| |
| Kaee bar pehlay bhee purkhha hua hai Sitam gur nay kya hum ko sumjha hua hai Khudaya! tu dushman ko beenai de de Wo taaqat ke nusshay main undhha hua hai Ye wujdan-e-sheri chhutee hiss hai goya Ke jaisa kaha hum ne waisa hua hai Qadam ub uttha'ain ge muhtat ho kur Jo thhokar lagee hai to achha hua hai Kisi ke rawayyay ka shikwa bhee kyon ho Muqaddar main jo kuchh thha hona, hua hai Qayamat thha tere bichhurdnay ka lumha Ke ab tak wahin waqt tehra hua hai Mujhay shola-e-dil jalanay laga thha Ghazal jab kahee hai, to thhunda hua hai Murtaza Birlas (Girah-e-Neembaaz) |
| Copyright (C) Reserved by Author |
 |
 |
