In die swarte hemel nag

het ek lank gesit en wag

sterre het geknipoog en geglinster

die aandster het geblink en geskyn.

In die melkweg het ek sit en staar

en het die mooiste wonder toe gewaar

'n verskietende ster het getrek

en sy wit streep het sy vlug gemerk.

Die wonder van die nag

met sy ontsettende sterreprag.

"Was die donker dan nie daar,

hoe sou ons ooit die lig daarin gewaar?"

Amandy