| Hamarey qaul o amal main tazad kitna hay Magar yeh dil hay keh khush aiteqad kitna hay Ke jaisay rang he lay aega lahoo apna Wafa pay apni hamain aitemad kitna hay Yeh jaanta hay keh wada shikan hey who phir bhi Dil us kay wada e-farda pay shaad kitna hay Isi pe saaray muraasim ka inhisaar hay ub Kisi ki zaat say hum ko mafad kitna hay Woh jis nay mujh ko faraamosh kar diya yak sar Who shakhs mujh ko magar ab bhi yaad kitna hay Har aik soch main aaloodgi hawas ki hay Ragon main qatra-e- khoon ka fasad kitna hay Hey yun to merey raqeebon main ikhtelaf bahut Meray khilaaf magar ittahad kitna hay |
| Copyrights (C) Reserved by Author |
 |
 |
