Mancaliak Pacu Kudo*
Pagi tu, sasudah sumbayang subuah, hari Minggu.
�Alun juo pai waang lai yuang� kecek mak Sati ka anaknyo, si buyuang. Dek karano si buyuangko anak laki-laki, bungsu dari ampek kakaknyo nan padusi. Jadi inyo labiah acok dipanggia buyuang dek apaknyo. Hampia sado rang kampuang ndak tau sia namo aslinyo, kecuali kawan-kawan sikolanyo. Kakak-kakaknyo sadonya lah ndak dirumah lai. Ado nan sikola ado nan manggaleh.
�Alun lai Pak�, jawek si buyuang. �Baa kok alun juo pai lai harilah tinggi juo, beko kasiangan waang, angek di jalan�. �Sabanta lai Pak, Amak alun siap mambuek tungkuih nasi lai�. Di dapua amak si buyuang lah basitungkin mamasak untuk mambuekkan nasi bungkuih untuk si buyuang.
�Jo sia waang pai,� kecek Mak Sati. �Jo si Un anak Tek Rawi Tanjuang tu,� jawek si Buyuang.
�Ko nasi bungkuih ang,� kecek amak si buyuang. �Tarimokasih Mak � kecek si buyuang.
�Jan lupo bao aia minum, beko mambali aia lo waang�. �Sabalun Maghrib waang lah tibo di rumah yo�, kecek Mak Sati. �Jadi Pak�, jawek si buyuang pulo.
�Awak pai lai Pak, Assalamualaikum!!!.
Lah barangkek si buyuang sambia manyinggahi si Un tadi.
Ka pai kamaa mereka ko kini ?. Mereka ka pai mancaliak pacu kudo di bukik Ambacang. Sabok wakatu itu oto sarik, mako kalau ka pai ka Bukittinggi urang bajalan kaki, jadi subuah kalam lah bajalan.
Ndak tangguang onggak jo sanang hati si buyuang jo si Un tu doh, sabok sakali-sakali manumpah rang rami. Jalan lah bajalan�. Lah mulai basuo jo urang nan samo punyo tujuan.
Sajam kamudian lah sampai mereka di Bukik Ambacang. Tiket lah babali sehargo tiket anak-anak. �Dimaa awak duduak Un � kecek si buyuang. Rancak kito duduak di Dakek kuburan Cino tu, disitu lantang, nampak kasadonyo. �Jadih� jawek si buyuang. �Alun mulo lai komah �kecek si buyuang. Ndak lamo sudah tu lah mulo kudo di lapeh, urang lah basorak. Ado juo urang nan bataruah. Kecek si buyuang, kecek Apak tadi kito ndak buliah bataruah doh, haram hukumnyo. Kuburan Cino tu lah basakingkik pincik dek urang. Tibo lo pangana si Un batanyo ' baa kok rancak bana kubu Cino ko, yo?. Mungkin rang Cino tu, makin kayo inyo makin rancak kuburannyo, jawek si buyuang sambia malengah.
Hari lah muloi tinggi, urang pun lah rami. Nan paruiklah taraso litak. �Makan wak lai Un�, kecek si buyuang. Jadi kecek si Un. Lah bacari tampek taduah di bawah rumpun buluah, maarah ka Taman Pahlawan. Nasi bungkuih di bukak, ado goreng talua jo uwok patai. Lah bakuampeh urang tu makan.
Hari lah mulo patang. Si buyuang jo si Un lah mulo nampak kapanekan. Pulang wak lai, kecek si Un. �Sabanta, den ka mambalian martabak untuak amak sabanta yo�, kecek si Buyuang. Aden iyo lo kecek si Un. Martabak lah babali, kaki di ayun hanyo lai. Pas suaro tabuah Maghrib babunyi si Buyuang lah nampak di pintu kaporo rumah. �Sia nan manang�, tanyo Mak Sati. �Nan dahulu nan manang Pak, kecek si Un. Pandai pulo ang basielah yoo. Maklumlah Si Buyuang sabananyo kasitu bukannyo ka manonton sangat, tapi pai ka nan rami tu nan sanang hatinyo. Kesehariannyo pulang sikola adolah kasawah jo kaparak.
*Ditulis untuk melepas kerinduan kepada kampung halaman, tidak semua orang akan akan mengerti dengan cerita ini. Nama-nama yang tersebut adalah rekaan semata.