مخول قاصوف
خرج الوقت من غرفتي
ضاجعتُ الوقت طويلاً
خرج
من غرفتي عارياً
ثيابه على الكرسي
أقلامه , دفاتره
بَقَيت على الأرض كوجع الحقول قبل الحصاد
و النهار يأخذ حبوبه اليوميّة
لمنع الحمل
لقد خرجنا من الغرفة
: بعد الانتظار
و بقي الطريق أسرع
. . . من رجلينا
1978
كل الثواني جسدكِ
في قصيدة صمتي
أُدخلي عارية من كل اللغات
فكل الحروف إنحناءَاتُكِ
. . . كل الشهقات
جسدُكِ الوعد
جسدُكِ الرحيل
و أنفلات الثواني
من دفتر الساعات
باريس 1981
العصيان
وجهي زمن عربيٌّ
جسدي وشم منسيّ
فأحزمي
حقائب الفجر
وأرفعي الراياتْ
سقط العرش حبيبتي
فالأرض أرضك
و السلطان ماتْ
هيّا امسحي وجع الجدران
هيّا احْذفي وطن النسيان
عن وجهي
فالليل تمدّد في جرحي
عَبَرَ الزمان
سُلّي السيف و أقتحمي
: خطوط الكفّ و الوشم
و أفتتحي العصيان
نيسان 1981
حروف على ورق النورس - مؤسسة فكر للأبحاث و النشر - 1982
مثقفون - نون
مثقفون يفكرون
بانتظام يشرحون
يحللون مفاصل الأزمات
علينا و عليكم سلامات
مثقفون يلهثون
على ورقة ينتشون
للبنيوية للشعر فنون
يتسلّقون الألف ينبطحون - نون
مثقفون قلقون
ينتظرون الحزن و الجنون
حتى في الأعماق يكذبون
يفلسفون العجز يرتاحون
أنا و أنت و الناس
ما إلنا حدا
بيحكوا موّترين
بنحكي عالهدى
لو بيروحوا يرتاحوا
يحلوّا عنا شوي
شبعنا حكي , شكي بكي
مثقفون يصوّرون
أنهم متعالون
على سلّم الأفكار يعربشون
يموتون بالمال يموتون
مثقفون يغتالون
كل فكر و فنون
ففي الجرائد هُمُ الحاكمون
و عا مهلك بالشفرة ع الصابون
مثقفون يردّدون
كل كتاب يقراؤن
فللعلم للفكر قانون
لكنهم صدى يطنُّون
مثقفون فارغون
هذه الأغنيةكتبتها في 1973 و نزولاً على إصرار زياد الرحباني أعدت صياغتها لحناً و كلمات و خرجت بصيغتها الجديدة في 1986
بعدو الوجع
بعدو الوجع
بعيونا سِهرانْ
بِبلاد كامِشْ لوعتا
دمعْ الحَجرْ
و الحِزنْ خَبَّا بضيعتو
ضوّ القمر
بعدو الوجعْ سِهرانْ
حِبِرْ وَرَقْ و قلام مكسوره
و شنطِةْ حِلِم ضَاعِتْ عامهلا
عالرصيفْ
كِلّو حكي
و ما عاد يُقَف هالنزيفْ
كل الحَكي مِتِلْ
شي جُوعان
عَمْ ينتُشْ رغيف
كلوّ حَكي
و صارِتْ الكِلمةْ ترابْ
خلّي إيديكِ تحّنْ
تا يدُب الوتر
قلبي سفينه هلهلا
طول السَفَر
متل اللي قاعد عا حفافْ الكَون
مِتْل للنسي
متل للغفي
و هيك إنتحر
1982
ريتو القمر
ريتو القمر
ينزل خبز تنور
ع بيوتنا
ع حقولنا و يدور
ع بيوت خرباني
و قلوب تعباني
رجع الضجر
كل القصايد غافيه
و شهرْ ينزُف شهرْ
ما ضَّلْ عا الطرقاتْ
غير الرمل و كياسْ مشلُوحة
ع تمّ السهل
كومة قنابل
كومة حجارْ و شتي
عواميدْ مثل الناسْ
. . . عمْ تتكي تكي
صرنا صُرْ
يبست على الحيطان
و نخاف المدى
صرنا متل هالصوت لميّ يرجّع صدى
قالوا خلص و العاصفة راحت
صار الصبح ختيار
بعدا العتمة سيوف
فوق رقابنا
بعدو الصبح ما صار
بكير يا رفيقي
ليك السما سودا
و الليل عم يزحف على حدودا
ريتو القمر
ينزل على متاريس مهجوره
يلغم ايدينا نور
نفجر فيا القبور
نهجم ع وجّ الليلْ بالساحات
نخلّي حجارْ الشارع المقهور
تُوعا على صرخاتنا و تثور
1976
شريط بواب الفرح 1986 - شريط كلّو تمام 1987
و نزل الى الأسواق1991 لأسباب تعرفونها
تلحين مخول قاصوف - غناء سامي حواط
تعريف
شارك مخول قاصوف عام 1963 في تأسيس فرقة موسيقية غربيّة تؤدي أغاني
Devils إسمها Beatles و لل Animals لل
في عام 1968 غيّر الإتجاه الموسيقي وراح يستمع و يغني أغاني لأمثال المغنييّن
Ferrat , Ferré , Moustaki
بعد ظهور المقاومة كحلم جديد و ذلك بعد نكسة 1967 عاش فترة تفكير بأغنية ملتزمة و لكن باللغة العربية , فكانت أغنية في خيامنا أطفال سنة 1969
تركزت أغانيه على موضوع الجنوب و الطلاب و المقاومة , أول حفلة من تأليفه و غنائه كانت في سنة 1971 في كلية الطب الفرنسية . بعدها دار على الجامعات و المخيمات
في بداية الحرب الأهلية 1975 تخرج طبيباً للأسنان من كلية الطب الفرنسية فتوقف عن الأغنية و مارس مهنته
شعر بالهزيمة مبكراً و بسقوط الأحلام 1977 فعاود مشروع الأغنية و لكن بشكل من السخرية و راحت أكثر إلى الكلمة عن الإنسان بينه و بين نفسه , و أحس أن المشكلة تكمن فينا . و تمت النقلة من الإلتزام السياسي و الشعارات ألى الوجداني و الإجتماعي في الكلمات
. . . .
زياد الرحباني