IDA DELL'AQUILA

‘ST’AMMORE

  Stasera cant’’o mare ‘na canzone
  e ‘o viento porta ll’eco d’’e parole.
  parole ca so’ lacreme d’ammore,
  d’ammore, pe’ te.
  Tu nun ‘o puo’ sapè, ma ‘mpiette ‘o core
  me sbatte comm’a llonne ‘e chistu mare;
  stu mare ca pur’isso se dispera
  pur’isso, cu mme.

          Dimme almeno pecchè m’he lassate:
          ma pecchè?
          Dimme almeno si mo’ ce sta nato
          ‘nzieme a tte.
          Tu m’avive giurato ammore eterno
          e mo’ me fai murì int’’a ‘st’inferno,
          m’’o dice: pecchè?

 ‘A notte sempe tu me viene ‘nzuonno
  me dice ca si’ sempe ‘nnammurata
  ca nun è overo ca ce sta chill’ato
  ma è overo, Marì?
  Si tu ce pienze buone, vita mia,
  e vuo’ turnà addò me, tu sai ‘a via,
  io stongo sempe ccà, ch’’e braccia aperte,
  t’aspetto, Marì.