| Page8 |
 |
| Kya-kya khayaal jee se guzarte haiN subah-o-shaam zakhm naye dil meiN ubharte hain subah-o-shaam sadiyaaN guzar gayiiN haiN tumheiN bewafaa hue hum yaad tumheiN aaj bhi karte haiN subah-o-shaam reh-reh ke ,chauNk-chauNk ke maiN neeNd se jaaguN ban-ban ke mere sapne bikharte haiN subah-o-shaam jab-jab teri yaadon ki ghaTaa dil pe chhaayi hai baadal meri aaNkhoN ke baraste haiN subah-o-shaam pal-pal maiN dekhta huuN uTh ke raahguzar ko naina teri aamad ko taraste haiN subah-o-shaam mat poochiye kya aalam-e-khwaab-o-ummiid hai aNgaar se seene meiN dehakte haiN subah-o-shaam ik baar chhuaa tha tere phuuloN se badan ko ke haath ab bhi mehakte haiN subah-o-shaam |
 |
| SYED BILAL ARMAAN |
|
 |
 |
|
|
|
|
|