IDA DELL'AQUILA

CHIAGNE  PE’  NAPULE
   Io nun vulesse chiagnere,
  ma songhe ‘e llacrime
  c’afforza vonno scènnere.
  Vulesse, vulesse durmì ‘a notte
  ma songhe ll’uocchie
  ca nun se vonno chiudere.

            Io nun vulesse sèntere
            sta nustalgia pe’ te;
            ma tutto aggio tentato
            tant’anne so’ passate
            e nun t’aggio scurdate.

  Dimme : comme nun aggia chiagnere
  luntana tanto ‘a te,
  luntana ‘a tutte quante.
  Sento ca è venuto ‘o mumento
  ca torno ‘a terra mia
  o faccio ‘na pazzia.

             Io voglio turnà a Napule
             e addò so’ nata, murì!
             Cà ‘o tiempo `sempe nire
             nisciuno canta o rire
             po’ gelo ca ce sta!

  No, nun me ‘mporta ‘e niente
  io voglio turnà a Napule
  pure si a fa ‘a pezzente;
  e, si aggia ancora chiagnere,
  chiagne ‘nzieme cu te,
  e addò me piace a me!