Ta pa hopi motibu Nurses' Week 2001 a bira eksitoso. Miembronan di Direktiva di ODEAN, miembronan di komishon Nurses Week i tur persona ku a risibí un petishon pa kontribuí na e di tres Nurses week a hasi ku e siman ta finalisando positivo. Koleganan di skol, studiantenan, invitadonan i tur kolega ku a asistí na Nurses' Week e aña aki a aportá  pa hiba un organisashon fuerte.

ODEAN i tur e 120 paisnan ta risibí e tema di ICN tur aña. Un aña mas nos a hasi lo maksimo pa organisa un simposio kaminda nos por a diálogo ku otro riba diferente tòpiko.

Duna i risibí informashon pa asina nos komo profeshonal por informá pashèntnan adekuá. Ta esei tabata e meta  e aña aki. I ta boso por duna nos e kontesta si ODEAN a logra ku e meta.
Nos a invitá mayoria di nos koleganan pa informá nos riba e areanan ku nos a sinti falta di informashon. E informashon ku nos mester disponé‚ di'dje i ku ta nesesario pa duna un kuido mas total posibel.
Otro profeshonal a duna nos informashon adishonal pa kompletá e sírkulo di informashon nesesario. Kos ta malu na Korsou. I esei ta refleh  tambe. Ta esei gobiernu ta alerta nos. Enfermeranan ta forma parti di e grupo profeshonal mas grandi den kuido. I keremi, enfermeranan ta kapas di baha gastu den Salubridat.
Tur e informashon i mensahenan ku durante e siman aki a ser trese nos lo kopia diferente di nan den nos memoria. Otro parti di e informashon lo ta aksesibel na nos sede of riba e website di ODEAN.

Nos tarea a kaba e siman aki e di mes momentu un tarea diferente a inisi  pa bai traha riba dje. A new era for action ta e lema ku ICN ta hiba den nan simposio e aña aki na Kopenhagen. Man na obra aki na Antias. Nos ta kapasitá  pa hasi e trabou primordial den kuido. Tambe den situashon malu.
Ta ami i abo kolega lo mester hasi e trabou. I kisas ta nos ora liber nos mester usa pa logra metanan chiki. E meta grandi ta ser konstruí ku tur esnan chikitu. No desviá  ora bo mira ku kos ta tranka pa kana.
Atrobe ta nos mes mester apoyá  otro pa sigi riba e kaminda.

Studiantenan, ta sigur ku boso ta nos futuro, ku boso ta esnan ku lo kuida nos mañan.  Zr. Esposa ta usa e palabranan den su kansion; duna mi un man. Tur kolega ku tabata presente ayera a komprond‚ e mensahe
ayera. Nos ta dispuesto pa duna boso un man.

Direktiva i miembronan di komishon lo evaluá  tur parti di e simposio aki durante e lunanan venidero i pa e di 4 Nurses Week otro aña. Korda e fecha 5 pa 12 di mei.

Mi ta gradis¡ tur kolega i interesadonan presente pa e siman di enfermeria ku mañan lo termin  na Sede. Otro aña nos ta primint¡ di traha aun mas duru pa boso. !