Words of Wisdom from Meteor Garden

Ang mgva ito, bagaman mula sa salin ng ABS-CBN ay protektado ng copyright ng website na ito. Bukas na komunikasyon lamang ang daan para sa maayos na pagsasamahan.

Lei: Nung bata pa ako sabi ng isang kaibigan, sa madaling araw nagtitipun-tipon ang mga anghel para magdasal. ‘Pag nagpaputok ka sa mga oras na ‘yon, makukuha mo ang atensyon nila at matutupad ang kahilingan mo.

 

Jing: Nung naroroon pa ‘ko sa France, may kasabihan do’n. Ang bawat isa, dapat may magandang pares ng sapatos. Dahil ang sapatos na ‘yon ay dadalhin ka sa pinakamagagandang lugar.

 

Ah Si: Ang ibig sabihin ng Meteor na napapaligiran ng liwanag ay gamit nito ang pakpak ni Kupido.

Shan Cai: Ang liwanag na sinabi mo ay pakpak ng pag-ibig?

Ah Si: Um, kaya ‘pag nakita ng mga nag-iibigan sa buong mundo ang meteor na ‘yon bago ito bumagsak, mas titibay ang pag-ibig nila… na parang naka-lock ng mahigpit sa pakpak ni Kupido. Magkakatatak na ang pag-ibig nila habang buhay.

 

Shan Cai: ‘Pag nagpapalipad ka ng saranggola, para kang may tinitingnan sa malayo sa kinatatayuan mo. Parang hindi masusukat ang layo. Pero ang puso, hindi dapat mawalan ng pag-asa dahil alam mo, hawak ng mga kamay mo ang tali. Tulad din ng kapalaran ng tao, nagsisilbing gabay.

 

Lei: Noong bata pa ako, tinuro sa akin ng isa kong kaibigan kung pa’no tumayo nang pabaligtad sa tuwing naiiyak ako... para hindi na tumulo ang luha.

 

Ya Men: Nakatakda nang mangyari sa mga tao na pagkatapos ng tatlong taon, maglalaho na ang pag-ibig.