|
ZingSol Website
|
|
MISSLED CALL Missed Call ih cih kammal pen eizo pau in ki hopih, ki sam sam napi-in pawk khalo cihna hi a, a lauhuai leh adahhuai kammal khat ahi hi. Ka neu lai-in ka khua Tuithang R.C biakinn-ah ki khopna panin naupang no khat ki nusia kha hi. inn a tun uh ciang in anu le apa in naupang no a om loh lam hong theih uh ciangin lungkham mahmah uh a, agal sapsap uh hangin naupang in dawng kik lo hi, inn veeg inn paam leh alawm agualte inn teng inn teng a zon uh hang in mulo uh a, a tawp na-ah a zan azan in biak inn "tawh" la in asung ava zon uhleh tua naupan ih musa in tutphah tungah na lum hithiat mawk hi. Tua naupang ihmucip kha a hih man in mi te ciah lam pawk kha lo hi, aki sapsap hang in zong adawng kik thei lo a hi hi. hih thu i ngaih sut ciang in phawk khak loh thu in supna leh buaina tampi hong thugthei cih thu hong theisak ahih manin hih Missed Call cihpen a ngaisut huai mahmah kammal khat ahi hi. Ni dang lai-pasian leh mi khat ki zawlin amumang in kiho thie zel hi,Khatvei Pasian in zingciang na inn ah hong hawh ning acihleh tua mipa zong nuamlua in ainn paak namkim tawh zem in ainn tual ah puanpah in a ngak lai tak puansia a silk puteek phinphian khat hanbawm pi kht pua-in a valut leh tua mi pa heh lua in ahual khia hi,A zan ciang in Pasian aw hong huah lo na hi hiam? ci in a mang sung ah a vak dawt kik leh kong pai a, deih lo in nong hawl khia hi ci-in Pasian in dawng kik hi. Tua mah bang in i nun taak na ciat ah Topa Zesu hong lut nuam in i lungsim kongkhak geiah dingin kong khak hong kiu hi. ka aw za in konghong hon te kiangah lut in an kane khawm ding hi. (Mangmuhna 3:20) Pasian in a tapa khatbek apiak dongin leitung mite a it hi.(Johan 3:16) Topa in eite hong itna singlamteh tungah hong lak zo hi. Sia Thawng Kim la phuak mahbangin, Topa Zeisu singlamteh tungah a kihcip pen siktukilh hilo in itna in chilhcip hi zaw hi. Tua ahih man in hih it na pen lungdamtak a, ih san ding a hi hi.(Ephet 2:8) Gen tehna in cidamin inn natun ciang gamdang pan a ciah buang lwrsong na piak nop pawlkhat om ding hi, Itna tawh na piak te'n sum tawh hong lei nuamin hong thalawh sawm leh bang ci na mu diam? tu ni-in zong Topa'n nang bang ci-in hong mu diam? topa a lungdam takin na sang zo hiam? Tu lai takin vantung huihkhua (space Tour) Khual ki zin thie ta a, nung deuhin U.S mihTiTo pen Russia rocket tawh va zinin ni(8) va taam hi. U.S. Dollar Awn 20 bei- in sum neite bek ki zin thei a hih man-in eo zomite ua vuntung huihkhua-ah a zin zo leh apai zo ding ki omlo ding hi. Tua ahih leh tomno sungbek hilo tawngtung i teen thei na ding, huihlak a hilo Pasian gam nuamah a zawng , a hau, a pil, a hai,deidan omlo in, ihtuntheih nading lampi hong ki honsak ahih manin bang zahtain lungdam uai a hi ham?Tua akian mahmah lngdamna thu phawk khaklo in, ih thu don kei aleh alau huai mah mah leh adah huai manmah thu ahih lam zong phawk ciat ni.(Hebai 2:3) Malaysia an sum leh paai zong dingin i pai a, Pasian thupha zong ki sangin ipu,ipite theihngei, muhngei loh handphonete mimal kim phialin ih nei hi. lupna tung ah ih lupsa-in ih inn kuanpihte tawh zong ih kiho thei hi. Kei zong Pasian hehpihna tawh Nokia handphone khat kanei a, buai laitak leh ihmut lai takin hong ki hopih nuam in hong kisap ciang khat veivei phawk kha lo in ka om thei hi anung ciangin kaphone ka et leh Missed Call ci-in hong ki lak hi. Hong hopih kua hiam cih thei nuamin phonebook sung ka zon kik ciangin amin, ahun, ani, akhate leh a thu(Messange) cihte akim takin hong lak kik thei hi. En Lawh Mang; SingZung khua
|
