小女人手記(2)

琴瑟集(2)

可能是我挨不了的關係，呢一年，我發展了第一段婚外情，‘佢’其實不是我心目中的最愛。不過我時時刻刻都好想住佢，希望佢可以在我身邊。同佢一齊，我覺得好快樂、有安全感、好寫意……

但佢唔似得你咁關心我，因佢身邊有好多人圍住。基本上佢生活多姿

多采，不愁寂寞。我的出現只是用來填補佢一點空間，然而，我都甘心。我想在這裏公開佢個名，公開我地關係，佢就係 MR CHIN…唔知幾時我愛上了錢，錢對於我實在太重要了。老公！如果你可以賺多一點給我，我也許會愛你更多！嘻嘻﹗

總括結婚的第二年，可能是孩子、可能是婆媳關係、可能是金錢，我地之間出現了很多問題，大家的感覺都不太開心，所以我決定返回社會做事，出來的第一份工是在銀行當外幣找換員，對於一個煮婦來說，這份工已經很不錯，因為可以早放工到街巿買菜。唉！生活真是單調！仲記得我死黨APPLE取笑過我，竟然九十年代的女人仲要到廚房煮飯，你真係失敗！就是為了這句話，你足足嬲佢到現在，我知道你心裏想什麼？因為呢種生活係我同你一齊渡過、一齊面對，我知你是甘心的！

第八期01/06/2000