9 DI MEI AÑA 2001.

APRESIABEL PRESIDENTE DI O.D.E.A.N. SEÑORA LOUISE ELSTAK, MIENBRONAN DI BESTUUR, KOMISHON NURSES' WEEK,

DISTINGUIDO PRESENTENAN, BON NOCHI.
TA UN PLASER I PRIVILIGIO PA MI, PA POR DUNA MI APORTE AWE NOCHI,

ELABORANDO RIBA "NOS" ORGANISASHON
"CARIBBEAN NURSES ORGANIZATION" MIHÓ KONOSÍ KOMO C.N.O. C.N.O. TA E ORGANISASHON KU TA UNI 29 ORGANISASHON DI ENFERMERA TANTU DI ISLA, KOMO DI PENÍNSULA, SITUÁ DEN LAMAN CARIBE.

E ISLANAN AKI TA SER AGRUPÁ DEN 4 REGION.
FUERA DI E PRESIDENTE, SEKRETARIA I E TESORERO E ISLANAN AKI TA

SER REPRESENTÁ PA UN DIREKTOR REGIONAL.
KOMO DIREKTORA DI REGION 2 DEN E AKTUAL DIREKTIVA DI C.N.O. AMI
TA REPRESENTÁ BONAIRE / KORSOW / SABA / ST. EUSTATIUS / ST.
MAARTEN KU HUNTU TA FORMA O.D.E.A.N. PERO T@E ARUBA
ANGUILLA / PUERTO RICO / ST.KITTS Y NEVIS / B.V.L. KU TA TORTOLA
U. S.V.L. KU TA E ISLANAN ST.CROIX / ST. THOMAS/ ST.JOHN.

C.N.O. A KEDA FUNDA NA AÑA 1957, PA DI MAVIS HARNEY PRESIDENTE DI E ORGANISASHON DI ENFERMERONAN DI ANTIGUA KU A INVITÁ 14 ENFERMERA DI 9 ISLA DEN CARIBE PA REUNÍ NA ANTIGUA, I INTERKAMBIÁ DI OPINION I DISKUTÍ TÓPIKO KU TIN DI HABER KU ENFERMERIA DEN SU TOTALIDAD.

KONHUNTO E META DI C.N. O. A SER STIPULA I TA KONSISTÍ DI 4

PARTI:
* 1. KONSEHÁ, APORTA, I ENKURASHA ENFERMERANAN PA DUNA REALSE
NA NOMBER DI ENFERMERIA PA MEDIO DI EDUKASHON PERSONAL RIBA
UN BASE KONTINUO, KUAL SEGUN NAN LO RESULTÁ DEN UN MIHÓ

KUIDO.

KADA 2 AÑA TI N UN KONFERENSHA DURANTE KUAL DIFERENTE TÓPIKO KU TIN DI HABER KU ESAKI TA SER TRESE DILANTI PA KEDA DISKUTÍ PA DELEGADONAN DI TUR PAIS MIEMBRO DI C.N.O.

*2. C.N.O. TA PROMOVÉ KOMPRENSHON I AMISTAT ENTRE ENFERMERANAN DEN KARIBE.

PA DI ESAKI ENFERMERANAN POR BISHITÁ ISLANAN DEN KARIBE I DI TAL MANERA AMPLIA NAN KONOSEMENTU TURÍSTIKO PERSONAL I TA INTERKAMBIÁ INFORMASHON EN KUANTO DIFERENSHA DI KULTURA.

E KONOSEMENTU DI DIFERENTE KULTURA AKI, SEGUN E TEORIA DI MADELEINE LEGÉ (1988) TIN UN EFEKTO HOPI POSITIVO RIBA KUIDO PRINSIPALMENTE DEN NOS SITUASHON KAMINDA FRONTERANAN TA AMPLIAMENTE HABRI TANTU PA DRENTA- KOMO PA SALI FOR DI NOS PAIS, I NOS NO POR IMAGINÁ NOS MES KU ESAKI LO BAI KAMBIA POR LO PRONTO TAMPOKO.

*3. C.N.O. TA KREA OPORTUNIDAT PA ENFERMERANAN POR TOPA OTRO I
INTERKAMBIÁ KONOSEMENTU I EKSPERENSHA, KU POR APORTA NA
MEHORÁ K)~ 14 AMPLIA E BISTA PROFESHONAL DI E ENFERMERA.

DEN E KASO AKI POR EHEMPEL MI KIER MENSHONÁ KU DEN UN KONFERENSHA NA BARBADOS 3 AÑA PASA A ELABORÁ RIBA E POSIBILIDAT KU NOS ISLANAN DEN REGION TIN PA POR FUNGI KOMO TRAMPOLIN PA E "GULIDÓ DI BOLITA PASA KU SU DROGA.
A ENFATISÁ RIBA E ECHO KU KOMO ORGANISASHON NOS LO MESTER INSTRUÍ E PROFESHONAL PA NA MOMENTO KU E.O. E "GULIDÓ DI BOLITA BIRA PASHÈNT, NOS NO PERDE FO'I BISTA KU NO TA NOS TAREA DI HUZGA NI MIRA E PERSONA KOMO UN KRIMINAL PERO KU NOS TA DUNADO DI KUIDO. LOKE NOS MESTER ENFATISÁ TA KU SIMPLEMENTE MESTER DUNA E KUIDO PROFESHONAL, HASIENDO USO DI NOS SISTEMA DI DOKUMENTASHON OPTIMAL.
EKSPERENSHA A PROBA KU ESAKI TABATA UN AVISO HOPI BALIOSO KU DEN NOS PROPIO SITUASHON A TRESE SOLUSHON PA NOS ENFERMERANAN KONSERNÍ.

*4. C.N.O. TA MSIA I TRAHA RIBA PROJEKTO OF INVESTIGASHON KU POR SIRBI PA MEHORÁ KUIDO PA HENTER KOMUNIDAT DEN KARIBE.

NA TRINIDAD POR EHEMPEL INVESTIGASHON A MUSTRA KU HÓBENNAN A DUNA DI KONOSÉ KU PA FALTA DI E GUIA SPIRITUAL, FALTA DI UN RELASHON FAMILIAR SÒLIDO KU TA FORMA UN BASE IMPORTANTE NORMA I BALOR A BAI ATRAS LOKE A KONDUSÍ NA E HECHO KU DROGA, ALKOHOL I SEX DESKABEYA A PODERÁ DI E HUBENTUT.
A EHEKUTÁ UN PLAN KU YUDANSA DI ALGUN LIDER DEN TUR SEKTOR PERO TAMBE KU HÓBENNAN MES PA ATAKA E PROBLEMA AYÁ.
SEGUN INFORMASHON RISIBÍ, NOS POR A KOMPRENDÉ KU E PROSESO TA ANDANDO.

C.N.O. A BRINDA NOS E INFORMASHON AKI KU A DUNA NOS E OPORTUNIDAT DI AKTUA RIBA NAN INVESTIGASHON TRAHANDO ASINA DI UN FORMA PREVENTIVO NA BIENESTAR DI NOS PROPIO SITUASHON.

C.N.O. TA DISTRIBUÍ E KORANT "THE CARIBBEAN NURSING CHRONICLE ENTRE SU MIEMBRONAN PA KOMPARTÍ NOTISIA RELEVANTE.

O.D.E.A.N. SU INVOLVIMENTO KU C.N.O. TA DATA FOR DI TEMPU KU DEFUNTU JOS WOUTER TABATA MIEMBRO INDIVIDUAL DI C.N.O. DEBÍ NA SU MANERA DI PROCEDER AKTIVO I DINÁMIKO, A ASERKA PA UNI ENFERMERANAN NA SU PAIS DEN UN ORGANISASHON I DJÒIN C.N.O. E SIGURANSA-IA AYÁ A BIRA ORIGEN DI UN PLAN KU A KONKRETISÁ DEN LOKE FOR DI AÑA 1970 TE KU AWE TA "NOS" ORGANISASHON DI ENFERMERONAN ANTIAS NEERLANDES" O.D.E.A.N SIGUIENTE E DESAROYO AKI MI TA KERE KU SI NOS TA FRANKO NOS LO ENFATISÁ KU DI BERDAD O.D.E.A.N. SU ORIGEN TA C.N.O.! E INFORMASHON I SPLIKASHON DI C.N.0 . I ORIGEN DI O.D.E.A.N. T BRINDA E POSIBMIDAT DI PROFUNDISÁ NOS MES DEN E SEGUNDO PARTI DI E TÍTULO DI MI PRESENTASHON ESTA:
 "C.N.O. TA FUTURO DI O.D.E.A.N.?"

META DI O.D.E.A.N. TA DERIVÁ DI ESUN DI C.N.O. I DEN UN FORMA KONTILA IFF KIER REMARKA KU E TA KONSISTÍ DI DOS PARTI BÁSIKO;

1.BRINDA E ENFERMERA POSIBILIDAT DI EDUKASHON PERSONAL KU TUR MEDIO LEGAL I POSIBEL
2.APORTA NA MEHORANSA DI KUIDO PA KOMUNIDAT ANTIYANO PERO TAMBE DEN REGION.
*PA POR HASI ESAKI,NOS MESTER DEFINTI PA NOS MES;
KIKO NOS TA KONSIDERÁ POSIBILIDAT DI EDUKASHON PERSONAL. O.D.E.A.N. MESKOS KU C.N.O. TA REUNÍ A BASE KONTINUO, TA ORGANISA CHARLA DOOR DI TANTU NOS MES KOLEGA ENFERMERA SPESIALISÁ RIBA TUR TÓPIKO I FOR DI TUR SPESHALISMO DEN ENFERMERIA..

SI AKASO TA NESESARIO O.D.E.A.N. TA TRESE SPESHALISTA FOR DI OTRO SEKTOR PA KOMPARTÍ TÓPIKO RELEVANTE DI MANERA KU NOS POR TA PROFESHONALNAN EKIPÁ KU BON INFORMASHON.

MI KIER MENSHONÁ P.E. NOS "LEVENSMIDDELEN TECHNOLOOG " YU DI KORSOU KU A KOMPARTÍ SU EKSPERTISE KU NOS.

NU KIER MENSHONÁ NOS TRAHADÓ SOSHAL KU A SIÑA NOS KON TRAHA PRESUPUESTO FAMILIAR, I TENE KUENTA KU AWE NOS TA TRAHADÓ PERO MAÑAN NOS POR TA PENSHONADO KU UN SALARIO DI PENSHONADO.

MI KIER MENSHONÁ NOS CHARLA TRESE PA UN KONOSIDO NOTARIO KU A KONSIENTISÁ NOS KON PA SEGURO NOS PROPIEDAD GENERÁ PA DI TRAHA DURU I KUMPRA E.O. KAS NA BAKA SIN NINGUN AKTA NOTARIAL, KU E KONTRA PARTIDO.

TAMBE TA INTERESANTE PA MENSHONÁ KU O.D.E.A.N. A BRINDA INFORMASHON TOKANTE DI E TANKI DI PRESHON HALTU KU TA SER USA

ORA SURGI PROBLEMA KU SAMBUYADONAN.

TENE WORKSHOP PA ELABORÁ RIBA NOS FAMOSO B.L.G. WET PERO TAMBE RIBA NOS MANERA DI KOMUNIKÁ RIBA NIVEL PROFESHONAL.

KURSO PA POR KOMPRONDÉ I KOMUNIKÁ NA INGLES DURANTE E KONFERENSHANAN DI C.N.O. A SER ORGANISA PA O.D.E.A.N. SU MIEMBRONAN KU E NEDIONAN DISPONIBEL.

WEL, KONOSEMENTU DI E MATERIA TA DUNA SEGURIDAT I TA LAGA ABO KOMO PERSONA SINTI BO HOPI BON. ASINA MI POR MENSIONA MASHA HOPI POSIBILIDAT DI EDUKASHON PERSONAL KU O.D.E.A.N. A BRINDA TANTU SU MIEMBRONAN I KOMUNIDAT KOMPLETO.

MESKOS KU DEN C.N.O. BOHENTARIONAN DEN MAYORIA SEKTOR DI ENFERMERIA TIN REPRESENTASHON DEN DIREKTIVA DI O.D.E.A.N.
E.O. WIJK VERPLEGING WIT/GELE KRUIS 2 NEUTRALE WIJK I WIJK BANDA BOU, CAPRILES KLINIEK I NATURALMENTE E INSTITUTO DI KUIDO MAS GRANDI KU TA HÒSPITAL.
ESAKI TA APORTA NA MIHÓ KOMPRENSHON RÈSPÈT I AMISTAT ENTRE E KOLEGANAN I TA AMPLIA NAN BISTA PROFESHONAL.

O.D.E.A.N. MESKOS KU C.N.O. TA TRAHA NA BIENESTAR DI KOMUNIDAT, MI KIER MENSHONÁ E CHARLA DI KONSIENTISASHON I DEMONSTRASHON DI TANTU MATERIAL KOMO REMEDI PA PERSONANAN DEN MENO PAUSA PERO TAMBE E PERSONA KU SIKKEL CEL ESUN KU AFASIA I EPILEPSIA 14ASTA KON PA REKONOSÉ DEPRESHON.

HOPI INFORMASHON PA PREVENSHON A SER BRINDA NA KOLEGANAN I NA KOMUNIDAT KOWLETO.

*E SEGUNDO META; ESTA TRAHA NA BIENESTAR DI KUIDO PA KOMUNIDAT LOKAL I REGIONAL.

KU ORGUYO O.D.E.A.N. POR BISA KU A BASE KONTINUO "NOS" TA TRAHA RIBA LOKUAL I.C.N. A DUNA KOMO THEMA DI ATENSHON PA I.N.D. 2001 "NURSES ALWAYS THERE FOR YOU".
SI NOS KIER TE'Y PA OTRO NOS MESTER POR KOMPRONDÉ OTRO FLORENCE NIGHTINGALE (1859) A YEGA DI SKIRBI DEN SU FAMOSO BUKI "NOTES ON NURSING. KU KUIDO NO TA DUNA UN REMEDI OF AIRE FRESKU SO, PERO KUIDO TA ENSERÁ MUCHO MAS.
SEGUN SU EKSPRESHON, KUIDO TA "A WANT OF A BETTEIC'UN ANHELO NA ALGU MEHOR. PA E DUNADO DI KUIDO POR SABI KIKO E KLIENTE TA DESEÁ, KOMUNIKASHON TA E FAKTOR DI MAS ESENSIAL.

DEN E ÉPOKA DI GLOBALISASHON I INFORMATIKA O.D.E.A.N. A SKOHE RUSTAMENTE E TÓPIKO "KOMUNIKASHON'. TENIENDO KUENTA KU E PARTI HUMANO, E PARTI DI RELASHON INTERPERSONAL DIFISILMENTE LO POR SER REMPLASÁ PA KÒMPIUTER.
PESE'Y E DINAMISMO DI O.D.E.A.N. SU PRESIDENTE LOUISE ELSTAK HUNTU KU SU DIREKTIVA A KONDUSÍ NA E ECHO KU DURANTE E SIMAN AKI A DUNA I LO SIGUI DUNA INFORMASHON RIBA DIFERENTE FORMA DI KOMUNIKÁ, TANTU RIBA E TERENO INTERPERSONAL, KOMO KU YUDANSA DI APARATO.
FOR DI E KONTEKSTO AKI O.D.E.A.N. A SAKA E ASPEKTO
"KO SHOM' PROFESHONAL PA POR GARANTISÁ E KUIDO KU FLORENCE NIGHTINGALE TA BOGA PE.

O.D.E.A.N. A SABI DI KOMUNIKÁ KU SU MIEMBRONAN PA DI DISTRIBUÍ SU PROMER "NIEUWS BRIEF" AÑA PASA PERO PA FALTA DI MAN-POWER ESAKI TA "ON HOLD" MANERA NOS A BIRA TA BISA ORA KU KOS TA STAGNA.
DAMAS I KABAYEROS MI TA GRADISÍ BOSO PA BOSO ATENSHON I TA GRADISÍ TAMBE E KOMISHON NURSES WEEK PA E OPORTUNIDAT DI POR A KOMPARTÍ MI KONOSEMENTU DI CARIBBEAN NURSES ORGANIZATION KU BOSO. MI TA DUNA BOSO UN ÑAPA PA BAI KUNÉ.
NOS ORIGEN TA NOS PASADO NOS AKTITUT DI AWE ESTA 9 DI MEI 2001 TA DETERMINÁ NOS FUTURO DEN E MILENIO AKI, KIKO TA BOSO KONTESTA?
O.D.E.A.N. SU FUTURO........ TA C.N.O.???

Auteur: Marita Noorden, Past President ODEAN
Voor reacties: Telefoon/fax: 737 2190