kuv tau muaj ib tug niam laus nws tau noj tshuaj tuag rau tus neeg uas nws hlub tshaj plaws vim niam txiv tsis pom zoo rau nkawv los sib hlub thiab tej kwv tej tij tsis kam nkawv los sib sau ua neej. lawm tau muab nws mus yuav lwm tus neeg uas nws twb tsis tau pom dua li. nws mus tau ib weeks ces nws cia li noj tshuaj tuag lawm....kuv xav hais tias ua cas txoj kev hlub no yuav mus loj ua luaj yuav txo tau neeg txoj sia npaum li no ntag. kuv thov kom kuv ho muaj ib txoj kev hlub uas tu tu siab tshaj plaws seb ho yuav zoo li cas. kuv yuav tsum nyiaj kom dhau tsis pub tuag rau kev hlub ib zaug li.
thaum yus tsis tau paub kev hlub zoo li zoo hais heev thiab twb tsis ntxim li yuav mob siab zoo li cas kiag li. thaum txoj kev hlub ntawv los tshwm sim rau kuv. kuv mam paub raug hais tias zoo li cas. yus hlub ib tug neeg lawm es ho zoo li cas rau yus tus kheej. nws tsis dog dig kiag li ua yuav tau tso ib tug neeg yus hlub mus rau luag lwm tus thiab tseg kiag ntawm nws mus. kev mob siab nyob rau hauv kev sib hlub yuav muaj hais zaj twg los hias tsis tawm tsuas hais tau hais tias " mob kuv lub siab ua luaj" hos yog tus neeg tsis tau raug kev hlub mob siab ntse nws yuav tsis paub txog hais tias tus neeg ntawv qaug zog npaum li cas. hos tus neeg twb paub txog txoj kev hlub tiag tiag lawm ntse yuav nyob twj ywm cia xwb.
thaum kuv txoj kev hlub ntawm nws yuav tau tso nyias mus nyias kuv xav tau ntau yam heev yuav hais rau nws yuav cem nws kom zoo kuv lub siab, tiamsi thaum kuv nrog kiag nws tham ua cas kuv twb hais tsis taus ib lo lus li cas rau nws li. kuv tshua hnov mob tau qaug zog heev hauv kuv nruab siab tuaj xwb. thaum ntawv quaj los kua muag tsis tawm lawm. kuv mam rov nco txog kuv ib tug phooj ywg hais rau kuv hais tias yog yuav kom koj paub kev nyuaj siab ma tos thaum uas quaj es kua muag lo tsis taus lawm tso. thiab yuav paub tau hais tias mob zoo li cas. ua cas hnub ntawv tseem los txog kuv lawm tiag tiag. lub sij hawm ntawv kuv tau qhau mus pw ntawm lub tog hauv ncoo saib mus rau nruam lub qhov rai tsaus ntuj nti hmo ntawv tsis muaj ib lub hnub qub ci kiag li kuv los twb tsis pom lub hlis tuaj li thiab. lub sij hawm ntawv kuv xav tau ib tug neeg los kawg kuv thiaj hais tias txhob tu siab txawm li cas los ua siab loj.. thaum ntawv kuv yuav ua zaj twg los ua tsis yog tsis paub yuav ua li cas thiaj yuav yog. kuv thiaj tau mus rau ntawm kuv niam hoob kuv tau mus khawm kuv niam ruaj heev li. ua rau nws tsis paub hais tias vim li cas hmo ntawv kuv yuav txawv ua luaj nws cia li kawm kuv twj ywm cia xwb. thiaj ua rau kuv lub siab loj zog tuaj. zoo li kuv lub siab rov muaj zog me me ho hnov kuv lub cev rov sov tuaj. los txog rau hnub no kuv thiaj paub hais tias zoo li cas. tus neeg yus hlub yeej tseem ceeb heev tiamsi ntse yus niam yus txiv yuav tseem ceeb tshaj vim lawm muab txoj sia rau yus. thiab nyob hauv qab ntuj no tus hlub yus tseem yuav nrhiav tau tiamsi yus niam yus txiv yuav tsis muaj 2-3 leeg rau yus. lub neej tiamno tsuas muaj ib zaug ua niam tub thiab ua txiv tub xwb. kuv niam kuv txiv lub siab zoo lub siab dawb yuav nco cia mus ib txhis.
ua tsaug rau tus neeg uas tau los nyeem thov kom koj tshuas noj qab nyob zoo nrog rau txoj kev kaj siab xwb.
nkaujhnub
