TATANG (CESAR LACARA)
Mula
sa Sa Tungki ng Ilong ng Kaaway
1968, PORMAL NA MULING itinayo ang Partido. Sa pagtitindig ng bagong Partido, ako’y inanyayahang dumalo. Marami-rami kaming nag-usap tungkol sa primerong pagkikita, pero noong pagtibayin na sa pulong kung kailan pormal na ititindig ang Partido, napagkaisahan na kapag hindi dumalo sa araw na itinakda ang sinumang kasama sa pulong, nangangahulugang hindi siya kumporme sa bagong Partido at di na siya kasali sa pagbubuo nito. Mayroon ngang ilan na di na dumalo, kabilang na rito si Ignacio Lacsina at ang isang anak ni Vicente Lava, si Buddy.
Maliit ang bilang namin na nagsimula nang kumilos, at marahil ay mas marami pang maoorganisa na dating kasama sa lumang Partido, kaya napagpasyahang kontakin ang mga ito at baka maaari pang kasama uli. Ang gawaing ito ay may kaselanan dahil sinasabi ng maraming maka-Lava na bakit magtatayo ng bago samantalang may dati nang Partido.
Sa panahong ito, sa Maynila-Rizal ako patuloy na kumilos. Marami-rami pa rin ang nauugnayan ko rito bago nagkaroon ng kapasyahan na magpalawak na sa buong kapuluan.
Pebrero,
1969, ako’y naatasang magtungo sa norte, sa mga probinsya sa Ilocos. Dahil
Sa Hilagang Luson
Noong mga
panahong yaon, medyo malaya at ligal pa ang pagkilos at ako’y nakakauwi pa
paminsan-minsan sa Maynila para dalawin ang asawa kong nag-iisang naiiwan sa
aming bahay. Kakaunti pa
1970,
marami-rami nang kakilala ang napupuntahan ko at natatanggap na ng iba sa
kanila ang prinsipyo ng kilusan at pwede na rin silang tumanggap ng sinumang kasamang papapasukin sa kanilang
lugar, tulad halimbawa sa kanlurang Pangasinan, ilang bayan sa La Union at
laluna sa mga bayang bulubundukin na may mga minoryang Igorot. Sa loob ng mahigit na isang taong pagtigil ko
sa mga lugar na ito, may naisama akong limang kabataan patungong Isabela,
tatlong mandaragat at dalawang magsasaka.
Ang mga ito’y sinanay sa bundok ng Sierra Madre sa silangang
Isabela. Itong mga kabataan ay
nanggaling sa kinalalagyan ko sa Kailokohan ay hindi na muna pinababalik sa
kani-kanilang baryo. Napupunta sila sa ibang lugar at isinasama sa armadong
grupo. Tuluy-tuloy
Nitong 1971, sinuspindi ang pribilehiyo sa kasulatang habeas corpus. Medyo nagbago ang sitwasyon sa panahong ito, maligamgam ang timpla ng tubig 1972, uminit na nang husto, nagkalat na ang mga aso at dimonyo. Ako’y isa na naman sa mga target ng kaaway. Nalagut-lagot ang linya ng komunikasyon. Ako’y lumuwas ng Maynila, kumontak sa ligal na trabaho sa pederasyon ng mga manggagawa. Dito ako nakontak uli.
Pumasok ako sa Cagayan Valley sa pamamagitan ng mga kasamang inatasan ng HO na maghatid sa akin doon. Pagdating ko sa bagong distino, wala na roon ang mga kasama, balik ako uli sa Ilocos. Ang panrehiyong pamunuan sa hilagang-silangan ay nag-atas sa isang kuryer na alamin ang kinalalagyan ng mga kasama. Sana’y siya ang mag-uugnay sa akin at sa mga kasama, pero noong makaramdam siya ng init sa lugar ko dahil target ng ako ng kaaway, wari’y natakot siya at hindi na nagbalik sa aking kinalalagyan.
Nitong panahong ito, hindi na rin mapalagay ang mga kasama na nasa Isabela. Pinuntahan ako ng isang kasamang kabilang sa HO doon at sinabi niyang baka pwede silang umatras sa aking kinalalagyan. Ang sabi ko’y pwede pa, pero hindi na rin sila nagpunta sa lugar ko. Dahil ako’y di na makagalaw sa lugar sa Kailokohan na dati kong kinikilusan at kilalang-kilala na ako ng maraming mamamayan ay umatras na rin ako. Ako’y umugnay sa Maynila-Rizal. Pero ako’y bistado rin doon kaya pinasok ko ang silangang Rizal;, ang mga bayan ng Montalban, San Mateo, Antipolo, Taytay, Teresa, Cardona, Binangonan, Baras, Tanay at Jalajala. Sumentro ako sa isang bulubunduking lugar na sakop ng Teresa, malapit sa Philippine Communication Satellite.
Sa Silangang Rizal
Nakakilos
ako nang mahigit na dalawang taon sa silangang Rizal at nabuo rito ang Distrito
6 ng panrehiyong organisasyon ng Partido sa Maynila-Rizal. Noong dumarami na ang mga lugar at pwersa ng
Partido dito, nagsimula na naman ang pag-init ko at ng mga kasama. Sinalakay ng kaaway ang aming istasyon sa
bundok, na pinagdadausan namin
Noong
tanungin ng mga sundalo ang isang kaalyado kung nasaan ang mga taong myembro ng
New People’s Army (NPA), ang sagot niya diumano ay ganito: Maling-mali ang impormasyon ninyo, Kapitan. Sabi ninyo, galing na kayo sa
1974,
sumulat sa akin ang HO na baka raw pwede na akong lumipat sa Abra. Ako’y sumagot na bagu-bago pa lamang ako sa
silangang Rizal, di pa gaanong nakakaugat at marami ring gawain dito. Sinulatan
naman ako ng Komisyong Militar ng Partido.
Nagkita at nag-usap kami ng kinatawan nila dahil ako’y may kahilingan
Sunog
Bandang
1975 noong magkaroon ng malaking sunog sa Maynila-Rizal. Pati ang Distrito 6 ay naapektuhan dahil
nakuha ng kaaway ang ilang papeles ng panrehiyong organisasyon ng Partido at
ang kasamang umuugnay sa amin ay nakuha rin. Dito muling nabisto ng kaaway ang
aking kinalalagyang lugar dahil may mga nakuhang sulat na nakakabit ang
ginagamit kong pangalan. Muling nabuhay
sa kanilang alaala ang taong matagal na rin nilang hinahanap. Sa panahong ito, nagkaroon na naman ng
patakarang ilipat na ang pwersa ng Distrito 6 sa ibang rehiyon. May nadala sa Mindanaw, Bikol, Gitnang Luson,
Ako at ang isang kasama na hindi agad nakaalis, pero naghihintay na lamang ng go-signal at pupunta rin kami sa ibang lugar. Habang nag-aantabay sa paglakad, itong kasama ko ay nakuha ng kaaway. Nabalam ang aking pag-alis. Pagkaraan ng isa o dalawang buwan, dumating ang atas na ako ay lalakad na. May makakasama akong apat, puro maiinit, na manggagaling din sa Maynila-Rizal. Noong mag-ipun-ipon kami sa isang lugar at naghihintay na ng magdadala sa amin sa pagdidistinuhang rehiyon, hindi na naman kami natuloy dahil ang maggigiya sa amin ay nakuha raw ng kaaway. Hiwa-hiwalay kami uli. Habang naghihintay ako, may kinakausap na dalawa pang kasama na kasabay ko sanang papasok sa isang malayu-layong lugar na bubuksan. Ang mga kasamang ito ay hindi rin natuloy sapagkat nakuha rin ng kaaway. Noong sila’y makalaya sa kamay ng mga kaaway, hindi sa lugar na papasukin ko natuloy itong dalawang ito. Napasok sila sa Gitnang Luson at sang-ayon sa aking napag-alaman ay doon daw muna sila titigil, sa mga sona sa rehiyong yaon, para magkaroon ng karanasan sa pagkilos sa kanayunan, pagkat ang mga kasamang ito ay sa Maynila-Rizal nakabase mula’t sapul, ligal ang dating trabaho sa kilusan.
Sa Paanan
ng Cordillera
1976, ako’y natuloy din na nag-iisang pumasok sa isang lugar sa norte na walang-wala pang pasimula ang kilusan. Ang lugar na ito ay bawnderi ng Cordillera Mountain, na nasa silangan, at tatlong probinsya, ang Kalinga-Apayao sa hilagang-silangan, Abra sa timog-silangan at Ilocos Sur sa timog-kanluran. Magandang lugar ito. Maraming Tinguian dito pero Ilokano pa rin ang mayorya. Medyo mahirap ang pagkakalagay ko rito dahil may mga tauhang Civil Home Defense Force O CHDF sa lahat ng baryo dito. Hindi rin alam ng nagpasok sa akin dito kung ano talaga ako pagkat ipinakilala lamang akong mangangasiwa at magtatanim sa isang piraso ng lupain. Ito ang aking prente. Sa araw-araw na nakikita ako ng mga tao, dumami ang aking naging kakilala. Kinaibigan ko sila, dahil ang pangunahing misyon ko rito ay hindi ang gawaing agrikultural kundi ang isulong ang rebolusyon, imulat ang mga mamamayan para kumilos ang banay-banay at sumulong nang hakbang-hakbang.
Ang
una kong naging kaibigan dito ay isang minorya na katamtaman ang pamumuhay,
hindi mahirap at di rin mayaman, hindi kinakapos pagkat may sariling lupang
sinasaka at mayroon pang halamanang natatamnan ng mangga, santol, saging pinya
at iba pa. Ito na ang aking naging giya
sa pagpasok sa iba pang mga lugar, pero papaano ka makakatigil nang matagal sa
ganitong kalagayan na kabi-kabila ang CHDF, ang kau-kausap mo ay mga
taong-CHDF? Ang mga kapitan
Sa
lugar na ito, ang isang hanapbuhay ng mga tao ay ang pangangaso o hanting. Ako’y sumasama rin sa ganitong gawain, na
napakahirap para sa akin. Ang nakakasama
ko’y mga kabataan at yaong mga idad 30-40, kalakasan at sanay sa takbuhan sa
bundok. Ako’y di makasunod sa kanila
nang mabilis pero hindi naman nila ako maaaring iwanan. May pirming nag-aantabay sa akin, nauuna ang
iba. Minsan, pagdating sa lugar na
paghahantingan, ako’y pinagpasyahang maiwan na lamang sa kampo at magbantay ng
mga baon at gamit namin at pati ng mga huli.
Nakahuli kami
Sa gabi, natutulog kami sa mga yungib na madilim at masukal. Habang namamahinga bago matulog, kwentuhan ang gawa namin, sari-saring paksa ang pinag-uusapan. Kung minsan, binabanggit nila na ang mga bundok daw ay tirahan ng mga NPA at doon daw sa di gaanong kalayuan sa aming kinalalagyan ay nagkakaroon na ng labanan. Kalinga-Apayao at Abra ang tinutukoy nila. Sa ganitong mga kwento, unti-unti rin akong sumasali pero puro patanong ang akin, para makakuha pa ng balita mula sa kanila at masuri kung hanggang saan ang kanilang pang-unawa sa malaganap na propaganda ng kaaway na ang Partido at ang NPA ay lubhang masama. Ang totoo nito, kahit kasamahan nila sa bahay, pag ginagabi sa pag-uwi, ay hindi pinagbubuksan at baka raw NPA ang kumakatok.
Pinangalagaan ko ang aking siguridad sa pamamagitan ng mahigpit na pakikiisa sa masa. Matagal-tagal din akong di kumikibo ukol sa prinsipyo.
Noong namumunga na ang ilan sa aking mga tanim, tulad ng pinya, sitaw, patola, kamote, saging, mangga, santol, langka at niyog, paminsan-minsa’y nagbibigay ako ng produkto sa masa. Napalapit at napamahal ako sa kanila. Malaking bentahe yaong mapalapit ka sa masa pagkat sakali at prinsipyo na ang pinag-uusapan, kahit di gaanong matanggap ang prinsipyo mong ilalapit sa kanila, tiyak na kahit papaano’y mamamahalin ka palibhasa’y napagkilala ang kilos mo at pakikipagkapwa sa kanila. Liban na lamang isa ilan-ilang pusakal na kalaban.
Halos
isang taong ginawa ko ito sa malayong distino na teritoryo ng mga pangunahing
kaaway ng bayan, tulad ng mga Makoy, Ablan,
Dito sa kinalalagyan ko, mayroong mga samahang magsasaka na kaanib sa Federation of Free Farmers o FFF. Nakausap ko ang lokal na lider nito sa bayan ng Espiritu, dating Banna, sa Ilocos Norte. Mayroon ding samahan sa patubig, na nakabase sa Bacarra, Ilocos Norte, pero di ko nakausap ang lider nito.
Ang
magandang gabayan dito ay ang mga hanter.
Halos araw-araw ay umaakyat sila sa Cordillera. Kung minsa’y isang
linggo sila sa bundok. Pagbaba, dala na
nila ang kanilang tapang baboy-damo at
Siguro, marami na yaong saging ngayon dahil matagal na akong wala roon. Pero bago ako umalis sa lugar, inayos ko muna yaong mga mapagkakatiwalaang tao roon at iniugnay sa m ga kasamang kumikilos sa puting purok sa rehiyon, sapagkat marami-rami na ang mga kasamang ito noong ikalawang taon ko roon. Tubo na sa rehiyon ang nakakarami sa kanila.
Marahil, nadama na masa na maganda naman ang ikinikilos ko kaya sinabi nila, noong matagal na ako roon, na lalo sanang mabuti kung marerehistro na ako sa baryo at nang lalong maging maganda ang pagsasama-sama namin. Baka raw pwedeng magpirmi na ako dahil ang mga mehoras ko roon ay pangmatagalan na, sabi pa nila, at pagka rehistrado na ako roon ay malaya na raw akong magbigay ng kuru-kuro sa ikabubuti namin, laluna ‘ika tungkol sa siguridad. Ang sagot ko’y nasa kanila na yaon, ako’y nasa ilalim ng kanilang kapasyahan, pero dahil ako ay may pamilya at kapatid sa ibang probinsya, baka maging sagka sa akin ang pananatili sa kanilang lugar. Ang sabi nila ay malaya akong magpunta kahit saan. Ang sabi ko naman, sige kung ganyan, laluna kung malaya rin ang akong makipagtalakayan sa pulong tulad nito, sabi ko pa, sapagkat araw ng pulong nila noong mag-usap-usap kami.
1978
na, ang hirap nito ay palagi na nila akong dinadalaw sa tirahan ko. Naging palagay na sila sa akin. May mga kumukuha na sa aking mag-anak sa
kasal at binyag, gastos na rin ito, pero kapag ako naman ang may kailangang
maliliit na bagay ay ibinibigay nila ang mga ito, tulad ng mga gulay-gulay na
wala sa taniman ko at iba pang pagkain.
Ang iniiwasan kong interamente ay yaong makipag-inuman, bagamat umiinom
din ako ng kaunting basi sa umaga, mga dalawa o tatlong lagok lamang, pero sa
tinitigilan kong bahay. Kasi, bago ako magtrabaho sa umaga, mga alas
Naaalala
ko pa na noong pumasok ako sa lugar na ito ay hindi pinahintulutan ng Partido
na magdala ako ng kahit anong klase ng babasahin. Wala akong nababasa kahit na ano liban kung
ako’y pumupunta sa
1979, regular na ang pag-ugnay ko sa mga kasama sa rehiyon. Pero bagamat alam na nila ang aking kinalalagyan, hindi nila ako madaling mapuntahan dahil tatlong oras takbuhin ng sasakyan at minsan lamang isang araw ang byahe kung tag-ulan, malalim ang mga ilog at di makatawid ang sasakyan. Malayo pa ang lalakarin mula sa kabayanan hanggang sa aking kinalalagyang lugar sa paanan ng Cordillera. Ang isa pang dahilan kaya hindi ako mapupuntahan ay wala pa raw atas sa kanila na pumasok sa kinalalagyan ko, hanggang kabayanan lang sila. Kaya noong pinadadalhan na ako ng mga babasahin at dokumento, ako’y pumupunta sa Laoag para kunin ang mga yaon. Regular na ang dating nga babasahin, at nagkikita-kita na rin kami ng mga minsan sa isang buwan.
Bago nagkaroon ng regular na ugnay sa akin ang mga kasama, marami-rami na akong kaibigan sa lugar ko, at ang ila sa mga kinakausap ko ay sumasang-ayon na sa armadong pakikibaka. Kayat noong regular nang dumarating ang mga babasahing tulad ng Dangadang, Liberation, Ang Bayan at Ibon at iba pa, mayroon na akong napapabasa sa mga ito. Ang kauna-unahan kong pinabasa ay itong minoryang kasa-kasama ko sa mga lakad. Siya na rin ang nagtatago sa mga babasahin. Di nagtagal, dumami na nang dumami ang bumabasa sa mga pahayagan ng kilusan.
Nitong kalagitnaan ng 1979, pinasama sa aking kinalalagyang lugar ang isang kasamang bago pa lamang nakalalaya sa detensyon. Siya raw ay anim na taong ikinulong at pinagrereport pa raw sa Army. Pero noong pumunta na siya sa kinalalagyan ko, huminto na siya sa pagrereport sa Army. Marahil, itong kasamang ito ay sabik na sabik na magkaroon ng mga bagong kaibigan, kayat sumasama siya sa kung ano-anong lakad. Minsan, isinama pa siya ng mga binatang tagabaryo papunta sa isang malaki-laking pagtitipon ng mga Baptist na idinaos nang tatlo o apat na araw yata sa bayan ng Currimao, Ilocos Norte. Marami daw nagsidalo doon na galing sa ibat’ ibang bayan at lalawigan. Pagkabalik niya sa aking kinalalagyan, tumigil pa siya nang isang linggo bago nagpaalam. Pinabaunan ko pa siya ng isang sakong pinya.
Hindi gaanong nagtagal pagkaalis niya, may hinuli ritong kadikit ng kilusan, sa bintang na pananaga sa isa ring tagarito. Naputol ang isang daliri nito. Noong siya ay nasa kulungan na sa munisipyo, pilit daw na itinatanong sa kanya kung sino ako at bakit daw mayroon pa akong kasamang kabataan. Ipinagpilitan daw na kami ay may ibang gawain, hindi lamang magtrabaho sa lupa. Ang sagot daw niya ay walang nalalaman ukol sa itinatanong nila pagkat ni kaunti ay wala siyang pagkakakilanlan na kami ay masasamang tao. Pinalaya siya sa kondisyong babayaran niya ang gastos sa pagpapagamot nitong naputulan ng daliri. Pero bago nangyari ang lahat ng ito, lumalaganap na ang balita na nasa Ilocos Norte na raw ang NPA. Ibinobrodkast na rin ito ng radyo sa Laoag at sinasabihan ang mga tao na mag-iingat sila. Gayunman, di ko pa rin ito iniintindi. Pero nakakaramdam na rin ako ng init tuwing pupunta ako sa Laoag at makikipagkita sa mga kakolektibo.
Sa aking istasyon sa Laoag ay madalas na raw may napapansing umaaligid na mga kahina-hinalang tao, at medyo nag-aalaala na rin ang mga kasama. Dahil sa ganitong kalagayan, pati itong may-ari ng bahay na nagsisilbing communication post ko at ng mga kasama ay nagpahiwatig na ibig niyang huwag na akong magpunta sa pinupwestuhan kong baryo. Ang taong ito ay isang ministrong Protestante. Mahuhusay na kasama ang mga anak niya pero siya mismo ay anti-Partido. Anti-Makoy naman siya kaya lamang ay pro-Amerikano. Ang bagay na ito ay isinangguni ko sa isa niyang anak na mainit din dahil ito’y tumakas sa kamay ng estado. Noong matanggap ng kasama ang sulat ko, agad niyang pinuntahan ang tatay niya, kinausap nang mabuti at sinabi dito na bawasan ang takot nito. Nakabalik ako sa aking lugar.
Pagkalaya nitong kaalyadong tagabaryo, tumuloy siya agad sa aking kubo, mga alas 11 na ng gabi. Mahigpit daw ang bilin sa kanya na huwag ipagsasabi kahit kanino yaong itinatanong sa kanya pagkat huhulihin daw ako, at pag ako raw ay nakaalis, siya ang may kagagawan. Sa ganitong balita, maagang-maaga kinabukasa’y umatras ako. Nagreyd ang militar noong sumunod na araw, isang araw lamang ang pagitan pagkaalis ko. Pinaghuhuli ang ilang taumbaryo at nireyd pati ang post ko sa Laoag. Matatag na nanindigan ang masa na sila’y walang kinalaman sa sinasabing ako raw ay NPA, at may sagot pa sila na ganito: Kung totoo mana ang sinasabi inyong ang taong yaon ay NPA, wala siyang masamang ginawa, bagkus ay napakagandang ugali pa nga ang ipinakita niya, mahusay siyang makisama, matulungin, maawain. Ganito ang ipinaabot nila sa kilusan, at sumulat pa ang masa noong ako’y wala na sa lugar na kung maaari raw ay magbalik ako at huwag mag-alala. Kung anuman daw ang hakbang na gagawin ng mga awtoridad sa akin, ipapakita daw nila kung papaano nila ipagtatanggol ang kilusan laban sa kaaway ng bayan.
Sa Ilocos
at Abra
1980, ako’y pumasok sa Ilocos Sur. Ang bayang tinungo ko ay Santa Cruz. Sa bayang ito ay marami akong kakilala at marami pang nakakakilala sa akin. Mangyari, ang una kong asawa ay tubo rito sa Santa Cruz. Alam nila ang aking gawain mula pa noong 1948. Alam nila ako’y kumikilos a CLO, nanggaling sa hukbong bayan at nabilanggo. Bukod sa mga taga-Santa Cruz, maraming nakakakilala sa akin na mula sa iba pang bayan sa Ilocos Sur, tulad ng Santa Lucia, Candon at Salcedo. Nakasama ko sila sa sentral asukarera ni Buencamino noong bago pa magkadigma. Liban pa ang mga ito doon sa mga kamag-anak ng asawa ko na ang ilan ay naging opisyal ng pamahalaan, tulad ng isang dating meyor ng Salcedo at isang dating hepe ng pulis sa Santa Cruz. Yaong nasirang si Ka Manuel Joven, pangkalahatang kalihim ng CL na dinukot ng kaaway sa tanggapan ng pederasyon noong 1949, ay tagarito sa Santa Cruz.
Dito rin sa bayang ito nakasentro ang ilang kasamang kumikilos sa Ilocos Sur, kaya nang malaman ng mga kamag-anak ng asawa ko na ako’y narito, mabilis na kumalat ang balita na ang kilusan ay naririto na. Ito ang dahilan kaya ako’y di gaanong pinatagal sa Ilocos Sur. Nagkaroon ng kapasyahan na ilipat ako sa ibang rehiyon. Mga anim na buwan lamang ako rito, pero marami-rami rin ang nalapitan ng kilusan at nadagdagan ang bilang ng mga kasapi nito.
Alas onse ng gabi, isang araw ng Setyembre, kasalukuyang nagpupulong kami at nagpapasumpa ng mga bagong kasapi ng Partido nang dumating ang balitang may pumasok na dimonyo sa baryo at pinaiinspeksyon sa mga ronda ang mga bahay-bahay, pinatitingnan kung may mga bagong tao sa baryo. Pumasok nga sa kinalalagyan namin ang inatasang magmanman. Alam niya na naroroon kaming nagpupulong, pero palibhasa’y kaalyado na ng kilusan itong mga tanod na ito na sapilitang pinagroronda mula alas otso ng gabi hanggang umaga, ang report nila sa PC ay walang ibang tao sa baryo, walang NPA. Kung mismong militar ang nagpunta sa amin, tiyak na babanatan namin pakat may mahahaba naman kaming armas na nakahanda. Ang ganoong istilo ng pagguwardiya ng masa ngayon ay katulad ng pagbabantay ng mga samahang magkakapitbahay noong panahon ng Hapon, noong ang mga gwardiyang ito ay siya ring naghahatid sa mga gerilya sa kanilang pupuntahan. Lahat ng baryo sa Santa Cruz, noong ako’y naroroon, ay ganyan, may karpyu at may gwardya, pero nakakakilos ang Partido pagkat ayos ang masa. Noong ako’y makaalis sa lugar, hindi nagtagal at nagkaroon ng banatan doon mismo sa pinanggalingan kong baryo, sang-ayon sa report ng pahayagang panrehiyon ng kilusan.
1980-81, mainit sa Ilocos Sur. Yaong isang kasamang babae na hindi tubo sa Ilocos Sur at isa pang kadreng Ilokano, pagkatapos ng pag-uusap namin sa La Union, ay nagbalik sa Ilocos Sur. Ako’y tumuloy na sa Baguio pagkat doon na nila ako pupuntahan pagkaraan. Hindi na nila ako napuntahan at nahuli na sila sa Santa Maria, Ilocos Sur. Nagdaan ang dalawang buwan bago may sumipot na dalawang kasama sa bahay na kinalalagyan ko. Noong araw na yaon, nagpaabot ako ng sulat sa nakatataas ng organo ng Partido na hindi na masyadong mahusay ang pisikal na kondisyon ko kaya hirap na ako pag-akyat baba sa Cordillera. Sinulatan nila ako at pinaluluwas na muna sa Maynila.
Habang ako’y naghihintay na lumakad patungong silangang Gitnang Luson (SGL), ang bago kong distino, sinabi ng kinuukulang organo ng Partido na ako’y ilalagay daw muna sa isang lugar sa loob ng tatlong araw at doon ako uugnayan. Ang lugar na ito, sa palagay nila, ay ayos para sa akin pagkat organisado ang masa. Komunidad ito sa Abra na ang nakakarami ay Tinguian, para na ring sonang gerilya. Noong unang gabi ko roon, pinuntahan ako ng ilang kababaihang Tinguian. Nagkantahan sila ng mga kantang rebolusyonaryo sa wika nila. Masayang-masaya kami.
Sumunod na gabi, masama ang balitang dumating. May pumasok na PC at pumwesto sa malapit sa aking kinalalagyan. Pinuntahan ng kasamang may-ari ng bahay na tinitigilan ko yaong bahay na pinwestuhan ng PC, na diumano’y siyang pagdadausan ng pag-uusap ukol sa bibilhing armas para sa hukbong bayan. Pilit na pinigil na ng PC itong kasama at pinainom nang pinainom ng alak na dala ng PC. Nabalisa ng ngayon itong kadua, tinakasan niya yaong mga sundalo at pinuntahan ako. Hatinggabi, umatras ako kasama itong may-ari ng bahay.
Ang bahay na ito ay dikit na dikit sa mataas na bakod ng malawak-lawak na lupang pag-aari ng Simbahang Katoliko. Madilim sa loob ng bakuran, maraming tanim na saging at sari-saring punung-kahoy. Nasa gilid ng ilog ang tanimang ito. May kalsada sa tabing-tabi ng bahay ng kasama, gilid na gilid din ng ilog. Hindi na ako nakaraan sa hagdan na nakaharap sa kalsada pagkat naroroon na ang PC. Sa bintana ako lumusot. Dahil sa dilim at nangangapa ako, hindi ko namalayang nalaglag ang aking salamin, marahil ay noong ako’y umaakyat uli sa mataas na pader sa isang panulukan ng bukod. Nang makalabas na kami ng taniman, nagdaan kami sa pagi-pagitan ng malalaking bahay. Noong naglalakad kami sa isang makitid na iskinita, nasalubong namin ang dalawang PC na nakainum nitong aking kasama. Sila’y lasing na lasing at halos magkabanggaan ang mga balikat namin sa makitid na daan. Bumati pa ng bating lasing yaong dalawa. Hindi namin alam kung saan pa sila pupunta pero ako’y palayo na nang palayo sa lugar na ito.
Napilitan kaming maglakad nang hatinggabi sa malaking kalsada hanggang sa maraming namin ang terminal ng Pantranco. Doon na ako nagpaumaga. Itong kasama ko ay nagpaalam na uuwi muna at babalikan ako bago mag-umaga. Maagang-maaga pa nga’y dumating siya sa istasyon ng bus. Nagpunta raw yaong PC sa bahay niya. Nanginginig daw sa takot itong asawa niya at mabuti na lamang daw at di kami inabutan sa bahay. Mula sa istasyon ng Pantranco, nagpunta na ako sa napag-usapang lugar ng tipanan para lumabas na patungong SGL. Alas otso ng umaga, dumating ang sundo ko na kotseng berde. Pinuntahan pa namin ang dalawang kasamang nagpapagaling sa tama ng baril at isa pang kasamang babae na nagpapagamot din dahil nagkasakit. Pumasok na kami sa sonang gerilya.
Sa
Silangang Gitnang Luson
Sa sona, gabi-gabi ang lakad ko kasama ang mga armado. May baril din ako. Ang hirap nito, nangangapa ako sa daan, madilim, madulas ang mga pilapil. Noong ikalimang gabi ng pagsama ko sa hukbong bayan, nakita ng mga kasama ang hirap ko sa paglakad sa dilim. Mula noon ay iniwan na nila ako sa patag kasama ng isang yunit pampropaganda. Naglalakad pa rin ako pero sa araw na. Dito, napagtatagpuan ko yaong ilang Huk na beterano ng mga labanan noong nakaraang panahon. Isa sa mga ito sa Ka Eugenio Gomez na kasama si Kumander Viernes na nagtungong Cagayan Valley noong 1947. Nagkatagpo kami sa San Jose, Nueva Ecija. Halos baldado ang isa niyang braso dahil nabaril siya sa ibaba ng balikat noong magkaroon ng labanan sa Camalaniogan, malapit sa Aparri, Cagayan. Sa isang batalyon ng Huk na nagpunta roon, iilan lamang ang nabuhay at nakabalik sa kani-kanilang bayan.
Pumwesto ako nang tatlong araw sa bahay niya at mayroon akong hinihintay na giya. Pagdating ng giyang ito, lakad na uli. Nagtungo ako sa isang bayang malayu-layo na sa bundok. Ito ay puting purok, bawnderi ng Ilocos-Montañosa-Pangasinan, kanlurang Gitnang Luson at SGL. Ako’y nag-iisa sa lugar na ito na bahagi ng ginagawang pagpapalawak ng kilusan.
Noong ako’y naroon na sa sona, madaling araw ay sumalakay ang kaaway. Nasentruhan ng reyd ang kinalalagyan ng dalawang kasamang kadre. Hindi sana nahalata ng kaaway na may mga kasama roon kung hindi medyo nataranta ang may-ari ng bahay. Nagsara siya ng bintana samantalang naroroon na sa may hagdanan ang kaaway. Ang dalawang kasamang nasa silid ay hinuli at nakunan ng papeles. Ako naman ay nasa isang bahay kasama ang ilang kapwa armado. Marami kami sa loob ng baryo. Tatlo lamang ang kaaway na pumasok sa baryong ito, pero noong mga alas sais medya ng umaga ay natiyak na marami pa silang nakadiploy sa malayu-layo sa amin. Nagblaking na kami. Noong matiyak namin na kami pala’y kubkob na, nagdisisyon kaming pumwesto at kung sakali’t lumapit ang kaaway at tiyak na banatan ang mangyayari. Hindi naman sila lumapit sa amin. Napinsala na naman ang mga manok at aso ng masa.
Sa
bayang nilipatan ko, ako’y nagtaka at isang buwan nang mahigit ay hindi pa
nagbabalik ang kuryer na naging giya ko
sa pagpasok doon. Nagdisisyon ako
ngayon na hanapin na ang mga kasama.
Nagpunta ako sa isang lugar at nagbaka-sakaling doon ko sila matatagpuan. Tag-ulan
Tuloy ang
Laban
Ako’y lumuwas sa Maynila para ayusin ang ugnay ko. Balik ako uli sa SGL pagkatapos maayos ang linya ng komunikasyon. Pagkaraan ng isang buwan, dumating ang isang sulat sa akin at pati yaong salamin kong nawala. Pinaluluwas ako sa Maynila at iuugnay sa ligal na kasamang kumikilos sa hanay ng manggagawa. Dito ako nagpatuloy na kumilos pagkaraan ng mahigit na isang buwang paghihintay. Ako’y medyo naninibago sa trabaho bagamat mahaba na ang karanasan ko sa kilusang paggawa. Naiinip ako kung minsan pero sa kabuua’y maayos ang pagkilos ko dito.
Hindi pa dito magwawakas ang kwento at magpapatuloy pa ang labanan. 72 taon na ako ngayon, pumupwede pa kahit papaano. Marahil, magtatagal pa ang buhay ko, malakas-lakas pa rin ang katawan ko.
Mabuhay ang Rebolusyon!