「剛剛」「啱啱」偶遇記
世上有無事情真可以有咁啱得咁蹺？剛剛遇著啱啱？若遇到的是「好的剛剛」，當然恭喜恭喜。但遇到的是「衰的啱啱」又如何？就只能仰天長嘆再大聲講句「黑仔」、「時運低」、「攞命」、「係未咁邪」等等。我相信以下事情你一定遇過，若無的話算你好命！
- 當你番工就一定陽光普照，你放假想去玩就行雷閃電兼落大雨。
- 當你帶遮出街個天就唔落雨，但你一唔記得帶就淋死你。
- 當你約了人放咗工之後想去威威，永遠要開OT。
- 當你去戲院睇戲時，你後排總有個不知情識趣的混旦在講哂D劇情出嚟。
- 當你辛辛苦苦排隊買LUNCH時，排到你就咁啱買完你想揀的款式。
- 當你買衫買鞋，Sales總對你講啱啱無哂Size或剩番呢件。
- 當你打扮到鬼火咁靚應約時，總會俾你的朋友見到你「趴街」。
- 當你趕時間時，總咁啱見到你想搭的巴士開走咗。
- 當你遲到時，總撞正老闆(最閉係你平日是無遲到的)
- 當你無錢時，屋企D乜乜物物總係唔遲唔早時間啱啱好來壞。
- 當你搵人修理D壞嘢時，居然又會操作正常。
- 當你大汗叠細汗想一番屋企就沖個熱水涼時，居然爆水喉。
- 當你剛剛進入夢鄉，又咁啱俾個搭錯線電話嘈醒。
- 當你想搵嘢時總不能搵到，但你唔要搵時總篤眼篤鼻。
- 當你俾人查身份證時，衰到連銀包都無帶。
- • • • •
真的有排講！不能盡錄！如有補充請講聲我知！
最後祝大家好運好運！
第四期26/3/2000 |
大笑俠
Written Power By Mao-Chao-Bao