03/16/07
岩岩無意中發現左iwako又有新野啦-! 保齡球! 好想快d搵倒拎番屋企呀!

12/16/06
點解哩套心型星型朱古力擦膠咁似之前大陸出果款? 究竟係邊度出既呢?
呢兩款日本Sakamoto出既透明箱朱古力唔錯唔錯.

07/26/06
係一套包裝韓國泡麵擦膠! 第一張相係包麵既背面，真係好似真既麵咁架，有埋烹調既方法! 而哩套昆蟲百科全書擦膠...真係扮晒野好似有埋標本咁! 正!

05/10/06
新買一套好似萬樂珠型咁既擦膠! 不過佢冇真既一筒萬樂珠咁大筒! 另外又買左個款好似曾相識既擦膠-就係包裝薯片擦膠啦...係韓國出既...不過張招紙唔同je!

04/19/06
哩套滑鼠擦膠係咪好cute呢? 仲有埋條電線連住! 模仿度好高!

03/25/06
家姐琴日終於千山萬苦幫我由香港一個佢話係好似"山寨廠咁既鬼地方"帶返黎一堆既大陸擦膠! 唔...經過我一輪仔細監鑑賞之後，最鐘意反而係一粒平平無奇既星星! 其中有兩舊係由六塊擦膠組成既薄餅同蛋糕擦膠, 直徑有4吋半咁大架! 又有一塊睇黎睇去都唔覺係拼圖既擦膠，呀...仲有童話故事書同埋四個小水壺都幾得意存架!

03/18/06
唔知你地有冇試過哩樣野呢? 佢係名符其實既香口珠! 絕對唔係擦膠! 其實哩樣野，係我今日買野拎既贈品! 但係佢俾左我一生人既第一次......第一次食香口膠會面色大變第一時間le落地下既!! 咩野地獄勁辣麵都已經變成小兒科啦! 唔知d咩新出品可以一入口辣到你飛起! 辣到你唔信! 嘩!條利好似燒著咁! 勁呀! 超超超勁辣香口膠我都係第一次試咋! 如果你係存心想虐待自己條利既話，佢一定幫倒你!

03/14/06
好開心yeah! 又有新野! 有舊金磚喎! 咁就要坐住凳仔，拎埋打火機慢慢睇清楚，再飲番杯啤酒慶祝下啦!

02/23/06
繼蛋糕之後，好快Iwako又出左新野祈福袋擦膠；除左條繩之外，成舊都係擦膠架!

02/21/06
嘩! 真係大得誇張o既碗麵擦膠 ! 大陸出品果然大D!

01/31/06
幪面超人擦膠 既另一套終於有埋啦! 而家有齊兩套就perfect喇! 不過如果可以有咸蛋超人頭擦膠就會更加perfect! (不過應該係冇既!)
哩兩對乒乓球拍擦膠好似Jelly咁軟稔稔架，但係我直覺可能放一段時間就會溶!

01/10/06
請食名貴銀裝朱古力啦! 真係有薄荷味架!

01/07/06
呵呵呵! IWAKO既新款蛋糕系列擦膠，我終於有啦!有木頭型o既，有典型既圓型同長型蛋糕，但係我覺得佢地個樣同以前d蛋糕擦膠好唔同!

01/03/06
2006年第一件要介紹o既擦膠，就係 書簽擦膠啦! 佢係名副其實可以當擦膠又可以當書簽用架!

11/20/05
新入身體可拆立體的 Disney公仔包括米奇及米妮老鼠、富貴貓、Winnie the pooh，非常精緻；但係好似一套有6款，應該仲有兩個係史狄仔同三眼仔既!還有新加衣服魔術盒!

10/15/05
好野! 買左幾款中國出品動物 波板糖擦膠!順便介紹下Map of China

07/29/05
哈哈哈...今日又入左兩件心水擦膠，實在太開心啦...係邊舊??? heehee...係兩粒靚靚獨一無二的truffle樣朱古力擦子膠黎既!!!新鮮熱辣...等我欣賞下先 :D