失眠記

救命!有無人可以話我知! 點解人會到時到候會失眠?

真羡慕一些人話瞓就瞓，不須理會時間地點。而我這個可憐人逢星期日晚就大多瞓唔著!唉!…日想早D 瞓啦!又無可能! 到有時間俾我早D瞓!我又瞓唔著! 自問本身沒有做過甚麼壞事!為何會有這樣的拆磨!我有想過自己或者患了個星期一恐懼症，又或者有乜嘢事令到我潛意識之間好開心,好似D小學生因第日有旅行去興奮到瞓唔著! 於是成晚就係度反反覆覆咁諗點解點解之餘! 又擔心聽日唔知醒唔夠精神等等…….

弊!… 越諗越精神! 一點…兩點…三點…開始有D幻覺…企途或意途嘗試摧眠自己…喂! 快D瞓! 快D瞓! 好啦! 好似有D料到!周小姐終於肯call我去飲茶啦!我隻衰狗又嘈鬼醒我!佢一見到四腳蛇就發癲!(我真唔明佢點解咁憎D四腳蛇，仲有咁黑都睇到佢，都唔知佢係聞到、聽到定感應到，總之佢就知) 發晒神經係咁吠! 無辦法! 唯有起身趕走條死嘢! 好! 攪掂! 諗住再瞓! 我隻衰狗又吠，又係條死嘢! (都唔知點解咁鐘意攪我隻狗)真俾佢攪到我神經衰弱，激鬼氣就執起隻拖鞋就車埋去!去死啦!噢! XYZ! 打唔中!………無辦法之下唯有幫我隻狗帶口罩!天呀! 好攰! 終於可以瞓! 滴嗒!…滴嗒!…個臭鬧鐘又夠鐘響!

「救命! 我究竟有無瞓過呀!?…………」

創刊號11-2-2000