左右腳
| 苦命領隊
足球的魔力真是沒法擋！可是隨著年紀愈大愈有力不從心的感覺，剛剛踢了一場在雨中的足球比賽，本來在下雨天踢足球感覺是很舒服，但香港的草地足球場的去水系統總是不濟，好像沙灘／爛地一般，我想爸媽帶小孩來堆沙還可以，到於講到〝開波〞，還是到石地足球場比較好一些。 說起石地場，也就想起一班球隊老友，嘩！勁囉！我哋Ｄ隊員真係三尖八角，高矮肥瘦，大隻Ｄ，細隻Ｄ，乜叉都有，你諗起乜就有乜，連香港先生也給比下去，其實每一隊球隊必有一個或兩個攪手﹝領隊﹞，沒有接觸過球隊工作的球員，真的不知道工作是這麼辛苦，兼且吃力不討好，要連絡，要 book場，要落場比賽，又要乜又要七，大佬呀！義務工作咋，駛死人咩！最慘就是約了對手， book了場地，約了時間是不可改的，有時球隊又不夠人用，怎說呢！始終不是職業嗎，睇心情囉，喜歡到就到，不喜歡就不去，自由度非常大的；但是否想過白花了攪手們心機，唔覺可惜咩？所謂時間就是金錢，很多隊員可能沒嘗過一早起來去 book場的滋味。早上五點多啦，就要到場館排隊，咦！點解仲有兩三個排連你之前，心想，死啦，今日又book唔到啱心水個場，又唔知道book唔book到，夠煩啦！香港地book場就是這樣先到先得嗎，好多人很有心，鬼死咁早到，唔知道仲以為佢昨晚在這裏瞓。也曾試過有好幾次book唔到場，那時整天也沒有心機，不知道香港的草地足球場總是很難book，真是怕怕最後只好放棄草地足球場罷！第七期14/5/2000 |
如對本文有任何意見同感不妨留言於留言冊上指教指教
Written Power By Mao-Chao-Bao