Hosted by www.Geocities.ws

COPY RIGHT RESERVED BY THE AUTHOR MADANMOHAN TARUN(c)

HAMEIN AAP KAA AASHEERWAAD NAHEEN CHAAHIYE
READ A
HINDI CLASSIC IN Roman Script
BY

MadanMohan Tarun

HAMAIN AAP KAA ASHEERWAAD NAHEEN CHAAHIYE

BY

 

MadanMohan Tarun

 

HAMEIN AAP KAA

AASHEERWAAD NAHEEN CHAAHIYE

 

I DON'T WANT YOUR BLESSINGS

 

(First Publication -1991

INTERNET EDITION IN ROMAN SCRIPT-1st January, 2001

 

 

 

 

o

 

 

About this Poem

 

The English translation of the title of this poem is 'I DON'T WANT YOUR

BLESSINGS' ('Hamein' is the honorific form of ' Main '(I) the singular

number .

 

The Mahaabhaarat is a great work of sanskrit literature ,moreover it is an

ocean of knowledge and has been a source of inspiration of a big part of

Indian literature.

 

While going through the episodes of THE CHURNING OF THE SEA by

Gods and Demons to achieve nectar and the episode of THE SACRIFICE OF

DADHHEECHI , raised many doubts and questions before me, as well as ,

symbolically , it looked to be so much near to the contemporary odds and

affairs in nature that I decided to base my poem on these two episodes.

 

To me , the sacrifice of Dadhheechi in the name of the nation's Needs, is an

act of conspiracy of rulers and administrators like Indra , for Dadhheechi had

achieved such a height and prestige among people that Indra took him as

usual a challenge to his own prestige and position.he Planned carefully and

finally saw that Dadhheechi was no more.

 

As regard Churning of the sea for achieving nectar in the name of welfare of

all the beings is concerned , to me , it is a cold act of cheating and deception

by the Gods . They used Demons , the Asuras , only as a means to achieve

their own ends but for nothing else.

 

Demons, the Asuras, never got their share.

 

I have used Chaarvaak (He is named, in this poem, as Chaaruvaak means

who speaks worth listening) ,a great Indian philosopher as a narrator of the

story, who always professed against the existence of god and the theory of Re

- birth . Accoding to him the life does not exist before birth and after death.

 

Chaarvaak professed in favor of life of one's own discretion,not guided either

by religion or tradition .

 

Chaaruvaak raises a major question in this poem for the first time -Why

members from human beings were not invited for this job ,where as they , at

many occasions helped gods to fight against Asuraas ,their old enemies

.Taking Caaruvaak as his friend ,Vishnu ,greatest among the Gods , discloses

that gods are afraid of human beings for their being highly aware of their own

importance. They keep their heads high against any thing. They are equipped

with the power of high imagination and intellect, where as asuras are

extensions of only physical force . They have onlybody ,not the head. That is

why gods prefered to invite asuras .

 

This poem produces an improved Chaaruvaak . He is better aware of the

things now.

 

The poem finally coveys - Never beg for the blessings of othersas they are the

means through which Gods and rulers belittle you.

 

No feet is greater than your head.

 

Finally this poem gives a 'mantra' -

 

I DON'T WANT YOUR BLESSINGS

 

- MadanMohan Tarun

 

 

 

o

 

 

 

Aur aadmee !

Poochhaa thha Charuwaak ne Vishnu se

Jab taiyaariyaan ho rahee thhee

Samudra - Manthhan kee

 

Vaasuki ko manaayaa jaa chukaa thha

Mandraachal ko sahlaayaa jaa chukaa thha

Aamantrit rakshasgan

Devtaaon ke atithhi thhe pahlee baar

Manthhan ke poorv

Maanse madiraa kaa

Mahotsav aayojit thhaa

Prithul Rambhaaon kee

Janghaaon, yoniyon, stanon ke

Thhalblaate prafulla vihaar mein

Dehaasav peete hue

Madvihwal thhe

Devtaa aur Daanav

Saagar ke aseem vistaar par

Bhavishya kee yojnaayein banaate hue.

 

Kintu

Sabse doore

D o o r e. . . . jaraa aur bhee dooree par

Chintaamagna baithhaa thha Vishnu . . .

' kaun sahegaa 'manthhan ke gharshan se

Utpanna Vasuki ke fanon se nikaltee huyee

Hooh bharee agni !

Footkaartaa mahaanaashkaaree prabhanjan !

 

Devtaa !

Huh :

Yoni kee halkee ooshmaa mein

Stnon ke utaar -chadhhao par

Gaal rakh kar

Nirantar pighalte

Vilaasjeevee devtaa !

 

Dharm

Jinkee boodhhee radiyon kee yoniyaan Chapchapaataa

Jad -jantuon ke poojaa -prasaad khaataa

Rachtaa hai pakshadhartaa ke naye -naye aadarsh

Taaki daastaa ke bandhan aur bhee atoot hon

Aur jise ve naam dete hain dharmaadesh

Yaa samvidhaan yaa moolya yaa . . .

Aise hee garimaamay ghatyaa naam

Taaki vilaasiyon ke ling aur ankosh tak

Devtaaon kee tarah poojit hon .

Heenaashaya

Kabhee -kabhee apnee hee jaati se

Ghrinaa hotee hai Charuvaak !

Sach kahtaa hun

 

Kintu

Sampanna jadtaa

Kiskaa bhojan naheen bantee !

 

Kitnaa ajeev lagtaa hai

Jab hamaaree prastar moortiyon ke chaaro ore

Ghoome - ghoome kar

Ajeeb lalchaatee Aankhon se

Yaachnaa karte hain praanee -

He devtaa, tumhee

Aadi hai

Tumhee madhya hai

Tumhee ant hai Tumhaare mukh mein

prvista bhojan hee hai

Hamaaree tripti

Tumharaa aanand hee hai hamaaree uplabdhhi

Tumhaaree bhujaayein hain hamaaree shakti

Tumhaaree vijay hai hamaaraa shaurya

To

Hamein aashcharya hotaa hai

Huh : apne lingon se jo moot bhee naheen saktaa

Usakee rakshha kyaa

Uskaa aanand kyaa Uskaa aashwaasan kyaa . . .

 

Nahee . . .naheen

Ye jhel naheen sakeinge

Vaasuki ke fanon kee footkaar

 

Naheen Bandhu nahee chaaruvaak, nahee

Devtaa nahee jhel sakenge who aandhee

 

Jaraa mujhe hee dekho na

Sarpaakaar jalmahal mein

Meraa poora jeevan

Vilaasmayee ramaniyon kee bhaaree jaanghon mein

Ufante adheer Madnotsav ke sivaa

Aur kyaa hai !

 

Kabhee nahee pade mere paabon mein fafole

Kabhee nahee hua meraa dhanush tankrit

Meraa yudhha ladte rahe Ram aur Krishna

Kintu

Mahaakaavyon kaa naayak banaa main

Sarva graasee hokar bhee

Devaalayon mein mein hee

Dhulvaataa rahaa apne paaon

Har shaktishaalee parthhivtaa mein

Meraa bhram utpanna karte rahe mere dalaal

Taaki yudhha lade aadmee

Aur raajaa bane ham

Anna upjaaye aadmee

Aur

Prassad grahan karin ham .

 

Sach aur ekmaatra sach to yah hai bandhu ki

Hamne kabhee nahee lade yudhha

Kabhee naheen cheere

Rathchakron -lalkaaron aur baano se

Shatruyon ke yooth

Kabhee bhee vahee nahee

Rakta kee ek bhee boond hamaaree deh se

Sach to yah hai bandhu ki

Mein jyaadaa - se - jyaadaa

Apnee tiryak muskaano se

Shumbha aur Nishumbha ko ladaa sataa hun

 

Jise chaahoo use vish yaa amrit pilaa saktaa hun

Thhodaa bahut naach saktaa hun

Thhodaa bahut gaa saktaa hun .

 

Meree sattaa kee ekmaatra saarthaktaa hai

Meraa surakshit singhaasan

Yah chaahe Raam kee vijay se sambhav ho

Yaa Raavan ke astra se vadhit ho Raam

Mere liye koyee antar naheen padtaa

Meree saarthaktaa hai

Devtaa aaseen rahein

Adhikaar kee oonchaaeeyon par

Aur

Un se oonchaa uthhne vaalaa har mastak

Ludhhak kar dhoolisaat hotaa rahe

Unke hee paavon par

Unkee hee jaigaathhaa gaataa hua

Fir Naye janma mein bhee yun hee sir navaataa hua .

 

Kahte hue sharm to aatee hai bandhu

Parantu is besharm naatak se alag

Devtaa kahaan�

Devee kahaan �

Aur � aur �

 

Indra !

Hamaare senaadhyakshha !

Tum nahee jaante charuvaak

 

Un dinon kee baat hai

Khyaati ke rashmivaan shikharon par

Avasthit the

Soorya se bhee bhaaswar aur prachand

Praanee - praanee kee aankhon kee

Shradhhaa mein chamakte hue

Deh aur medhaa ke

Mahaakaar avtaar se

Yash ke dig - digant � dishaantar gaamee

Mahaayaanon par aaseen

Prithwee -paataal , gagan �gagnottar

Oonchaaiyon par omkaar se goonjte hue

Jan -jan se poojit the

Mahaaprabhu Dadheechi !

 

Indra lajjit thhe

Unkee khaati ke vistaar se

Rakshhas kah kisee ko bhee

Sarvdaa kee tarah

Vadh nahee kar sakte thhe

Apne se tejaswee us rishi kaa khule aam

Aur na to sambhav thha

Anya yashashwee raakshhason ke vadha ke poorv

Rishi kee soorya see keerti ko

Kalankit karnaa

 

Udhar raakshhas raaj Vritra bhee

Ho rahaa thhaa chunautee

Indra kee shakti kaa

Khyati kaa

Pad kaa

 

Tabhee sadaa kee tarah

Dharm, Vedon ,Upnishdon aur puraano ke

Akshhar - akshhar mein

Atirikta keetaanuon kee tarah

Nivaas karte hue

Devtaaon se mil kar

Indra ne rachaa

Shadyantra ka maheen

Kintu atoot jaal

Jo

Deshbhakti , raashtra aadi - aadi ke

Bhed bhare taanton se

Khoob samhaal kar bunaa gayaa thha

 

Dharm ne ghoshnaa kee

Vritra shatru hai

Manushya kaa ,devtaaon kaa, pashuon kaa

Dharm kaa ,dhan kaa,

Vaanee kaa , vichaaron kaa

Un sab kaa

Jo prithwee ko apnaa ghar samajhte hain

Aur

Aakaash ko apnaa praapya

 

Vritra avadhya hai

Kisee bhee parampraagat astra -shastra se

 

Aur

 

In ghoshnaaon ke saath hee

Jantaa kee bheed mein shaamil ho kar

Traahi - traahi karne lage sadaa kee tarah

Devtaaon ke dalaal

Yaanee

Ghun kee tarah

Har jeevan mein nivaas karne vaale

Devataa !

 

Hahaakaar aur ooper uthhaa

Tab dharm ne

Lalaat kee rekhaayin aur bhee gahree kar

Ghoshanaa kee -

 

'Maregaa - maregaa vritra

Parantu

 

Soorya se bhee bhaashwar

Maharshi Dadheechi kee

Agni see

Sarv daahak tejaswee asthion se hee .'

 

Fir usne chaaro ore shankaa se

Aplak prashna - vikal

Bheed kee aankhon ko padhate hue

Maano vyagra - bechain ho ghoshnaa kee

 

'Parantu yah sochnaa bhee

Kroorataa hai, adharm hai

Paap hee nahee mahaapaap hai

 

Sach hai ki

Desh kee rakshhaa kaa

Isase itar aur koyee maarg nahee

Yadyapi praanee - praanee

Yaachak hai maharshi ke saamne

Apnee rakshhaa ke aashwaasan kaa

Kintu ..

Nahee .. nahee �

Aisaa nahee hogaa

Nahee hogaa yah ghaatak kroor karm

Chaahe ham sabon ko jalaa kar

Khaak hee kyon na kar de

Vritraasur kee agni !

 

Na rahein desh,

Na rahein shesh

Maanvon devtaaon kee

Tejaswee vansh parampraayein

 

Aur

Praan - praan mein

Shankaa kee aag jalaa kar

Devtaaon kaa dal chupchaap baithh gayaa

Ek - ek chere mein

Apnee ghaatak ghoshnaaon kaa

pratifal padhtaa hua !

 

Aur fir kyaa hua

Tum jaante ho chaaruvaak !

 

Dadheechi kee haddiyaan lekar toot padaa thhaa

Mahaanaashak janaakrosh

Aur thodee deir ke baad

Vritra kee mahaakaar andheree satta

Dhool kee dheree thhee

 

Sach kahtaa hoon mitra !

Yah yuddhha

Dadheechi kee hadduyon se hee nahee

Indra kee haddiyon se bhee ladaa jaa saktaa thhaa

Utnee hee saraltaa se

Ladaa jaa saktaa thhaa

Vrikshhon kee daaliyon se bhee

Kyon ki yudhha astra nahee ladte

Ve hameshaa lade jaate hain

Jantaa ke sankalpon se .

 

Kintu naheen,

Yah yuddhha nahee thhaa

Yah thhee shadyantrapoorn hatyaa

Sadaa kee tarah

Ek tejashwee chunoutee

Dadheechi

Ek baar fir shikaar bane thhe

Dharm aur rashtreeyataa ke

Gahre aavarnon mein

Chhupe

 

Pamaansbhacshee geedhon ke.

Aur usee raat Indra ne

Parshwavartee gautam kee

Naye sitaar see jhanjhanaatee patnee

Ahalyaa kee daih kaa

Boond - boond aasav piyaa thhaa

Apnee vijay kaa utsav manaate huye

Aur chalte - chalte

Ek tejaswee aadarsh ko kalankit kar gayaa thhaa

Sadaa kee tarah

Taaki

Marane kee prakriyaa daih se hotee huyee

Aatmaa ko bhee nichodtee rahe

Pratipal !

 

Indra abhee bhee vahee hain bandhu

Sahsron yoniyon mein paseejte huye.

 

Naheen bandhu , naheen �

Indra kaa taij -kalankit aham

Sahan naheen kar saktaa

Vasuki ke fanon kaa sarvdaahak uttaap !

 

Tab , samaadhaan ! samaadhaan !!!

 

Thhodee dair Vishnu baithhe rahe

Chintaatur ,vyagra , vyathhit , udaas

Fir dheere - dheere �aage badhe

Kreedaarat devon - daanvon ke beech khade rahe

Apnaa haath oopar kee ore uttha

Chintit kintu aashwast swar mein

Sabon ko sambodhit karte hue

Devtaa ne kahaa -

 

Sune mahaabalee dev aur daanav sune

Kal praatah kaal

Manthhan praarambh hogaa

Vartmaan ka manthan

Aur bhee ujjawal bhavishya ke liye

Fir jaraa sochte hue

Saumya vapu ,saavdhaan Vishnu ne kahaa-

Soorya se dhaval , balshaalee devgan

Vasuki ke sheershonnat

Mukh - bhaag mein kade honge

Aur daanav da

Dum kee ore se mathegaa saagar .

 

Idhar devtaon ke hotthon par ghulee smiti

Uttaan huyee gaurav se greevaa

Udhar raktaankit hue daanvon ke

Apmaanit akshha patal

Hotth vakra ,nasein tanee aur tadkee

Kadkee vaanee utteijnaa se bharee huyee door se-

 

Dum kee ore daanav !

Dum kee ore daanav !!

Dum kee ore daanav !!

 

Tabhee Vishnu ne apne baahuon se

Shamit karte hue jan- saagar

Aur bhee mitthaas ghollte hue vaanee mein

Ghoshit kiyaa -

Achhaa �achhaa

Poonchh kee ore rahein devtaa

 

Aur vaasuki ke mukh bhaag ko

Dhanya karein

Daanavgan .

 

Aur fir

Chaaron ore goonj utthee

Gagan ko ninaadit kartee

Samast dishaaon mein goonjtee

Vishnu kee jai jaikaar

Yaanee

Ek aur maarak shadyantr kee

Garimaapoorn vijay !

 

Fir shuroo ho gayaa utsav

Damdmaane lage nagaade

 

Thhirakne lageen devion aur devdaasion kee,br> Khulee aamantran daitee

janghaayein

Nashe mein vibhore

Chamaktee aankhein

Tan -tan

Pyaas dhadhkaate hontth

Man ko mathhte

Uttaan

Thhalblaate vakshha

 

Devtaa

Sirf aur sirf

Itnaa hee jaante hain

Vijay

Aur vijay

Aur keval vijay

 

Chaahe chhal se� bal se�vaibhav se..

Aurat se..agni se�paanee se�

Maan se�apmaan se

Tan kar aakaash se

Jhhuk kar paataal se bhee neeche

Maaran se�mohan�uchhatan se

Dadheechi kee haddiyaan kaat kr

Ahalaa bhog kar

 

Swaim ko amartaa

Aur

Doosron ko

Mrityu baant kar

Jaise bhee ho sake

Raavan nahee to Raam ban kar

Kans nahee to Krishn ban kar

 

Jeeto�aur jeeto�aur jeeto

Sighaasan par bane raho

Yahee rahaa hai

Devtaaon kaa jeevan sootr ,aadarsh vaakya

 

Kyon ki

Vijay hee veertaa hai

Singhaasan hee pratibhaa hai, sattaa hai

Raajdand hee aadarsh hai

Aur pooja paanaa

Jhuke mastkon se

Sanaatan adhikaar hai devtaaon kaa .

 

Samudr -manthan ke is mahaayagya mein

Jab Vasuki

Apnee kundlee mein samait rahaa thhaa

Manraachal

 

Saansein rok kar prateekshit thhaa Mahaasaagar

Sthhir thhee prithvee

Aur bhee shakti se

Smhaale hue apnaa kendra

Havaa dheere - dheere

Sihartee pattiyon par

Lane lagee thhee angdaaiyaan

Soorya udaan bhartaa aakaash par

Dheere..dheere

Failaa rahaa thha

Apne

Vishaal pankh

 

Vishnu chup thhe

Magar bheetar hee bheetar

Bunaa jaa rahaa thaa bhavishy

Daivee laalsaaon kaa

Anant vaibhav vilaas vaanchhaon kaa

 

Tabhee poonchhaa thhaa

Chaaruvaak ne -

Devaadhidev !

Aamantrit hain chhote - bade

saare devtaa, daanavgan

parantu � parantu �

 

AADMEE,br>

Jo

Devtaaon ke saath

Anaik yuddha ladaa hai

Jo

Swarg kee yaatraaon maein

Prithhvee ke pratimaan saa khadaa hai

Jiske baahuon kee lambaayee se

Parichit hai

Chandrmaa bhee

Urvashee - Rambhaaon

 

Ko bhee

Maaloom hai

Usakaa kasaab

 

Saagar bhee jaantaa hai

Usakee pratigyaa kaa parinaam

Vahee aadmee

Swarg se gangaa utaarne vaalaa

Vahee aadmee�

Vahee aadmee�

Is ygya mein sarvthhaa anaahoot hai.

 

Kahee is vyasttaa ke

Gahan uljhhav mein

Bhool to nahee gaye devaadhi dev !

Vishnu thhodaa muscurae

Tanik auor bhee paas aae -

Mitra Chaaruvaak

Jitnaa sukh bhognaa ho swarg kaa ,bhoo

Chhak kar pio dehaasav

Urvashion - Rambhaaon ko

Rakt kee ooshmaa mein sahaijo

Aur bhee jo chaaho le lo

Jis se bhee jitnaa chaaho khelo

Parantu , mat karo aadmee kee baat

Vahee � vahee �

Ekmaatr bhai hai ��.

Aatank hai sote jaagte devtaaon kaa

 

Nahee � nahee �

Manushya nahee ,bandhu ,

Manushya nahee �

 

Tum nahee jaante bandhu

Ki devtaaon kee sattaa kee

Saarthhaktaa hee yahee hai ki

Vah aadmee ko baal bhar bhee

Badaa na hone de

Hameshaa nat rakhe uskee greevaa

Uskee aankhein

Daivee shraddhaa ,dharm yaa bhakti

Yaa ujjwal bhavishya ke naam par

Yaa aur bhee jo naam dedo

Is swapnmaya chhal ko

Kyonki tum jaante ho bandhu

Oonchee gardan kyaa naheen kar saktee

Oonchee gardan hai

Jeevan kaa sanaatan aishwarya

Apraapya tak pahunchne kaa

Akunthh sankalp ,

Oonchee gardan hai

Aatmataij kaa

Gagnottar fahraataa dhwaj

Oonchee gardan hai

 

Nayaa dhwaj

Nayee sambhaavnaon kee

Akunthh lalaktee khoj

 

Oonchee gardan hai

Chunoutee

Vagaavat

Aakraamaktaa

 

Oonchee gardan hai jeet

Apne saakshhatkaar kaa

Sabse tejswee geet.

 

Aur

Neechee gardan !

Paraajay hai yuddha ke pahle hee

 

Mrityu hai sankalpon kee

Laash hai sapno kee

Shmshaan hai chunoutiyon kaa

Bichhee huyee murdaa jameen hai

 

Jhukee huyee gardan hai

Aadmee kee maut

Kyon ki

Vah sapne naheen dekhtee

 

Chunoutee naheen bantee

 

Darp kaa kaalikh lagaa chehraa hai

Jhukee gardan

 

Aur aadmee kee jhukee gardan hee

Uplabdhi hai devtaaon kee

 

Yahee saarthaktaa hai vyavsthaa kee

Ki

Aadmee ho

Par

Usakee gardan na ho

 

Gardan agar ho bhee to

Tanee na ho aakaash kee ore

Jhukee pait par

Lot tee huyee ho

Mare saanp kee see !

 

Aadmee kee har tanee gardan ke paas

Asthaapit karte hain devtaa

Apnee aasmaan chhootee moortiyan

Taaki

Aadmee ke bheetar

Tabhaktee rahein

Uskee seemaaein

Har pal �

Har kshhan �

Aadmee kee har tanee gardan ke khilaaf

Aayojit kartaa hai devtaa

Yuddha �

Vishwayuddha

Taaki

Aadmee kee gardanein banee rahein

Devtaon ke paanvon kaa

Hameshaa khilwaad

 

Naheen bandhu , naheen �

Aadmee naheen

Jab tak ho sake

Jhukee rahne do usakee gardan

Use gaate rahne do bhajan

Bajaate rahne do jhaal

Upjaate rahne do

Kheton mein poojaa ke prasaad

 

Naheen � naheen �

Aadmee naheen bandhu .

 

Aadmee sarjak ,swapnsheel hai

Khojee hai nayee sambhaavnaaon kaa

Jabtak vah sotaa hai

Tabhee tak khotaa hai

 

Aur bhee gahre rangon se rango

Bhavishya ke sapne

Aadmee ko aur bhee

Gahree neend mein sulaao

 

Use mat jagaao,br> Mat jagaao .

 

Daanvon kaa kyaa

Daih kee ubaal ,

Madaandh uttejnaa hai daanav

Vah naheen hai

Anant uttejnaaon bharaa astitwa

Mahaj dainik sattaa hai

Gardan viheen hai , kabandh hai

Vah naheen hai khoj behtar duniaa kee

Twarit ubaal hai

Fatne ko aakul bulbulaa hai

Prateekshhaa nahee kartaa daanav

 

Kintu aadmee !

Aadmee dhanush kee noak se

Dekhtaa hai lakshhya

Yaani

Swarg mein yadi aadmee aayegaa

Daanav ke bhee sarjak ko jagaayegaa

Vah daanvon mein bhee paidaa kareigaa

Tanee gardan kee garimaa

Swpna

Sarjan

Aur behtar jeevan kee khoj

Kleev devtaon ke shithil bhujpaashon mein

Vandinee see deviyon kee

Bhookhee yoniyon mein

Ugaayegaa

Apne hee jaise dhdhakte soorya vikshha

 

Andheron ke khilaaf

Kabandh ko degaa

Tanee greevaa kaa samman

Devtaaon kaa swarg hai

Oas kee boond mein

Rangeen sapno kaa chhalaktaa sansaar

 

Yahaan mat lao visfotak

Yahaan mat lao aag

Naheen bandhu , naheen�

Aadmee kyon .., aadmee naheen�

 

Kahte- kahte

Vishnu baithh gaye

Bujhe hue�bheet�swedsnaat

Kap - kap thartharaate hue

 

Aur mere bheetar hooh bhartaa jaagaa toofaan

Sab kuchh dhwast kartaa,kapaataa hua

Khand -khand kartaa hamaaree aasthaaein

Hamaare pratimaan

 

Devtaa !

Yaani hamaare hee majaak hain

Hamaare pratimaan

Jiske liye kaashee kaa karvat

Yog-vairaagya, dhyaan

Vahee � vahee ..

Devataa

Aadmee ke viruddhha shadyantra !

Aadmee kee sattaa kaa sanaatan apmaan !

Dhikkaar hai re charuvaak teree sattaa ko

Dhkkaar hai re Charuvaak teree iyattaa ko

Dhikkaar hai tapswee kee tapasyaa

Aajeevan aasheerwaad kee prateekshhaa

Dhikkar hai poojaa ko ,archa ko

Dhikkar hai us sattaa ko

Jo hai greevaa viheen

 

Dhikkaar hai usvyavasthhaa ko

Jo aadmee ko banaatee hai maans kaa pind !

 

Balshaalee daanvon kee

Balshttha bhujaaon mein

Kas gayee

Sahasrafan vaasuki kee tejaswee deh

Saagar ke jaltal kee sadhee huee prithvi par

Sadh gaye paanv

Daahinaa peshiyon kee mrod bharee

Shakti se sadhaa

Aur baayaan

Paancho ungaliyon par sadh kar

Tanee deh ke

Sankalpmay teij ko samhaale hue

 

Gaganbhedee gadgdaate

Meghon kee kadaktee dhwaniyon ke saathh

Aseem beg se ghoom gayaa

Mandraachal

Gadgadaa uttha

Prithhvi kr vakshha ko videern kartaa

Prachand ghoornaavarton mein jwaaron kee

Chighaadtee aandhiyaan utthaataa

Apnee shataabdee kaa

Sabse saahaspoorn abhiyaan

 

Deih ke garshan se

Vikal - vidagdha vaasuki

Ugalne lagaa mukh se

Asahya aandhiyaan

Dhadhakne lagaa aakaash

Jwaalaa mein parinat hue saagar ke jwaar

Fir bhee

Oos agni ke jwaar ko

Mathhte rahe mahaabalee daanav gan

 

Jale, jhulse

Cheekhe ,chillaae

Kuchh hue kshhat - vikshat

Leel liyaa kuchh ko

Mahaasaagar kee aag ne

Fir bhee kase rahe vaasuki kee deh ko

Prachand haathh

Prtyek gharshan bhare chakra - nartan se

Vimathhit saagar

 

Dhadhakataa rahaa

Mandraachal ke chaaron ore

Kintu

Avichlit rahe daanav

Sankalp kee ekmaatr sannadhhataa

Se kase hue

 

Mathho mathho

Yah mahaasaagar

Sankalpon ke bhand mein jaise dahee

Pramaanit karo

Apnee sattaa kee saarthaktaa

Apaar shramshakti se

 

Mathho mathho apnee shataabdi ko

Apnee sangharsh bharee chunoutiyon kee

Apraajit iyatta se

 

Mathho � mathho

Sandhaano swayam ko

Cheer kar adrishya kaa vakshha

Racho apnaa aur bhee sampanna bhavishy

Dhadhakne do

Aag

Bahakne do vaayu mein jwaalaaon ko

Fufkaarne do naagon ko

Sabke beech mathho - mahaasaagar

Sankalpon kee atoot mathaanee se

Inhee shabdon sankalpon kee

Hahraatee aandhiyon mein

Prachand se prachandtar hotaa rahaa

Manthan kaarya

 

Kintu

Doosaree ore

Vaasuki kee ke

Mukh bhaag ke doosaree ore

Jahaan na thhee aag

Na thhee vish ugaltee fufkaaron kee

Prachand fanon vaalee

Chunoutiyaan

Usee poonchh

Kee ore

 

Ek aur manthhan kaa naatak jaaree thhaa

 

Hothhon mein

Paan chahulaate

Vaasuki kee poonchh pakde

Ek - doosre se tthittholee karte

 

Devtaaon kee aankhein

Manthhan kee ore naheen

Samudra se uchhal kar tat par

Dheere - dheere sanchay kaa

Jyotirmay parvat banaatee

Mahaamanthhan kee ore

Kendrit thhee

 

Jis par rakt ke cheente the

Shaayad saagar ke

Shaayad daanavon ke Haahaakaaron ke

Jo devtaaon ,daanvon,samudra,vaasuki

Aur mandraachal se pare thhaa

Na jaane kiskaa thhaa yah saaraa aishwara

Jise saagar tat apnee baahon mein bhare thhaa

 

Kintu daanav

In sabse bekhabar

Mathhte jaa rahe thhe �

Mathhte jaa rahe thhe

Nirantar ..nirantar�

Aviraam mahaasaagar�

 

Vyagra devtaa

Adheer thhe

Sab kuchh chhod kar daud padne ko

Tat kee ore

Maatr

Vishnu kee satej aankhon kee

Chtur varjnaa se

Ve vaasuki kee poonchh pakde

Ek aupchaariktaa mein vyast thhe

 

Udhar

Oopar -oopar divya vrikshhon kee

Gandh - maadan chhaayaa mein rache

Swapnmay vishraam - vitaanon mein

Apnee devion kee

Deh kee meetthee ooshmaa mein

Pighal - pighal kar

Ekaakaar ho rahe thhe

Kuchh aur bhee chamakdaar

Adhikaar - sampanna

Devtaa- mahaa devtaa

Manthan kee agnimayee aandhiyon

 

Aur Vish ke pradooshan se sarvthhaa surakdhhit

Uttejak aur swpnamay shabdon ke

Bulbule udaate hue -

Aaj kaa kasht hee kal kaa sukh hai

Sahyog hee shakti hai

Mathho - mathho

Khoob saagar

Yhee shram

Devtaaon kee bhakti hai

 

Idhar daanvon kaa jaanlebaa sangharsh

Teevra se teevratar hotaa

Joojh padtaa saagar se ,vaasuki se , mandraachal se

Vish se,agni se

Aur udhar mahaadevtaa

Aur bhee ekaakaar ho jaate

Apnee deviyon kee deh se

Unkee yoniyon ke mahaanad mein pighate hue

 

Mahaadevon ke sevak dhho rahe thhe ratn

Aur ve apnee deviyon - mahaadeviyon ke saathh

Pee rahe thhe

Oonchaaiyon par baithhe hue devtaa

Aamod ras

Aur bhee uttejnaaon se

Mahaandolit, hillolit

 

Aur daanav

In sab se achait - agyaat

Mathhe jaarahe thhe �mathhe jaa rahe thhe

Sadaa kee tarah

Apne bhavishya kaa chhoochhaa saagar

 

Kamaanevaalaa khaayegaa

Ke

Jhoothhe naaron se thhage hue.

Dheere -dheere ek- ek kar

Chhote-chhote devtaa bhee

Vaasuki kee poonchh se sarak - sarak kar

Vishnu kee aankhon se bach - bach kar

Gherne lage the

 

Gharshan teevr se teevrtar hotaa jaa rahaa thaa

Aur vikalsaagar ugal rahaa thaa lagaataar

Ghode ,haathee,aushadhi,ratna aur maNiyaan

Indra avasthit the parvtaakaar airaawat gajraaj par

Vishnu ne bhee dhaaran kar liyaa thaa

Kaustubh mani vakshha par

Paarshw a mein shobhit thee laxmee

Dantul muskaano vaalee .

 

Ek devtaa savaar thaa uchhaishrvaa ashwa par

Aur hankaaye liye jaa rahaa thaa

Surabhi kaamdhenu ko

Devtaaon kaa ek dal

Smhaale liye jaa rahaa thaa ichhaa vrikshha

Kalptaru ko

Swarg kee ore

Suraa aur chandrmaa dhaavit the akaash kee ore .

 

Ratnon ke bhaar se devtaaon kee gardne

Tedhee ho rahee thee

Koyee aakaash maarg se

To koyee paataal maarg se

To koyee vaayu mein hee samaakaar ho

Dho rahaa thaa jitnaa dho saktaa hai .

 

Koyee ajab dhanush saa jhukaa hua

Koyee sir par

Koyee ghaseet ta

Koyee akelaa

To

Koyee poore khaandaan ke saath

Dhotaa

Dhotaa

Hee jaa rahaa thaa

Ratno kaa mhaagaar .

 

Avaak, vismay-vimoodh the asur

Kareeb - kareeb

Khaalee thaa sagar tat .

 

Ruk gayaa manthan kaa mahaa kaary

Tham gayaa teevra gati chaalit brhmaand

Kadkadaatee avishmarneey dhwani ke saath .

 

Dheelee pad gayee vasuki kee deh

Shram se aahat sumeru ne

Saans lee

Ahah kar late gaya saagar

Gharshan se

Pore - pore

Thakaa hua

 

Vishnu ,Indra

Samast devtaa jo abtak

Thitholiyon mein rat the

Swarg kee akalpneey sampanntaa par

Aur asuron kee moodhtaa par

 

Ve stabdh

Saamne

Dekhte ke dekhte hee rah gaye .

Saamne the,

Teevra aakrosh mein dhadhakte hue

Daanavgan

Khinche hue dhanush kee tankaar se

Chhoot padne ko

Sadhe hue vaan se

 

"kahaan hai

Hamaare manthan kaa saaraa kosh

 

Kahaan hain ve chmakte ratn

Jo saagar kee gahraaion ne

Hamein saupaa thaa

 

Kahaan hai ghan naad kartaa

Jyoti kaa tejaswee aswa

Uchchaisrvaa!

 

Him ke divya parvat saa

Chaturdant gajraaj Airaavat!

 

Alokik ramnee

Laxmee!

 

Kahaan hain sab ratna!

 

Kaamdhenu!

 

Kalpvikshha!

 

Sab kahaan hain

 

Kahaan hain sab!

 

Jo hamaare jeevan bhar ke sapnon

Aur hamaare shoury shram seekron ne

Sarjaa hai!

 

Jinke liye

Prateekshhaarat hongee

Asur kanyaayin

Asur vadhuein

Asur maataayein

Seelan bhare andhkaar mein!

 

Raakshhas shishu

Naye sooryodaya kee prteekshhaa mein

 

Kahaan hai adwiteeya

Saahas aur shram kaa

Vh parinaam

Jise dekh kar ashwast kareinge

Raakshhasgan

Apnee yuvaa peedhee ko

Jinke mun mein hai

Devtaaon ke prati

Ab bhee avishwaas ."

 

Vshnu ne

Nirbhaav

Maanon taakte hue adrishya mein

Kahaa fatkaarte hue devtaon ko

 

" Vilaasee hain devtaa

Jinkee kshhudra matwaakaankshaaon

Kee shikaar huee hain

Aapkee uplabdhhiyaan ."

fir jaraa nirvaan kee mudraa mein

Bole vishnu-

" Karm karne kaa hee adhikaar hai

Praaiyon ko

Fal kaa nirnaayak hai antrikshha

Jise koyee naheen jaantaa

Apnaa hai

Sirf vartmaan

Niyati hee likhtee hai bhavishya.

 

Ratna to mittee hai .patthar hai ,

Vyarth aur naashvaan hai

Jo bhee hai aankhon ke sammukh

Vah chhaayaa hai

Satya tere bheetar hai

Aur sab

Chhal hai maayaa hai.

 

Bandhu!

Yadi daih mein bal hai

To

Dhan to keval mal hai

 

Kabhee kamaa lainaa

Haathee - ghode jamaa lainaa

 

Mathte raho saagar

Niyati ne chaahaa

To aur bhee

Milainge saagar

Aur matheinge ham saath - saath

 

Haathon mein bane rahein

Yon hee hamaare haath.

 

Priyvar aap mahaan hain

Vishva kee shaan hain!"

 

Bujurg chup rahe

Maano jodte - ghataate hon

Asmanjas mein ghire

Jaise kuchh samajh naheen paate hon.

 

Par

Yuvaa aakrosh

Babandar saa chhaa gayaa

Kshan mein hee

Maano

Bhoochaal saa aagayaa

 

Bole danuputra ab utkat sankalp se -

"Kyon samarpit kar dein ham

Apnaa shram seekar devtaaon ko

Ham apnee sampadaa ko

Ham bhee Uchhaishrvaa par chadh sakte hain

Ham bhee laxmee kaa varan kar sakte hain."

 

Tab vishnu

Saamne aaye

Bahut saavdhaanee se muskuraae

Uthhit kar bole gahan giraa Vishnu -

 

"Hei danu putron!

Aapke

Shourya kee gaathaa ko gaataa hai saagar

Aap hain apaar bal

Aur

Anant gunon ke aagar

Sach hai jo aapne kahaa

Khaaraa ho gayaa saagar,

Itnaa aapkaa shram seekar bahaa

Ham

Sammaan vyakt karte hain

Is tejaswee abhiyaan ko

Aapke dhairya , aapke balmaan ko.

 

Diyaa hamne

Sab

Jo

Saagar ne hamein diyaa

Diyaa

Airaavat,

Uchchaishravaa

Laxmee

Kaustubh mani

Kalpavrikshha

Kaamdhanu

Sab diyaa

Yadi itne mein hee tripta hain danuvanshee!"

 

Chamak uthheen

Prassannataa se danujon kee aankhein

Stabdh the devtaa

Indra ,shankar ,pralyankar,

Sab chup the.

Umad padaa utsaah kaa saagar

Harshit vibhore the daanav

"Dhanya hain ,dhanya hain

Vishnu !

Dhanya hain ,dhanya hain sahishnu!

Aap jo kahainge ,ham maaneinge

Udaartaa mein,

Hamein bhee aap kam naheen paayeinge !

 

Tab

Devaadhidev

Bagvaan Visnu ne ghoshit kiyaa -

 

"To sunein

Char - achar sunein

Chetan - achetan sunein

Sunein saagar , parvat sunein

Sunein shusk, harit sunein

Sunein aakaash, sunein paataal

Sunein aagat ,anaagat sunein!

 

Devtaaon ne daanvon ko sab diyaa

Diyaa uchchaishrvaa

Diyaa airaavat

Diyaa chandrmaa

Dedee laxmee

Diyaa kalpvrikshha

Diyaa kaustubh mani

 

Sab diyaa

 

Hastgat vartmaan unhe diyaa

 

Kintu kal ko koyee yah na kahe

Ki devtaa balee hain

Iseeliye chhalee hain.

 

Kintu

Sunein

Danuputra sunein

Devtaa bhee vanchit naheen kiye jaa sakte

Apne swtwa se

Saagar unhone bhee mathaa hai

Unhone bhee apaar kasht sahaa hai."

 

Sach hai- bol uthhe daanav dal

"Maaneinge aap jo kaheinge

Ham saagar unke liye mathhenge."

 

"To sunein

Danuputra sunein"

Bole bhagvaan Vishnu-

 

"Shesh hai ab bhee

Sankalp kaa antim charan

Shesh hai jeevan kaa amratwa varan

Jiske liye hamne yah vrat saadhaa

Abhee huaa hai vah siddha keval aadhaa

 

Ab bhee chupaa hua hai vah

Atal saagar kee kukshhi mein.

 

Ghode - haathiyon kee gnnaa kyaa

Ab tak hamne amrit nahee paayaa.

 

Sune devtaa danuj sune

Amrit jab saagar se nikal kar aayeigaa

Mahaanaash kaaree

Halaahal bhee saath - saath ayegaa

 

Dono hee praapt kareinge Devtaa

Agni kaa saagar halaahal piyeinge

Sarv hitkaaree bhagvaan Shankar

Aur mritunjai amrit bhee piyeinge

Keval devtaa � devtaa �devtaa

Devtaaon ko chhod use koyee nahee paayegaa

 

Bolo yadi hai yah sweekaar

To le jaao

Saagar ne diye hain abtak jo uphaar

Anythaa

Amrit aur Halaahal hamaaraa hai

Shesh

Sab tumhaaraa hai."

 

Sun kar

Chamak utthe daanvon ke chehre

Aur

Daanvon ke dal mein maano ho gayaa sooryaast

 

Idhar

Bajne lage shankh ,bheree

Hone lagaa jainaad

 

Udhar

Jaise pad gayaa sannaataa

Tham gayaa garvit ninaad.

 

Vilakshhan vimoodhtaa thee

Ek- doosre se

Munh chhupaa rahe the danuvanshee

Unkaa akrosh ,unke tark

Sab vigat the

 

Tabhee peechhe se koyee yuvaa

Asur chillayaa

Sun kar maano sab mein

Ek nayaa bal aayaa

 

"Jo bhee mil rahaa hai

Use lelo

kal kee prteekshhaa mein

Aaj se mat khelo.

Jee lo isee kshhan ko

pee lo isee tan ko

Man kee tarangon par bah lo

Isee jeevan mein bhar lo uchhaaal

Isee jeevan mein rah lo.

Srishti to vinaash aur srijan kaa santulan hai

Jitnaa sach hai jeevan,utnaa hee sach maran hai.

 

Nahee hotaa Amrit

Vah jhooth hai chhalaavaa hai

Devtaaon kaa chhal hai yah

Sadaa kee tarah

Vishnu kaa yah doosaraa

Bahkaavaa hai

 

Kal kuchh bhee naheen bach paayegaa

Jo bhee rahaigaa ,sab devtaa khaa jaaigaa.

 

Tabhee peechhe se koyee jore se chillaayaa

Kyaa kahte ho yah kaun saa khabt khopdee mein samaayaa ?

 

Ve piyein Amrit Aur

Ham piyein paanee!

Ve hon Amar

Aur

Ham hon sa - mar!

 

Sach to yah hai ki

Jo bachegaa

So

Racheigaa.

 

Iseeliye

Ham fir saagar matheinge

Devtaa hee kyon

Ham bhee Amrit piyenge

 

 

Fir

Daanvon kaa ek dal saamne aayaa

Aur devtaaon ko sambodhit kar chillaayaa -

" Devtaa prassana rahein

Jo unhone liyaa

Saaraa kuchh unko hee diyaa

Indra aaseen rahein airaavat par

Shobhit rahe Kaustubh mani

Yathaavat

Vishnu ke vakchh par

Unke hee baahuon mein ho laxmee kee kanti

Swarg mein hee rahe Uchchaishravaa

Ham fir matheinge saagar

Par Amrit jo aayeigaa

Danavkul paayeigaa."

 

" Aur Halaahal bhee daanav dal paayein "

Kahaa devtaaon ne vyangya se chillaa kar

 

Pratyuttar daanav dal se turat hee ayaa -

" Piyeinge hamaare liye Bhagvaan Shankar

Vahee ekmaatra samarth hain

Ham daanav kul hain unke praarthee

Unke samakhha ham sab satat nat hain."

 

Chintit Vishnu

Ab fir se muskuraaye

sabko deite hue aashwaasan

Aur bhee paas aaye -

 

" Dharm ke mahaan moolyon kee rakshhaa ke liye

Hamein yah bhee sweekaar hai

har haalat mein

sab ko asheervaad hai

Kintu

Amrit ko paaye binaa manthan ko roknaa

Sankalp kee chyuti hai

Ham sab kee haar hai."

 

tabhee har dishaa mein

Ek geet lahraayaa

Daanvon ne hee naheen

Devtaaon ne bhee usmein

Apnaa sur milaayaa

Aur ek baar fir se

Gahan gharshan ke veig se

Ninaadit ho utheen dhritree

prachand aaveig se unmathit ho gayaa saagar

Vikat prakamp se

Vyaakul ho uthhee dishaayein

Atul teij bal se

Vyaakul ho uththee dishaayein

Atul tej bal se

Manthan rat ho gaye

Fir se devtaa

Fir se danuvanshee.

 

chaltaa rahaa...chaltaa rahaa...

Isee tarah

Din prati din

Varshaa nu varsh

Manthan prati manthan...

 

Ek

Din... Nirvadhi garjan rat hillolit udadhi kee

mahaa jal raashi par swarnim hone lagaa saagar

Damakne lage

Atul tejaswitaa se

Manthanrat devon aur daanvon ke chehre

Unnat sunahle jwaar uthhane lage

Saagar ke garjan mein sarjan ghul gayaa.

Fir

Ghoornit jalvritt se

Dheere - dheere nikalne lagaa

Swarnpurush

Damaktaa huaa divyaabhooshit

Usakee bhujaaon mein shobhit thhe

Amit tejaswee lataa - patroushadhi

Aur ek kar mein shobhit thaa

jeevan kaa sanaatan ras

Amrit kalash

 

kintu tabhee

Chalne lagee dusah havaayein

prachand aaveig se

maano agni kee aandhee ho

jalne lagaa mahaasaagar

Dhadhkne lagaa aasmaan kaagaj ke panne saa

jalne lage manthan rat daanav kul- devgan

praanee - praanee dhadhakne lage asahya jwaalaaon mein

traahi traahi ke aakul swaraaveig mein Amrit kaa aahlaad tirohit hogyaa

Halaahal ke mahaanaashak attahaas mein

 

Praanee - praanee kee aatur drishti

praarthnaarat vinat thhee

sarva sankat -haaree devaadhidev Tripuraari

Bhagvaan shankar kee ore

 

Uthhe vyaal-maalaa -dhaaree

Amit tejaswee

Bhagvaan Shankar

Sankalp Moorti

Prithvee ke prdaah mahaa nashkaaree taral garal ko

kshhan mein hee utaar diyaa

Apne mukha se kanthh tak

Neel kanthh hogaye yogeswar

Praanee - praanee kee aankon mein

Amit aabhaar se chamakte hue.

 

Prantibaddhha ho gye charaachar

Harit hue van - upvan

chahak aur kalrav se

koojit ho utthee dishaayein

"Neel kanthha vishpaayee

Shankar

Shiv Shankar."

 

Mahaanaashkaaree mrityu par

Amritoday huaa

 

Tham gayaa Manthan

thum gayaa amit beig sangharshan

Tham gaye vasuki

Tham gaye Sumeru

Tham gayaa saagar

Tham gaye jwaar.

 

Idhar badhe Vishnu

Idhar jalraashi par

chal pade punyoday

Bhagvaan Dhanwantaree.

 

Poochho mat kaisaa vah drishya thhaa

Adbhut thhaa anupam abhootpoorv thhaa

kbhee nahee aisaa kuchh sadrishya thhaa

 

Adbhut praharsh se grahan kiyaa

Bhagvaan vishnu ne vah Amritghat.

sasammaan uchchaasan par idhar shobhaaymaan hue Dhanvantari

udhar aarambh huaa unmaadak nritya

Naachne lage danuvanshee

harsh se vibhor shoar ghoar hone lagaa.

 

Aayeen Rambhaayein Ramaniyaan Urvashiyaan

vaise hee  anekaanek swarna ghat liye hue

Adhron se ,daanton se, naynon se, ghaaton se

Hillolit vakshha aur kallolit vaanee se

Madiraa see barastee huyee

Rejhtee tarastee huyee

Hanstee huyee gaatee huyee

Ag Jag par chhaa gayee

 

Chillaaye daanavgan

Aa gayee! Aaagyee !

 

Naachne lage Vishnu bhee

hathon mein samhale hue sone kee gaagar 

ramaniyon ke saathh ,diye haathhon mein haath

 Chhavi ke saagar ,natnaagar

Naachne lage devataa

Naachne lage danav gan

Ghulmil kar ek ho gaye   sab

Peeto hue adhron ko adhron se

Aankhon ko aankhon se ,vakshha ko vakshha se

Jaghno ko jaghno sei

Deih kee ballaree mein kase hue ,guthe hue

Thirakte rahe

 kabhee mand

Kabhee ghurnit aaveg sei

Deih ke gharsan praharsan ratyaaveg se

 

 

kisee ko naheen rah gayaa kuchh yaad

rah gayaa vahaan keval prastut kshhan koval unmaad

 

Gati aur geet ke uchhal rasaaveish mein

Tirohit ho gayaa daanvon kaa vivek

Ardh tandraa mein shuroo huaa

Amrit paan kaa khail

daanvon ko pilaa rahe the swayam vishnu

stree kee tarah naachte hue

sab ko bahlaate hue

Beech beech mein krte hue majaak

 

devtaa khush the Rambhaa kee gaagar se karke ras paan

Tabhee

Daanvon mein se kuchh bahakne lage

Na rahaa swar par kaaboo

Kuchh kaa kuchh bakne lage.

 

Idhar chamakne lage devtaaon ke chehre

Udhar nisteij hone lage daanav

Koyee giraa ,koyee baithh gayaa

Fir sab kee mundne lageen aankhein

Thodee hee deir mein daanavkul so gayaa

 

Khisak gaye Vishnu

Khisak gayee Rambhaa thodee der baad vahaan thhe hatchait Keval daanav

Khandit Rahu

Aur

Manthan kee rassee se bandhaa rah gayaa

keval ek khambhaa.

 

Raatri ke neerandhra andhkaar mein

Jaise sab kuchha tirohit ho chukaa thhaa

stabdha thhee havaayein

mrit pade the saagar ke jwaar

kaun kah saktaa thaa

yahaan huaa thhaa adbhut akalpneeya

kal hee saagar manthan kaa mahat kaarya

 

Ratnaakar rikta thhaa

sarvhaaraa

Poorntah vimardit

Maatra astitwa kee rekhaaon ke

shesh sansaar mein simtaa huaa.

 

Charuwaak chup thhaa

Sab kuchh doob gayaa

Tirohit ho gayaa devtaaon ke

Swaarth saagar mein

Daanvon ke shram kee

Boond - boond pee kar

Aur bhee amar ho gayaa

Devtaaon kaa

Sarvdohak mahaakaaya astitwa

 

kal tak

Jo bal kaa

Atikaaya astitwa thhaa daanvon kaa

Baah baahiyon mein

doobaa utsaah bharaa

Aaj choosee huyee

Haddiyon ke dhair -saa padaa hai

Saagar tat par

Bhaate ke baad

Saagar tat par choote

Seepee

Shankh

Aur kankadon kee trah

bikhraa

Huaa

 

Oh re Chaaruvaak,

Kahaan gayaa buddhhi kaa

Tumhaaraa darp

Kyaa hue

Ve tark  aur viral viek se manje hue

Achook vaan !

Jadtaa kaa darp hantaa

 

Naagon se footkaarte hanhanaate

 achook vaan.

 

Tabhee

Sannaate mein jaise

Hajaaron shankh goonj uthhe

Dhamdhamaa uthe

Varshon ke maun garbh grih mein pade

Nagaade

Chal padee aandhiyaan fufkaartee

Gufaaon ke andhere sannaaton mein

Ek swar sabse oopar

in pravanjnon ke

Goonj uthhaa

Vikat atthaas saa

 

" Chhale gaye � chhaler gaye� buree tarah �chhale gaye�

Tum bhee�.tum bhee�tum bheee�

O!Chaaruvaak!"

 

Kaun ...kaun ...kaun...

chakit cheekh padaa Chaaruvaak

us vaanee viheen sannate mein bhee

 

�Main hoon ...Mahaasaagar

JAN-MAHAASAAGAR

 

Jo

Mathhaa gayaa"

 

Avishwaas aur aashchrya se

pooree tarah

Chaunkaa huaa

bolaa naheen

Sahaj hee

Uchcharit ho uthhaa

Chaaruvaak-

JANSAAGAR!

JANSAAGAR

! JANSAAGAR!

Jo

Mathhaa gayaa!

Danujon

Devtaaon se

Abhee

Abhee !

 

-Haan

devtaaon ke kutil shadyanta ke saadhan bane

Daanav

Vivek viriht

 kore vishwaason kee hawaa ke paanvon par khadee

Agaadh mahatwaakaanchha

Aur vardaan kee anant prateekshhaa hee

Jinkaa karm hai

Dharm hai.

Vahee daanav � vahee� vahee

Chhale gaye.

jinke mastak

Devtaaon ke raajpath par jade hain

Vijay gaathaaon kee tarah

Jo

kabandh maatra hain

Apnee sattaa aur shakti se be khabar

Inhee

daanvon kee saantan sahaayataa se

Nichodaa gayaa Jan saagar

Jo bhee moolyavaan thhaa

lootaa gayaa

Dhwast kiye gaye

Sabhytaaon -sanskritiyon ke

Bhavytam prateek

Aur badee chaturaayee se

Jise naam diyaa gayaa-

S

A

M

U

D

R

A

M

A

N

T

H

A

N !

 

Jaise koyee jeevan lahraate

Janpad mein

Aag lagaa kar

Use naam de-

PIGHALTAA HUAA SONAA!

 

Priavar jaraa sonch kar dekho -

 

Kis saagar mein hote hain

udnevaale ghode

 

Kis saagar ke garbh se

paidaa hote hai

Haathhee

Vaidya

vish yaa Amrit

Swarn ghat

 

Kaun saagar paidaa kartaa hai

Devtaaon ke liye

Kataakshha - kushal Laxmee

Yaanee ramaniyaan

 

Kaun pahaad bantaa hai

Ghoom - ghoom mathhane vaalee mathhaanee

 

Aur kaun - saa saanp bantaa hai rassee !

 

Priyvar

tum yad

Ek

Bakree kaa bachchaa bhee

prastut karo

Saagar kee kokh se

To sach kahtaa hun

Main haar jaayoongaa

Aadmee kaa bhavishya

Usakee sankalp shakti

Usakee uttaan greevaa kaa

Saarthaktam astitwa

Haar jaaoongaa

Aadmee kee sattaa kaa mahaamantra

Jo usakaa amrit astitwa hai

Usakee sarthaktaa hai

 

Priyvar vah ashwa nahee hai jo haraa gayaa

Devtaaon dwaaraa

Soorya kee rashmiyon saa deepta varn

Aakaash mein daud lagaataa

woh hai

Manushya kaa swapna

Usakaa drashtaa

jis se woh

Yaatraa kartaa hai

Nishidhha chunautee bhare

Naye khitijon kee ore.

 

Aur

woh Airaavat

woh maatra haathee naheen hai Bandhu

woh hai manushya kaa sudridh sankalp

Jo parvton ko mardit kartaa hai

agar raastaa banaa rahaa ho aadmee

 

Vish manushya kee jijeevishaa hai

Akalpneeya nisheidhon mein bhee

 

Aur

Amrit

Sangharsh ke samagra saakshhatkaar kaa woh kshhan

Jab lagtaa hai

Sachmuch vyarth naheen gayaa

Jisake liye baar - baar ujade

Baar - baar base

Kabhee ankur tak aate - aate toot gaye

Kabhee mahaavrikshha ban kar ukhad gaye

Toofaanon mein

Kintu harbaar rachaa swayam ko

apne hee garbh se paidaa hue baar -baar

Aur har baar rachaa

Jeevan kaa woh mahaakaavya fir - fir se

Jo chhandon kee sankhyaa mein naheen

Saakshhaatkaar ke

Mahaanand mein

sampanna hotaa hai

 

Pustkein haree jaatee hain bandhu

Gyaan naheen

Deih nasht hoaa hai

nahee nasht hotaa dehee kaa krititwa

Usake swapna!

usakaa satya!

 

Samaahit ho jaate hain drashtaa

Kraal kaal ke gaal adrishya sansaar mein

kintu unkaa swapna rachtaa rahtaa hai

Nayee sabhyataayein ...

nayee sanskritiyaan

Dhwast sthaapatyon

Kshhaar pustkaagaaron mein

Kyonki chintan naheen martaa ,bandhu!

 

Geet kee panktiyaan churaa lo

churaa lo chaahe

pooraa -kaa - pooraa krititwa

Akshhar jeevee kaa

Kintu

Sarjan ke kshhanon kaa unmaad

Kaun churaayegaa bandhu!

 

Isee tarah haraa gayaa

Jo uchchaishrvaa

Haraa gayaa jo airaavat

Haree gayee jo laxmee

Kaamdhenu

Amrit - vish ke vilakshhan bhaand

 

ve mantron ke varn hain bandhu

jinhein dhawwni dharan karti hai

vastra kee tarah.

 

Devtaaon ne haraa jo ghodaa

woh chareigaa swarg yaa narak kee ghaas

hinhinaayeigaa ,savaariyaan bithhayegaa

daud bhee lagaayegaa

dhoyegaa haathee

Devtaaon ke vaibhav kaa pahaad

khulee yoni see laxmee

Sambhog sukh deigee

Kaamdhenu se duheinge devtaon ke bachhe doodh

 

Kintu usamein aadmee ke sankalp kaa vaibhav kahaan

jo ghode ko Uchchaishrvaa banaataa hai

jo haathhee ko airaavat

aur chaupaaye ko Kaamdhenu

 

shabdon ke durgam durant sansaar mein

Jitnee udaan ho

aakash utnaa hee unchaa hotaa hai

jitnee tumhaare praanon mein jhankaar ho

Sangeet us se adhik dhawnimay naheen hotaa, bandhu!

 

Manta paashaan khandon ke liye naheen hote

 

Prteek jab tak paidaa naheen hote

swapn ,sankalp kee aag mein

Aatmabodh kee tarah

Tab tak ve patthar ke dhher hain

Maans ke lothde hain

unse chaaho

Jaanvar bhagaao

yaa fal todo

Ve naheen racxhte sbhytaayein, sanskritiyaan

Woh raj aur veerya ke

binduon se

Deih hee naheen

Vyaktitwa tak kee kathhin yaatraa hai, bandhu

Jab boond mahaasaagar bantee hai

 

Iseeliye kahtaa hun bandhu

Devtaayon ne aur chaahe jo bhee churaayaa ho

Ghde, haathhee ,gaaya

Aur chaahe jo bhee todaa ho

bhavan ,sthhapatya

Jalaaye hon chaahe pustkaagaar

Khelaa ho chaahe striyon kee deh se

Balaatkaar kaa kheil

Mathaa ho bachchon ko

Raund kar banaayaa ho maans pind

kintu

aadmee ke swapna

aadmee ke prateek

sarvthha surakshhit hain

Usake hee paas

Jo adrishya mein drishya rachtaa hai

Aur niraakaar mein saakaar

 

Iseeliye

Aadmee fir se racheigaa

Ak aur bhee

Aur bhee

Hameishaa kee tarah

Pahle se bhee behtar sansaar

Aadmee kee tanee huyee gardan kaa mantra

Fir goonjeigaa -

 

HAMEIN AAP KAA AASHEERVAAD NAHEEN CHAAHIYE

HAMEIN AAP KAA AASHEERVAAD NAHEEN CHAAHIYE

Devtaaon ke

ekoham dwiteeyonaasti ke

Janglee unmaad ke khilaaf

Priyvar

devtaa chaahe jo kuchh sahan kar le

woh apne se adhik

Oonchaayee Nahee sahtaa

Nahee sahtaa woh apnee baraabree tak

Tanaa hua koyee bhee mastak

 

sukh ke saadhan se

tanik bhee chamaktee ho koyee aankh

Devtaa har bahaane

Usakee jyoti churaane aa jaayegaa

tanik bhee shaanti ho aadmee ke paas

woh apne bhookhe astron ke

yudhdha liye aajaayegaa.

Jab tak aadmee kee gardan tanee hai

Tab tak devtaaon se usakee thhanee hai

 

Daanav jab kaat kar apnaa sir chadhhaataa hai

Tabhee

woh devtaa se

Apne astitwa kaa pramaanpatra paataa hai

Devtaaon ke

ekoham dwiteeyonaasti ke

Janglee unmaad ke khilaaf

Priyvar

devtaa chaahe jo kuchh sahan kar le

woh apne se adhik

Oonchaayee Nahee sahtaa

Nahee sahtaa woh apnee baraabree tak

Tanaa hua koyee bhee mastak

 

sukh ke saadhan se

tanik bhee chamaktee ho koyee aankh

Devtaa har bahaane

Usakee jyoti churaane aa jaayegaa

tanik bhee shaanti ho aadmee ke paas

woh apne bhookhe astron ke

yudhdha liye aajaayegaa.

 

Jab tak aadmee kee gardan tanee hai

Tab tak devtaaon se usakee thhanee hai

 

Daanav jab kaat kar apnaa sir chadhhaataa hai

Tabhee

woh devtaa se

Apne astitwa kaa pramaanpatra paataa hai

 

Devtaaon ko chahiye

mastak viheen kavandhon kaa sansaar

Jo na to prashnaakul hotaa hai

Chaahe jo ho jaaye

Jismein nahee uthhtee

Daman ke vruddha vidroh kee aandhiyaan

Jo yantra kaa khilonaa hai

sirf majboot haanthhon aur paabon vaalaa

Us se chaahe Unse chaahe aag lagvaalo

Yaa haree -bharee sabhytaaon kaa smshaan banbao

Unkaa kyaa

Ve to kabandh hain

 

Kintu bandhu

Aadmee kee duniyaa

Vahaan se shuroo hotee hai

Jahaan samaapt hotee hai

Daanvon kee kabandh kee duniyaa

Yaanee

Kabandh ke baad tanee gardan vaale

Tejaswee mastak kee duniyaa

Jo swayam apnaa samraat hai

Kisee bhee daastaa ke vruddh

Kisee bhee aashirvaadee

Kutil sanskiti ke khilaaph

Jo aadmee kaa sir

Jhapat lene ko aatur hai.

 

Yaad rahe

Mastak viheen astitwa

Chaahe maanvon ke beech ho

Yaa

kisee bhee gyaat - agyaat sattaa ke beech

Vah ek andheraa vinaash hai

Kutil dalaal hai devtaaon kaa

Vahee saadhan hai devtaaon kaa

Jo apnee andheree aag mein

Banaataa hai shahron ko smshaan

Taaki devtaaon kaa aham bhar kam -se - kam tript ho

Aadmee kee laason ko

Apne paabon se raund kar

 

Yah vahee jan - saagar manthan thha bandhu

Hameshaa kee tarah

kabandh jeevee kroor daanavtaa kaa

Jaghanya duraakaankshee devtaaon kaa

 

Vahee sarvdohak khel

Jise naam diyaa gayaa thhaa

SAMUDR _ MANTHAN

 

Tab

Chaaruvaak bole - He mathit ,vythit vikshubdha saagar

Jan - mahaasaagar bandhu

Sach hai

Main chhalaa gayaa

jiske liye trshit adheer thhaa main

Unhee se mathaa gayaa.

 

Kintu

Yah pahlee baar naheen huaa hai bandhu

Pahlee baar nahee bahee hain

Rakt kee aandhiyaan

Pahlee baar nagar mein

Bhediyon kaa shaasan nahee huaa hai

Pahlee baar jaanvaron kee  chatkaartee jihvaa ne

Naheen saraahaa hai aadmee kaa maans

 

Aadmee baar - baar banaa hai

Kabhee devtaaon ke saya kaa shikaar

Kabhee daanvon ke bhookhe chhuron kaa bhojan

Baar - baar usakee rakt kee nadee mein

jallaadon ne dhoen hain

Apne paaon

Baar -baar bane hain

sabhytaaon - sanskrition ke vishaal sthaapatya

dhooli ke dhheir

Baar - baar kankaalon ke thhoothhe jangal bane

Admee ke shahar gaaon.

 

Magar kyon... kyon

Baar - baar admee hee haartaa hai bandhu!

Baar - baar usakee kahaanee kyon shuroo hotee hai

Laashon aur khandharon kee

Dheir se hee!

 

kyon baar - baar vijayee hotaa hai

Devtaaon kaa shadyantra

Kyon daanvon kaa bhojan bantee hai

Admee kee botiyaan

Baar - baar

Kyon - kyon

Aakhir aadmee hee kyon haartaa hai

har baar

Aakhir kyon!

 

Dheere - dheere

Jase arth khultaa jaa rahaa hai

 

Main

Dekh rahaa hun

Anant lokon - kaal khandon ke

Aar - Paar

Aadmee chaahe jo bhee kahe

vah

dev - bheeru hai,br> kaheen na kaheen,br> Devatva uskee bhee hai

mahatvaakaanchhaa

OOnchaayeeyaan use bhee pyaartee hain

Chaahe vah apnee laashon kee dhhair par ho

Yaa

Apne rakta ke samudra mei

Aadmee jab bhee chillaataa hai

Davee aasheervaad ke khilaaf

samjh lo

Vah bheetar koyee jaanlevaa ladaayee lad rahaa hai

Kisee aashirvaad ke liye

 

Uttaan greevaa aur aasheervaad ke beech

Baal bhar kaa antar hai bandhu

Jaraa bhee greevaa jhukaao

Aasheervaad paao

Aur isee sheeghrataa mein aadmee ban jaataa hai kabandh

Aur tab uske bheetar jaag uthhtee hai

Bhayankar pratihinsaa

Yaanee

Apne se ghrinaa

Ek lajjaa apnee greevaa - heentaa kaa

Aur tab

Kabandh apnee tripti dhoondhtaa hai

Har tanee gardan ko

Kabandh banaane mein

Dhartee ko adhik -se - adhik

Shmshhaan saa jalaane mein

Devtaa kee oonchaayee hai

Laashon kee adhik se adhik Oonchee dhair

Aadmee jitnaa hee mareigaa

Devtaa utnee hee oonchaayeeyaan chadhegaa

 

Aadmee hameshaa haartaa hai

Tanee gardan

Aur

sahaj aasheervaad

Kee andheree dwandwa - ghaatiyon mein

Devatwa aur daanavtaa ke dwandwa mein

Aadmee jab ulajh jaataa hai,br> Kho detaa hai woh thodee deir ko

Apnaa swatwa -bodh

aur inhee khaalee kshnon mein

'Haan' aur ' naa' ke beech

woh bhool jaataa hai apnaa yuddhha

Tab bantaa hai woh cheelon aur geedhon kaa bhojan

Inhee kshnon mein

Mathhaa jaataa hai uskaa samudra

Devtaaon aur daanvon ke bhaaree paanvon se

Yahee kshan aadmee kee haar hai

Yahee kshan us par devtaaon kee maar hai.

 

Yaad rahe

Woh aashirvaad

Jo

Vyaktitwa kokabandh banaataa hai

woh bhojan

Jo

Apnee aankhon se dekhne kaa adhikaar chheen letaa hai

 

jo unnat hone kaa adhikaar naheen detaa

Iyattaa kee greevaa ko

vah suvidhhaa

 

Jahaan vivek ko aagyaa naheen hai

suchintit aacharan kee

 

jahaan sochtaa koyee aur hai

Kartaa koyee aur hai

 

Jahaan paaon kisee aur ke

Raastaa kisee aur kaa

 

jahaan upjaataa koyee aur hai

Khaataa koyee aur hai

 

Jahaan har devettar sattaa

Maatr bhojya padaarth hai

 

detaaon yaa unke dalaalon kaa,br> Jahaan nagar hain

 

Bhookhe hathiyaaron kaa samvaidhaanik bhojan

 

Jahaan soorya hai

Vlaasiyon ke kamron kaa deepak

 

Jahaan barsaat dhotee hai

Paaon devtaaon ke

 

Jahaan greesma seinktaa hai

Safeid dhulee sabhyataaon kee rotiyaan

 

Jahaan havaa jhulaatee hai

Unkee ramaniyon ke jhoole

 

Jahaan har unchaayee

Ekmaatr unkaa aur unkaa hee vlaas hai

 

Jahaan har itar sattaa

unke liye maatr sookhee huyee ghaas hai

 

Vahaan jurm hai

Chupchaapapmaanpeenaa

Apraadh hai muh chhupaa kar jeenaa.

 

Thhodee see chuppee -see chhayee rahee

Astambhit rukee rahee saagar kee lahrein

vrikshha chupchaap sunte rahe

kahaa jo charuvaak ne

havaa rukee rahee

Par

samudra bolaa- saral hai shabdon se trin ko pahaad banaanaa

saral hai aakaash ko shabdon kee duniyaa mein

prithvee par laanaa

saral hai rok leinaa samaya ko,br> saral hai raaton mein sooraj chamkaanaa

saral hai aadmee ko devtaa banaanaa

Aur devtaa se sadkein banvaanaa

 

kintu bandhu, chaaruvaak!

sach nahee hai saapon ke jangal se

lakshhya tak pahuchnaa

Sach nahee hai aakaash ke taare todnaa

Bakre kee maan kab tak manaayegee bachche kee khair

shastro kee bhookh se nihathhon kee gardan

Kabtak kareigee bair!

 

Naheen bandhu , nahee,

tum jaao,br> Apnee aajaadee ke geet aur kaheen gaao

tum to chal doge utthhaa kar

hamaare rakta mein aandhiyaan

Kintu hamein to yahee rahnaa hai

Kal devtaaon se fir matthhe jaayenge

Hamein bachaane kaun yahaan aayenge

ham fir jameen todeinge

fir se ratna jodeinge

bhaagya mein hogaa to khaayenge

nahee to devtaa le jaayenge

 

KARMANYEVAADHIKAARASTE MAA FALESU KADAACHANA!

 

Dhikkar hai ,dhikkaar hai re saagar

Too nahee jan hai,na too paaraavaar hai

Kahaa Charuvaak ne

Lagataa too mujhe devtaaon kaa dalaal hai

MAYEVETENIHTAAH POORVMEIVA!

(mere dwaaraa pahle hee maare jaa chuke hain)

Yaanee too devtaaon kee hee baatein duhraataa hai

Aadmee ko devtaaon kaa bhojan batlaataa hai

Yuddha ke pahle hee too apnaa pakshha gavaataa hai

apne astitwa ko Bhookhe aston kaa bhojan batlaataa hai

 

Are nirlaajj

viraat magarmachhon,naagon,mahaaraat nagraajon

anant sanskritiyon,sabhytaaon

Kaa ghar hai too

Atal hai,alanghya hai, durniwaar,athhaa hai too

sab kee gahraayee vishaaltaa kaa pratimaan hai too

fir bhee tujhe matthhaa gayaa

ek kankad saa pahaad

Tod gayaa teree pore - pore

Ek adnaa saa saaap,br> Mardit kar gaye paabon se tujhe vilaasee devtaa

kabandh

Yaanee teree vishaaltaa ko matth gayee

Cheetiyon kee jamaat

 

Are neechaashaya !

Har pal too mathhaa jaataa hai

Fir bhee unhee paavon ke gun gaataa hai

Nipodtaa hai asheervaad kee ashaa mein kheesein

Kalankit apmaanit ho

Kabandhon tak ke saamne gidgidaataa hai

Too aisaa sach hai jo jhooth se bhee heen hai

Garimaa se viheen ,Neechaashay hai ,deen hai

 

Are kleev, Lakshhya kyaa khareedaa hua laddoo hai Jise too yon hee

gapaagap khaayegaa

Aise hee chhupaa huaa apnee hee deh mein

Sahamtaa, sikudtaa huaa

Bhookhe shmshaano ke jangal mein

Apnaa swtva paayegaa!

 

Yaad rahe

Lakshhya nahee paaye jaate matr paavon se

Lakshhya nahee dekhe jaate maatr aankhon se

Lakshhya naheen tairaa jaataa maatr baahon se

Lakshhya sankalp hai jo praano mein jaagtaa hai

Swapna jab sach mein letaa hai angdaaiyaan

Sankalp jab jaagtaa hai praano mein

Rakt kaa ufaan jab badal jaataa hai

Aprihaary aandhee mein

Jab pakshhee kee aankh kee putlee ko chhod kar

Kuchh bhee nahee soojhtaa Arjun ko

Tab

Tab

Paayaa jaataa hai lakshhya

Saap khud ban jaate hain savaaree

Aur fanon kee chhyaa mein sampanna hotee hai yaatraa

 

Jabtak too apne praanon mein nahee jaagegaa

Jabtak too naheen bhareigaa udaan

apne jwaaron mein

Jabtak too nahee kapaayegaa aakaash

Apnee chighaadon se

Jabtak swarg too naheen matheigaa

Jatak too naheen chheen laayegaa apnaa sarvaswa

Jabtak too jeevit hai

Magar til -til mareigaa

ho chaahe jitnaa bhee oonchaa too

Jabtak hai mathhaa hua

Too til - til galeigaa

Chain nahee lene degaa teraa mathhaa huaa rom- rom

Too kahaan jiyegaa! Too kahaan maregaa!

 

Kalpnaa kaa sach mat kho

Jis se pakshhee bhee pee jaataa hai samudr

Yadi

Sankalp ho

Vaanar bhee bharte hain udaan

Haatho mein utthhaa laate hain pahaad

 

Kalpnaa kaa sach

Shoonya mein kheenchee gayee rekhaa hai

Jis par eet - choonaa - gaaraa jod

Aadmee ne nakshhtron ke bhee paar

Apnaa lakshhya dekhaa hai,br.,br> Apnee uttaan greevaa kee oonchaayeeyon

par

Apne mastisk kee sachhaayeeyon par

Mat pratisthhit kar

Devtaaon ke paavomn kee dhool

 

Paanee kee prakhar dhaaraa ke liye

Ek sookhaa pattaa bhee

Kabhee - kabhee baadhak hotaa hai

 

Asahya hotaa hai naag ke sammaan ko

Ek trin kaa sparsh bhee

 

Apnee oochaayeeyon par mat sweekaar

kisee ke aasheervaadon kee chhayaa

Doop mein tap

Jee ,soorya aag mein

 

Teij ke gaurav ko hartee hai dakshinaa

Doosron kee muskaan par

Apnee garimaa ko mat tol

 

Yaad rakh

swarg devtaaon kee paitrik sampatti nahee

hamaaraa chheenaa huaa ghar hai

woh araajaktaa kee akasmik vijay hai

woh hamaaraa sabse apmaanit prahar hai

 

swarg nahee hai vadhikon kaa sanaatan nivaas

Nahee hai woh bhookhe shastron ka aamodgrih

woh hai aadmee kaa

sabse shaandaar swapn

Woh usee kee khoj hai

Sarv - sampann behtar sansaar hai

 

kintu durbhaagya hai

devtaaon kee kripaa se

Aaj woh aadmee kaa

Bhookhaa shmshaan hai

 

Re saagar

Jaag

apne samast sankalpon ke kendra mein jaag

Math de aakaash,br> Apnaa haaraa huaa swatwa

Apnaa padmardit gaurav

Vaapis laa

Vaapis la

 

Laa apnaa Uchachaishrvaa

La apnaa Airaavat

Laa apnee laxmee

Laa apnee Kaamdhenu

Laa apnaa chandrmaa

Laa apnaa Amrit

Laa apnaa vish

Taaki Tujhe yaad rahe apne fan kee

apnee fufkaar kee

 

Punya kho chuke hain devtaa

Apne hee vidhaataa kaa gaurav math kar

 

Yaad rakh

Shmshaan poojya nahee hote,br> kyonki wahaan maut kaa andheraa hai

Kyonki woh khookhaar pishaachon kaa deraa hai

 

Nahee hotee shlaaghy ve oonchaaiyaan

jo khadee hotee hai

Murdon ke dher par

 

Woh aasherwaad apmaan hai apnee sattaa kaa

Jahaan apnaa sir khoye binaa

Pravesh nahee miltaa.

 

Tab chaaruvaak ne apnaa haath rakhaa Samudra kee peethh par pyaar se

Halke thapthapaa kar bole Chaaruvaak

Udghosh ke swar mein

 

Aayein jansamudra mere saath aayein

Aaj se ham

dhaaran karein apnaa soorya

Apnee pahchaan praapt karein

Chaaruvaak aur koyee alag sattaa naheen bandhu

Vah tumhaaraa swtwa hai

Tumhaaree hee kukshhi se tumhaaraa janma hai

Woh teree jaagrat pahchaan, teraa darp hai

Uttaan greevaa hai, sankalp hai

vivek kaa bal hai

Jaagrat sambodhi hai, chetnaa hai

Tumhaaree tapsyaa kaa fal hai

 

Chaaruvaak fir bole -

Suno samudra

sirf tum ek baar garjan karo

Shabdon ke dhanush par sankalp ko tankaaro

Ek baar ,sirf ek baar

Jaraa devtaa ko lalkaaro

 

Suno samudra sanaatan satya hai yah

Jo doosaron ko math kar khaataa hai

Usakaa swatwa

Shesh naheen rah jaataa hai

 

In khokhalee aakritiyon ko jhinjhodo

Unkaa aasmaanee aham todo

 

EK baar, sirf ek baar

Apne utkarshmay praanon ke

Samgra sankalp se

too asmaan ko hilaa de

Devtaa ko apnee jagriti kaa ehsaas dilaa de

 

Agar maaraa gayaa

to abtak jiyaa kab too

Agar jindaa rahaa

to maregaa nahee

 

Priyvar!

Andhvishwaason kee hadon tak samarpan chhal hai

Yaheedevtaaon yaa pishaachon kaa bal hai

 

Har pratishthit moorti kee pareekshhaa karo

bahut sambhav hai wohee ho pishaachon kaa ghar

ham jise samajhte hon foolon kaa bageechaa

sambhav hai vahee ho shmshaan kaa safar

 

Koyee bhee niskarsh antim nahee hotaa, bandhu !

Naheen dho kar chaltaa hai aadmee sadaa apnaa raastaa

Apne kandhon par

Kuchh bhee sanaatan naheen

Kuchh bhee nahee hai poorn

Pratipal sajagtaa se

Khud ko bhee jaancho

Jitnaa bhee ho koyee shradhhaa kaa paatr

Bhoolo mat

Usako bhee aag mein aancho<

Jahaan bhee oonchaayee varjit ho

samjho wahaan hai koyee pishaach , koyee devtaa

Yaa hai koyee uskaa dalaal

Jahaan bhee aakaash chhotaa pade

Tumhaaree udaan se

Samajh lo

Jaroor chhupaa hai

Koyee bhookhaa shmshaan

 

Priyavar

koyee bhee itnaa oonchaa nahee hotaa

ki har doosaree cheese,br> chhotee ho jaaye

 

Koyee bhee charan itnaa poojya naheen hotaa

ki tumhaaraa sir

usakaa raastaa bane

 

Priyvar

Admee ko agar jeenaa hai

To dhoondhte rahnaa hogaa

Is se bhee behtar aur behtar

Jeene laayak duniyaa

Jahaan na hogaa devtaa

Na hogaa pishaach

Na hogaa kavandh

Na hogaa bhookhaa shmshaan>

 

Achaanak samudra kaa rom - rom lahraayaa

Gooj uthhaa jwaar - jwaar

Lakshha - lakshha shankhon ke ninaad se

Gahre andhere mein soory utar aayaa

Kabandhon mein foot pade sheersh

Prthvi ke rom - rom mein ankur ug aayaa

 

Chaaruvaak fir bole-

khabardaar

Devtaa itnee jaldee naheen martaa bandhu

Ho saktaa hai

woh janm le rahaa ho tumhaare hee andheron mein

Soorya ke surakshhit andheron mein bhee

Panapte rahte hain devtaa ke keetaanu

soorya ko mat samjho antim saveraa

Is uplabdhi ko mat samjho antim padaav

Yah yuddha antim nahee hai bandhu!

 

Suno samudra, garjan jaaree rahe

Jitnaa bhee dam ho

Aakaash se takraao

Karo apnee grwvaa kaa hastaakshhar

Anchhuyee unchaayeeon par

Adekhee dishaaon kee sambhaavnaaon mein

 

Jan - samudra

sarjan hai ,swapn hai, jeevan hai bandhu

Manthan kee saamagree nahee

 

Praano kee gahraayeeyon se foot pado

Ek - ek jwaar mein mahaamantr kee tarah

 

Oordhwamukhee ho aakaash kee ore -

Bol - Bol;o

Chunautee bhare swar mein lalkaar kar bolo

aakaash ko

Devtaaon ko

Devtaaon ke vilaas ko -

HAMEIN AAPKAA AASHIRVAAD NAHEEN CHAAHIYE

HAMEIN AAPKAA AASHIRVAAD NAHEEN CHAAHIYE

 

aao bandhu , aao

Grahan karo apnaa samudra

Apnaa Chaaruvaakatwa

Apne sir se takraatee har oonchaayee ko todo

Apnee udaan kee seemaaon se takraao

apne ko anant sambhaavnaaon se jodo

Taaki sankalp pooraa ho

Is se bhee behtar

Aur is se bhee behtar

sansaar kee khoj kaa

Jahaan

Jee sake aadmee

Aur bhee

aur bhee

Aadmee ke laayak jindgee

 

Ek kshhan ruk kar

Poore jwaaril sansaar ko

samet te huye apnee drishti ke vistaar mein

 

Caaruvaak fir bole-

 

Padho apne samay ke

Is sabse tejaswee agnimay hastaakshhar ko

Manushya kee sarvaadhik

Uttaan greevaa kee garimaa se

Nihsrit is mahaakaavya ko

Praapt karo

Baar - baar is dhdhaktee,br> Agni ke mahaasaagar mein

Apnaa chaaruvaakatwa

 

Baar - baar

Manushy ke is mahaatejas chunautee bhare

agnidhwaj par

Sudridh karo apnee pakad

jahaan bhee jaise bhee hon manuvanshee

Yaa

Is rekhaankit jaati - prajaati se pare

Praanvaan sattayein

Yuddha jaaree rahe

Aur bhee behtar

Aur bhee jeene yogya duniyaa kee khoj kaa

 

Yaad rakho bandhu

Adhooree rahegee us kaal purush kee yaatraa

Jhoothhaa hogaa woh itihaas

Jo andekhaa karegaa is mahaakaavya ko

Yaanee

Aadmee ke sabse tejaswee sankalp ko .

 

Aur

Yah kah kar Charuvaak utar aaye jan mahaasaagar mein

drishti ke dhanush par sadh gaye

Teer se paao sankalpon ke

yahee thee woh jayyaatraa

Jiske liye aadmee jeetaa hai

Agni kee dhadhaktee aandhiyon mein

Rakt ke ufante mahaasaagron mein

 

Tab kahaa chaaruvaak ne

Sunen

Samay ke sheersh par avasthit

Naayak,mahaanaayak,khalnaayak,naalaayak

 

Sunen

Manushy daanav naheen ,devtaa nahee

aviral sankalp sangharsh aur sandhaan hai

Nootantaa kaa

 

samay kaa aglaa charan hai aadmee

Pahle se behtar sansaar kaa

 

Tere manthan se woh nahee haaregaa

tere aashirvaadon par

woh khud ko naheen vaaregaa

 

Main hoon uskaa Chaaruvaak

Usakee antah pragyaa

Usakaa sankalp

Usakee kavitaa

 

Usakee yoni

Usakaa garbh

Usakaa janm

Usakaa krandan

Usakaa geet

 

O