| |
| Tera yun samnay aana, na kuchh kehna, na kuchh sunna Ho jaisay koi baigana, na kuchh kehna, na kuchh sunna Nazr ka zawiya aisa, ke khush fehmi kare paida Magar masoom ban jana, na kuchh kehna, na kuchh sunna Nahi jab wasta koi, to phir kya hai dam-e-rukhsat Yun mur mur dekhtay jana, na kuchh kehna, na kuchh sunna Hazaron hum se behtar hain, to hum lakhon se behtar hain Yun he bas dil ko samjhana, na kuchh kehna, na kuchh sunna Keh yun bhee pursish-e-gham par jo hum kehtay to kya kehtay To phir kahay ko pachhtana, na kuchh kehna, na kuchh sunna Agar samjho ke wo ab tak raqeebon kay hay kehnay main To phir wapus chalay aana, na kuchh kehna, na kuchh sunna Jahan na-waqif-e-hifz-e-maratib log baithhay hon To is mehfil say uthh jaana, na kuchh kehna, na kuchh sunna Murtaza Birlas (Girah-e-Neembaaz) |
| Copyright (C) Reserved by Author |
 |
 |
