Nun so’ cchiù chella ‘e primma
  nun so’ cchiù chella ca
  felice e ‘nnammurata
  tu sentive ‘e cantà.

  Nun so’ cchiù chella ‘e primma
  ca chiagneva pe te,
  si sulo quacche vota
  nun venive addo me…

            ‘A quanno m’he lassata,
            senza manco ‘n’addio,
            ‘a tanno s’è cagnato
            tutt’’o destino mio!

  Nun so’ cchiù chella ‘e primma
  ca ‘e canusciuto tu
  tantu tiempe è passato
  nun t’’o ricuorde cchiu?

  Mo’ dice ca vulisse
  cu mme ancora turnà…
  No. Nun so’ cchiù chella ‘e primma,
  mo’ che ce tuorne a ffà?