Maan
Die maan hang soos ‘n ryp geel lemoen
Aan die westekant
Kwart voor vyf soggens
Om nag en dag te versoen.
Hou my vas
Hou my vas
Dis nog nag
Amper
Ampertjies dag.
In die dag is die spoke weg
En loop die lewe reg
Snags maak my bang
Die donker wil my vang.
Dankie ou maan
Jy loop saam –
Al is dit nog donker
Sien ek jou.
Soos ‘n kers.
Nou skryf ek die vers.
Eers het jy die Israeliete
Veilig laat trek deur die nag
Nou’s dit jou beurt
Om my deur te kry,
Nog ‘n slag.
Julie 2003