大笑俠
| 清明時節與FUN FUN
一年裏有很多乜節物節。總之話知佢乜節，有假放就是大節。如果鬼節都有假放的話，我相信身為香港人的大家都不會 「驟忌」 一樣可以去玩去癲，貫徹「話知你」精神、最緊要好玩的情操，會繼續跟自己的荷包過唔去，約埋班豬朋狗友大洗特洗云云 。好像剛剛過了的清明節，似乎就有潛力變成第二個新年，就只欠一句恭喜發財吧！奇怪是清明節明明是用來悼念逝去的親友，致上一份敬意。雖知人死如燈滅，所做一切都似乎做俾自己睇求個心安理得，做俾生人睇我還是一個孝子賢孫、義氣仔女。我沒有為了慳隻鷄再唔去拜山呀！ 真正目的：又是一年其中一度一大班人巧立名目攪節目。成班人操兵咁去到裝炷香、掃吓地、執吓嘢。然後就擺哂 D鷄鴨鵝燒豬生果蛋糕等是人先食得�H嘢出嚟，甚至可以擺到過隔離(間屋)度，跟住各人象徵式輪住燒D金銀衣紙再鞠番個躬斟杯酒水俾先人後，一聲「攪掂哂」就即場大吃大喝開哂唱機十足十開P！喂！借問聲咁叫尊重先人嗎？仲有一個二個都無嚟常識，年年電視收音機都叫大家小心山火！唔好放火！最閉D所謂孝賢者都係鐘意放火！咁鐘意燒野就去 BBQ 啦！燒你個鷄翼腸仔啦！喂！幾孝義都死啦！連公德心兼良知都無，仲好意思叫先人保佑你？ 最無奚佢地可若無其事繼續組團轉移陣地去打其麻雀食飯唱K直落，免得浪費人生？還是一個黃金機會？究竟現代人個腦諗乜？似乎乜節物節本身的意義都差唔多去到體無完膚之境！ 第六期23/4/2000 |
如對本文有任何意見同感不妨留言於留言冊上指教指教
Written Power By Mao-Chao-Bao