu etii olpaka oinosisho
otii auluo. Nejoki, kaji kinko pee kiar, nejoki ngotonye, kangas alo aingoraki intae
inareta.
Ore nabo olong, nelo entasat ayaki iremeta are onkamuka onguan, o lalema are, olongoi are. Nejoki ilayiok ngotonye shomo taata impotoki iyiok ele paka pee kiar. Nelo entasat auluo neipot. Nejo aingoru oltungani oipoto nelau, Nejoki entasat ilayiok, entaked taa ele shani amu ninye oshi elotu airragie. Neked ilayiok olchani neshuko ninye entasat alo aji. Nelotu ake oladuo shani neirrage aingorie enkoshoke enkai. Nengor iladuo ayiok otii olchani. Ore ake pee engori nejo oi, kake atayiolo duoake. Nejo kaye taa kake. Aishoru iltungana pooki, kake maishoru olapa payian laatomito aare eton ara kiti. Nedungu oloisotoo nerukunye iltungana nerukunyie inkishu neishori iladuo ayiok inkishu. Netii apa netii kuna toyie nemeata ngotonye. Neyam menye ae kitok. Ore ena kitok nayama menye, neinosie kuna kera osina sapuk oleng. Neisho inkukurto e kuna kera neshol ake enkurriny nebukoki aitoritie, paa keibung enkurriny enkukuri Neaku ore enetongoro neiput te kole. Neishir kuna kera anaake tenkaraki esumash. Naa olale eirrag kuna kera; nepetaa echoni musana oleng nagol. Ore kewarie neishir ena kerai kiti oleng, neranyaki embotor altigir nejoki; "Tigirayu iyie enkinyi Netoni apake inapa kera, ore nabo olong nelotu olpayian omone airragaa enkang e kuna kera. Nedol kuna kera ajo keata osina sapuk oleng. Neikilikuanishore inkera, neinosaki inkera ilomon pooki. Neisho laduo payian inkera kole, neok ometaraposhoto. Ore kewarie neirura inkera neitu eishir Ore pee ekenyu neshuko olpayian omoni alo enkop enye; nelo aimaa enkang natii ngotonye oo napa kera. Neinosaki osina sapuk oata inkera enyena. Nebik ake inkuti olongi nepuo olalashe aariku inkera enyena. Nepuo neinepu eirura totale, nedumu pokira are nerik enkop enye. |
Send mail to [email protected] with questions or comments about this web site. |
Netii apa,
netii ena ayioni, neata olalashe ole nkapu lenye. Naa ilmurran kulo tungana pokira oare,
ore nabo olong, neponu ilmangati neinepu ena ayioni etii shoo. Neoru inkishu pooke nerik
sii ninye enkayioni enkop enye.
Neibung enkukuu olmurrani eitayu iloik pooki lo sesen neaku
enkiringo ake osesen. Nedumu arik. Nepuo ake ometabaiki enkongata sapuk oleng naisiaja.
Nejoki enkukuu olmurrani, takedo taa ele shani. Mashomo aingoru enkare nemayieu nidou.
Naked olmurrani olchani, nelo enkukuu aingoru enkare. Ore eton entiooyo enkukuu, nedol
olmurrani enterit einyototo te nelakua. Na ena alo natii egira alotu. Nerany nejo;
Neboinaa olbarnoti olkiteng eitu eduoya olopeny amu
eeuo aitipitip. Nereo alo ayieng naa ninye ake openy. Ore pee eaku teipa neshukunye alo
alikioo ajo ninye oowa olkiteng. Neinepu entasat elepisho tiauluo nejoki, tiaki olpayian
eterewa ilmurran oladuo kiteng litimiraka otii siadi inkishu. Neshuko ninye olbarnoti alo
olpul. Nelo sii ninye entasat aliki olpayian lenye olkilikuai lolmurrani. Neingasia
olpayian pee elikini ilo omoni.
Netii apa,
netii Olkanchaoi oe Nkitejo. Ore nabo olong nelo Enkitejo enetii Olkanchaoi nejoki
inchooki enkerai ino mashomo aipaaya. Neisho Olkanchaoi enkerai enye Enkitejo. Nerik nelo
aitajoyio inkologi kumok oleng. Negoro Olkanchaoi oleng, nelo aiposha aingoru enkerai
enye.
Netii apa, netii ele payian oata
inkituak are. Ore nabo naa kirotet naa olupi imeisho. Ore enkae naa tinki oleng. Keiba
olpayian neiba sii enkaini enye. Neaku isirkon elo airrita ore enkaji enye naa entaloishi
oo sirkon etii, nemeinyiangaki olpayian lenye inkilani. Nemeishori endaa nabiki naa
isiapird eishopito. Neishori enkarna naji nalo sirkon.
Netii apa netii
ele ayioni, negira aloolo tiongota, nelo ake neinepu olarro otoishie. Kake enkiyio ake
einepua eitu einepu ngotonye, neibung ake enaduo kiyio neyieng neishopokino enchoni nelam
ine wueji ejo pee tenelotu olarro nemeinguaya imoyok enkiyio enye, Neton ake nelotu olarro
nelo anak ore pee emej olarro nejo mee mee.
Netii apa, netii ele tungani
oji Letabo. Nejoki intasati naidurrita nooyieyio etejo olamal loloopapa olotu tende meeta
entasat memeingua oloti lekole, nejoki intasati inchoo taa pee eidip atook niyaki iyiook
ilotin lang nejoki ayia.