January 30, 2006

محب وطن افراد اور جماعتوں کو قومی سياسی دھارے سے دور نہ کيا جائے، اوور سيز کميٹی

مہاجر قومی موومنٹ پاکستان کی اورسيز کميٹی نے اسٹاک ہوم سے جاری کئے گئے ايک بيان ميں مقتدر قوتوں سے مطالبہ کيا ہے کہ محب وطن افراد اور قوم کو سياسی دھارے سے الگ رکھنے کا عمل بند کيا جائے جس کی وجہ سے ملک دشمن قوتوں کو پنپنے کا بھرپور موقع ملا ہوا ہے اور وہ اس موقع سے فائدہ اٹھاتے ہوئے مستقبل کے لئے اپنی طاقت ميں اضافہ کررہے ہيں اور اس مقصد کے لئے وہ سرکاری وسائل پوری طرح استعمال کر رہے ہيں۔ ضرورت اس بات کی ہے کہ حکمران وقت ہوش کے ناخن ليں اور جو لوگ کھلے عام حقوق کے نام پر سندھ کی علحيدگی کی بات کر رہے ہيں انکو ملک توڑنے کی باتيں کرنے پر مقدمات چلائيں جائيں اور محب وطن افراد آفاق احمد اور عامر خان کے ساتھ ساتھ يوسف رضا گيلانی اور جاويد ہاشمی پر سے بے بنياد جھوٹے مقدمات کا خاتمہ کيا جائے، کيونکہ محب وطن سياست دان ہی در اصل اس ملک کے محب وطن افراد کی نمائندگی کرتے ہيں چاہے انکا تعلق کسی بھی جماعت سے ہو۔

موجودہ بين الاقوامی حالات جس ڈگر پر جا رہے ہيں ايسی صورت ميں سياسی انتقام پر چلتے ہوئے حکومت غير ملکی دباؤ سے کبھی نہيں نکل سکتی۔ جس طرح حکومت وقت اس وقت غير ملکی دباؤ کا شکار ہے اس سے نکلنے کی ايک ہی صورت ہے کہ ملک ميں سياسی انتقامی کاروائی بند کی جائے اور ايسے لوگوں کو حکومت سے باہر کرکے مقدمات چلائے جائيں جو آج يہ اشارہ دے رہے ہيں کہ اگر سندھ کو حقوق نہيں ملے تو سندھ کو آزادی کی طرف ليجايا جاسکتا ہے ۔