January 24, 2006

اداروں کو مفلوج بناکر ان کی توہین کرنا افسوسناک ہے، آفاق احمد

 مہاجر قومی موومنٹ کے چیئرمین آفاق احمد نے کہا ہے کہ اداروں کو مفلوج بناکر ان کی توہین کرنا افسوسناک ہے جو موجودہ حکومت نے اداروں کو یرغمال بناکر اور اپنے سیاسی مخالفین کو بزور طاقت کچلنے کے عمل سے قائم کی ہے، یہ بات اُنہوں نے عدالت میں مقدمات کی سنوائی کے موقع پر اپنے وکلا سے گفتگو کرتے ہوئے کہی۔ اُنہوں نے کہا کہ موجودہ وقت میں ملک میں پھیلی ہوئی بے چینی اور اضطرابی کیفیت خودساختہ ہے تاکہ ملک کے عوام اور محب وطن سیاسی جماعتوں اور انسانی حقوق کی تنظیموں کا دھیان حکمرانوں کے انسانیت سوز مظالم اور غیرجمہوری و غیرقانونی اقدامات سے ہٹایا جا سکے، اُنہوں نے کہا کہ موجودہ حکمرانوں نے موجودہ دور حکومت کے 3 سالوں میں سوائے سیاسی مخالفین کو ختم کرنے کے کچھ نہیں کیا