| Kitab sada rahay gee kub tuk, kuheen to aaghaz-e-baab ho ga Jinhon nay bustee ujard daalee, kubhee to unka hisaab ho ga Seher kee khushiyan munaanay walo, seher ke taiwur bata rahay hain Ubhee to itnee ghuttan burdhay gee, keh saans laina uzaab ho ga Wo din gaye jub hur situm ko uda'aye mehboob keh kay khush thhay Utthee jo ub koi eent hum pur, to us ka putthur jawaab ho ga Sukoot-e-sehra main busnay waalo, zara ruton kay mizaj sumjho Jo aaj ka din sukoon say guzra to kul ka mausum khrab ho ga Nahin ke yeh sirf sha'yeree hay, ghazal main taareekh-e-bay hisee hay Jo aaj she'ron main keh rahan hoon, wo kul shureek-e-nisaab ho ga |
| Copyrights (C) Reserved by Author |
 |
 |
 |