Uthe mayehamba eyofunda phesheya uMthokozisi washiya abazali bakhe namaphilisi okungagugi (age defying).

"Nithathe elilodwa ngosuku ngize ngibuye" kuchaza uMthokozisi. Ithe mayiphela iminyaka emithathu waphindela ekhaya.

Mayefika kwabo kwase kungasefani nakuqala ngoba nomakhelwane abanye base bahamba bayohlala kobelungu. Hayi angene esangweni ahlangane nokuyintombazanyana ibelethe ingane emhlane. Kuyasebenza impela lokhu
kwentombazane kuyashanela.

"Sanibonani" kubingelela uMthokozisi.

"Hawu bakithi! nangu umntanami!" kusho lentombazanyana, ethuke uMthokozisi.

"Lalela Mthokozisi - wathi ungahamba ngawadla lamaphilisi akho kepha ngadla amathathu ngosuku. Uyihlo waba nomona uma engibona sengimusha wathatha ngamawala wadla ayishumi-ke yena. Uyena lo osemhlane".