21/8/02 思覺失調
「『思覺失調』是指一種可能發生於一些人士身上的早期不正常精神狀態，一般會出現思想及言語紊亂、幻覺及妄想等 情況．．．．．．」
－－－－－－節錄自「思覺失調服務計畫」網頁
個案一：幻覺
病人Ａ用左十萬九千七購買美白用品，之後四圍同人講用完一次SKII塊面即刻白哂。
個案二：妄想
病人Ｂ攬住男朋友唔肯食飯，堅信有情飲水飽，真愛勝過一切，豰然放下自我。
個案三：思想紊亂
病人Ｃ窮一個夏天思考搵工算唔算妥協，算唔算放棄理想，算唔算向群眾壓力低頭
，邊諗邊搵工。
個案四：言語紊亂
病人Ｄ一邊堅持自己無錯根本無睇過個報告，一邊講對唔住指金管局係罪魁禍首。
[註：以上個案與思覺失調無關，乃個別人士的愚蠢，無知，迷網，及不負責任的行為節錄。]
「雖然任何年齡的人士都有機會患上「思覺失調」，但有較大機會發生於15-25歲左右的 青少年身上。」
香港每年約有700名年齡介乎15-25歲的青少年人出現「思覺失調」徵狀。
七百個，未必關於你和我。但其病徵的普遍性可叫你我同樣嘩然。
留意你身邊的人，在罵他煩罵他痴線前，好好想想，他是病人，抑或煩人。
「【明報專訊】思覺失調指的是青少年時期出現如幻覺及幻聽等早期不正常精神狀態。」
－－－－－－６月２６日明報
任何年齡呀！！！唔係青少年時期呀！！！
除了雙失青年、迷失青年，搞不好還要弄個「思失青年」。
你們這些大人鬧夠了沒有．．．．．．