魯作 魯作
| 痴人綺夢
近排真係好鬼死忙，點解？唔係嗰個乜鬼教育改革委員會，話要改變現在行之有年的教育制度，廢除乜嘢派位和學能測驗，轉由所住地區決定日後入邊間學校的重要因素，於是比老婆煩咗都唔知幾多日，一時去中上環，一時又話去東半山，再唔係又話要去九龍塘，做乜？去睇樓啊。嗰幾區多名校，如果一個唔好彩入到啲名校，由幼稚園小學以在中學都唔駛憂，正所謂教育一條龍，為咗啲靚仔無法喇。 做咗幾天日本首相左騰右騰，終於有些少清閒的時候，可以坐低抖吓，諗住上網同個二奶傾吓心事，叫佢今個星期煲定湯，打開個「 OL快線」努力以一指神功在keybroad 上飛馳，突然收到一封email 寫上「I LOVE U」，滿心歡喜的打開，以為個衰婆咁掛住我添，唉！一打開，大聲慘叫，原來瀨咗嘢，中咗著「愛蟲」毒，口中不停以生平絕學去問侯佢娘親，都唔知同邊個有仇，咁大整古，如是者不停的鬧…………，鬧到身水身汗。汗！點解滿身汗水�H，於是一個鯉魚翻身，噗一聲跳落床，飛快地開著部 notebook，一check 乜事都冇，舒了一口大氣，坐在sofa 一想，咦！我又冇二奶，又冇老婆仔女………，點解會發啲無聊夢呢？越想越唔明，越唔明又繼續去想…….. ，點解我會坐係度？究竟我係邊個呢？點解….. 點解呢？第七期14/5/2000 |
如對本文有任何意見同感不妨留言於留言冊上指教指教
Written Power By Mao-Chao-Bao