一月十七日

　　香港由香港、九龍、新界組成。

　　有些人住在香港，有些人住在九龍，更多人住在新界。

　　不知何時開始人們喜歡用居住地區來把別人分類，繼而歧視。

　　大一，系會舉行春盟，大夥兒從大埔乘巴士吃盤菜，路上出現以下對話：

　　「你睇，師奶都識踩單車喎。」

　　「梗係啦，踩單車方便好多。你識唔識踩單車？」

　　「我唔識喎。你應該識啦下嘛？」

　　「我識。」

　　「係囉，新界人多數都識踩單車架啦。咁我住香港架嘛。」

　　二ＯＯ二年十二月廿七日，市區氣溫八度，新界低一兩度，我應約到尖沙咀組聚。見到以前住大圍現在住銅鑼灣的組爸，跟他說：市區真係無咁凍喎。他答：你Ｄ新界人真係特別怕凍。

　　前兩日，跟老師們聊天。一位平日實事求實有型有格的MISS說：我係香港人黎架，由細到大都係香港讀書生活。係屯門呢，我會唔comfortable囉．．．．．．唔知呢，真係好唔同架，我諗你地住開屯門出度去香港見ｄ人行得咁快都會唔慣啦．．．」

　　某年傑出華人系列訪問高錕。主持人問他：你是中國人，在美國讀書、工作，在香港做研究，你覺得自己是什麼人？高錕這樣回答：I belong to where I stand, and I work for the people there.

　　不就是這樣吧。