January 31, 2006

تمام جماعتوں کو سیاسی آزادی دی جائے، مہاجر قومی موومنٹ

مہاجر قومی موومنٹ پاکستان کے رہنما اختر حسین نے عارضی بیت الحمزہ سے جاری ہونے والے اپنے ایک بیان میں کہا ہے کہ تمام جماعتوں کو سیاسی آزادی دی جائے۔ حکمران حقیقت پسندی کو تسلیم کرتے ہوئے اپنی مخالف جماعتوں کے ساتھ جاری ناروا سلوک کو فی الفور ختم کریں۔مہاجر قومی موومنٹ پاکستان کو انصاف فراہم کراتے ہوئے اسے سیاسی جدوجہد میں اپنا کردار ادا کرنے کی آزادی فراہم کرائیں جو کہ نہ صرف ان حکمرانوں کی ذمہ داری میں شامل ہے بلکہ ملکی سیاست میں توازن پیدا کرنے کے لئے بھی ضروری ہے۔ انہوں نے ملک کے مقتدر حلقوں سے مطالبہ کیا کہ وہ حکمرانوں کے اس دہرے کردار کا نوٹس لیکر تمام سیاسی جماعتوں کو سیاسی آزادی فراہم کرائیں۔