| Saaray zalim ugur suf ba suf ho ga'aye Hum, tahi dust bhee sur bakaf ho ga'aye Wo talab kur rahay hain wafa dariyan Munharif jo uttha kay halaf ho ga'aye Ub rawiyyay main teri lachuk kyon nahin Upnay huq say bhee hum bur taraf ho ga'aye Wo jo kuchh bhee na thhay, ub hain sub kuchh wohi Dur badur saray ehlay sharaf ho ga'aye Ye teri yaad kay ushk thhay is liyay Ankh main mislay durr-e-sadaf ho ga'aye Kooza gur ka kamal-e-hunar kya huwa Jub na kooza bunay hum khazaf ho ga'aye Munsalik hur khushee say huwee hur khushee Saray ghum aik he ghum main luf ho ga'aye Baat us say sar-e-rah kya hum nay kee Nawak-e-dostan ka hadaf ho ga'aye Ub humaree safa-ee main aa'aye ho tum Jab ke badnam hum hur taraf ho ga'aye Mujrimon ko mara'aat itnee mileen Keh jara'im bhee shughl-o-shaghaf ho ga'aye Tuf yeh awlad-e-bay his keh jis kay sabab Ra'egan kar ha-e-salaf ho ga'aye Murtaza Birlas (Girah-e-Neembaaz) |
| Copyright (C) Reserved by Author |
 |
 |
 |