IDA DELL'AQUILA

ASPETTANNO

  Stò sempe a ‘sta fenesta
  quanno chiove o fa friddo,
  c’’o sole o ca tempesta
  speranno ca tu passe

              Passeno ‘e iuorne e ‘e mise
              passeno ‘e tiempe amare,
              tona a splènnere ‘o sole,
              ma io fridde sento ancora.

  Torna a riva ‘na vela,
  va ‘a casa ‘o piscatore,
  ‘na voce o ‘na canzone
  se sentono int’’a sera…

               Sto’ sempe a ‘sta fenesta
               aspetto ca tu passe;
               ma passa sulo ‘o tiempo,
               ‘o tiempe ca me resta.

              …………………………
              …………………………
              ma passa sulo ‘o tiempo,
              ‘o tiempo ca me resta!