大笑俠
| 當XX成為習慣
甚麼叫習慣？專家話只要一件事不斷重複做廿一次就會變成習慣。習慣當然有好有壞，好的莫過於最低層次如早睡早起、定時飲食。壞的如去完廁所唔洗手等。有的當然迫不得已每天要做：如每天一早起身未食早餐就要趕住迫巴士、火車、地鐵去番你那份唔番就會無錢供樓飲茶食飯還要踎街的工。講到尾有邊位仁兄仁姐唔想一個唔該中番期六合彩或三 T就可做其皇帝。但想真些又有幾多人可以突然間一夜間飛上枝頭變鳳凰？但有些事情你我或會想成為習慣：例如每天和你喜歡的人傾訴一下今天如何如何，又或者每天也吃一次你喜歡的小食；又或者每天能一家人吃一頓晚飯，又或者每天和你的愛犬散步；又或者每天做完成日嘢到時候就可番屋企冲個熱水涼再睡覺好之餘再發一個美夢。如果你每天真的如此過，請不要說悶！其實你或我都不知前世要積多少的德才可將一些平日你或我本以為簡單不過的事變成「習慣」？試想想全世界有多少人連想把每天吃一粒糖這個動作成為習慣的機會也沒有………. ？ 第11期10/09/2000 |
如對本文有任何意見同感不妨留言於留言冊上指教指教
Written Power By Mao-Chao-Bao