|
Endame sekilas mengenai PESIKAPI, janah lit
piga-piga program si enggo ibahan, seperti gerakan moral seniman Karo sini ibahan ibas
bulan November i Hotel Indonesia Jakarta, alu
mengundang tokoh-tokoh Karo sini tading i Jakarta.
Ibas keseriusen erbahan acara enda lit pe piga-piga
iundang seniman i Medan nari ku Jakarta, eme
Stasion Tarigan (pemain Surdam), Sorensen Tarigan
(pemain Kulcapi), Samion Pinem (pemain Saxophone),
bagepe sekalak musisi muda Karo si berbakat
sisangana menimba ilmu i Institut Seni Indonesia
Yogyakarta, eme Malvines Pinem (pemain Biola).
Acara enda ibahan alu memaduken musik tradisional
ras modern. Kerina penonton ibereken man ras
minem i Hotel berbintang lima enda. Tuhu lit kesadaren ibas
kita bahwa lit piga-piga seniman enggo melakuken
kesalahen ibas paksa gundari enda.
Acara enda berlanjut ibahan PESIKAPI ku Taneh Karo alu
kerjasama ras seniman Karo sini tading i Sumatera
Utara, khususna Taneh Karo. Utusen PESIKAPI nari ku
Taneh Karo paksa si e eme Tio Fanta br Pinem, Novita
br Barus, ras Herri Ketaren Purba. Geraken moral enda
ilakoken eme sebagai gerakan moral marakna
pembajakan-pembajakan Intelectual Property Rights eme
simenyangkut Hak Cipta. Si idah maka kita kalak Karo
tuhu secara ukuren angka mbelin kel melakuken
kejahaten pembajaken hak cipta. Acara isamping
ngerana-ngerana, ibahan ka pe ziarah ku Taman Makam
Pahlawan i Kaban Jahe.
Ibas kegiaten-kegiaten seni i Jakarta pe turut
itandaken PESIKAPI ku tengah-tengah kalak Karo,
bagi Festival Penyanyi Karo i Gedung Graha Purna
Yudha (Granadha) i Semanggi Jakarta, bagepe
melakuken gerekan moral ibas kerja guro-guro aron sini
ilakoken masyarakat Karo i Jakarta.
Alu kerjasama ras Kesaint Blanc pe enggo ibahan sada
VCD si bersifat gerakan moral alu erbahan VCD
"Jile-Jile Kobe" ras "La Terbajak" sini
ikoordinatori Sutradara Karo : Herri Ketaren Purba.
Bagepe seniman Karo berperan serta ibas Festival
Budaya Nusantara i Graha Bakti Budaya, Taman Ismail
Marzuki, sini ikoordinatori Yulianus Liem-Beng. Ije
itampilken perpaduan Band Karo ras musik
tradisional. Ibas acara Nasional enda pe itonton
praktisi-praktisi ras seniman-seniman nasional ras
seniman seniman daerah lain. Acara enda pe isponsori
ibas Ford Foundation, Depdiknas, MSPI, Manassa,
Asosiasi Tradisi Lisan.
Jadi endame lebe piga-piga program si enggo ibahan
PERSIKAPI isamping kegiaten sosial anggota PESIKAPI ras
sidebanna. Mudah-mudahen informasi enda banci berguna
man banta kerina.
Bujur.
Yulianus Liem-Beng |
