我們等待著你你你和你的大作呀! 電郵信箱:[email protected]
鵪鶉蛋的遺憾 大食怪 可能唔係每一個人都有食下午茶的習慣,但我就每逄假日行街的時候,都會嘆下午茶,可能係自己快肚餓的原故罷! 話說一個星期六的下午,放工後便與朋友往葵涌廣場行街街,行下行下...好攰又係食野既時候,於是便往意粉屋食了一份公司三文治,(貪佢夠大嘛,哈哈..),唔駛一個字,一大份既三文治就被我吞下喇,食飽飽後,就埋單繼續行街街,行下行下,突然一陣香味從遠處飄來,遠處一望,原來係一檔小食店,心想"哦...飽飽,唔食!",但係都唔知點解好自然就行左過去超超喇,哦..又係雞腎,燒賣..咦!鵪鶉蛋?剝左殼既鵪鶉蛋?好似未食過喎...於是在好飽既情?下都買了四粒試下喇,老闆問我要咩汁,辣椒汁定係蒜茸汁,由於唔食得辣既原故,咁就揀左蒜茸汁喇,跟住老闆就將四粒鵪鶉蛋放落個透明膠袋內,加埋些蒜茸汁,咦...乜解救佢0係度係咁落些不知名既醬汁呀?我淨係要蒜茸汁咋喎...唉,算啦,五蚊雞,是但啦,當老闆大約落了四五款醬汁,撈"暈"後,終於很收手喇,而我和朋友就各自將一粒鵪鶉蛋放進口裏,嘩!!實在太好味喇,我從未食過咁好味既鵪鶉蛋,咁好味既醬汁架!跟住另外兩粒好自然就轉眼間冇埋喇,食完就走啦,一路行,一路諗...好似有0的唔妥喎..點解四粒鵪鶉蛋要落咁多汁,半個膠袋都係汁?呀!!係喎!!點解頭先食既時候,唔一邊食一邊點汁,而一口放入口度呢?真係死蠢!既然有緣比我食到咁好味既鵪鶉蛋,點解要有呢個遺憾!唔得,下次一定要再食過,將食三文治既三十蚊買埋鵪鶉蛋,諗起就想即刻食呀!唔知你又食過未呢?如果未就一定要試下喇,唔係就抱憾終生! 第三期12/3/2000 |
Written
Power By Mao-Chao-Bao