ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

PASIAN' MAIPHA

       "Tua ahih ciangin Jacob in tua mun Peniel ci- in phuak hi,`Bang hang hiam cih leh maitang ki tuahin Pasian ka mu khin a, ahi zongin kei hong ki hing khawi lai hi' ci hi. akhelpi' hangin amah  bai kawm -in Peniel a kan tan laitakin ni hong suak hi."(Piancil 32:30-31)

          Ki kim na leh ki cin na  aom thei lo mihingte  i nuntakna ah maipha deih lo kua mah ki omlo in, innkuan sungah nu leh pa' maipha ,sangkah na ah siate' maipha,Nasepna ah tote'maipha cih bangin ei tung a thu nei te a hih kei leh ei hong ukte' maipha muh ding pen ki lunggulh ciat hi.Bang hang  hiam cih leh  maipha ngahna in ni sim nuntakna  ah nop tuamna tampi hong pia in lungsim pumpi suahtakna  zong hong pia thei hi.Tua mah bangin zong  ulian khat ii maipha mu lo pi -in ama' mai-ah omding pen a haksa dinmun khat hi a,zong sawt vei ki om zo lo hi.

 Pasian'maipha ki zong lo

           Eite in tomno sung nuntak na dingin mihingte'maipha deih in zong thei na pi,eite hong piang sak pa'maipha i zon nop lohna hi bangin Laisiangtho in hong gen hi."Pasian muhna ah  miman kuamah  omlo a, a man a thei kua mah om lo a, Pasian tawh ki pawl ding a han ciam kuamah om lo hi."(zawmah 3:10-11). Tua hi a, ni tawp ni Pasian' thu khenna  tokhum kang mai-ah i din ciangin Pasian' maipha ngah kei le hang bang zahta in, dip kuat huai ding ahi hiam (Mang  20;11-12)?. hih lai asim  Khazih sungah kongit sanggam aw, Nang’, Pasian' maipah na mu zo hiam?na muh nai kei leh Pasian' maipha amu kha Jacob' nuntakna  en suk ni.

 Miginalo Jacob

          Jacob cih min pen ei pau in kheem,peipuang (deceive)cihna hi a, amin mah tawh ki zui in a U Esau' inn luah za leh thuphate sutin,a pa nangawn  a peipuang zo migina lo leh a citak lo mi khat ahi hi. (piancil 27:36)Jacob mah bang in eite zong Pasian' maipha mu dingin a ki lawm het lo leh migi na lo  i hihna Pasian' kammal in hih bang in hong lak hi."Mawhna ka nei kei hi, i cih leh eite  aki neih khem hi a, eite a thu tak lo ihi hi. Pasian in eite a mawh hi, hong ci ahih manin eite in ka mawh ngei kei hi i cih leh Pasian pen zuau gen a suak sak i hi a, i sung ah a ma thu a om het lo  ahi hi."(Johan masa 1:8-10)

Mihingte'maipha

     Jacob ama ginat loh na hangin  Paddan Aram gam ah  hong tai a, tua lai -ah Laban in hibangin maipha tawh  dawn tuahin limtakin na muak hi."Jabob in La ban tungah a thute khempeuh gen a, Laban in ama kiang ah,'Nangmah in kei ma si  kei ma sa  na hi takpi hi'a ci hi."(piancil 29:13-14)Laban in Jacob maipha a piakna pen a thatang a deih na man bek hi a, tua maipha sawtvei ki mang lo in hong bei ziau hi. A tha man sawm vei pia lo in kheem ahih manin a tawpna ah Jacob adingin  khasiatna lianpi hong suak hi. Mihingte' maipha in deih leh  lamet khat nei a, tua te ngah khin leh maipha pen kip lo in bei thei mawk hi.I lawh cin lai tak in maipha hong pia a hong phat te zong i lawh cin nawn loh ciangin  hong khia suk leh hong gensia masa pen suak thei a,a tawpna ah khasiatna leh lungtang natna bek hong nusiat thei hi.

Peniel ah Jacob

   Abraham' Pasian,Isaak' Pasian in Jacob it masa ahih manin Peniel ah a maipha lakin thupha pia hi. Jacob pen thu dangte ah agitnat loh hangin azi Rachael a ngah na dingin kum (14) tak na sem in hong han ciam mahmah bilbel hi. Bang hang hiam cih leh amah itna ah citak hi. Tua mah bang in zong amah a it leh thupha a pia nuam Pasian tawh a ki lai tak ciangin a khelguh kilawi dongin  len tinten hi. Jacob in tua zan in ,Pasian mai mu kha a, khua phelep bangin tha khat thu in a nuntakna hong ki kheel hi.

        Zingsang khua hong vak in, ni hong suah tak ciangin a pai lam a, a tai hat mahmah Jacob pen khebai leng'lengh sa in hong ciah hi. Ahih hangin a ma min pen Jacob hi non lo in, Israel ki ci ta hi. (piancil 32:28)Nihna ah Pasian' itna in Jacob maitang tuam ahih manin amah amudah pa Esau in Jacob hong muhphet in ngawngkoi leh pomcip thuah a hong nam hi. Jacob that nuam in a tunkal ding a ngaklah mahmah Esau' mittang pan in zong itna leh hehpihna khitui hong luang khia ta hi. (piancil 33:4)Thumna ah Jacob in Pasian' maipha hong muhkhit a ki pan Abraham'Pasian, Isaak' Pasian  bek ki ci non lo in, agi na lo Jacob in zong Pasian' min hong thang sak ta a, Jacob’ Pasian ci-in hong ki lo khia ta hi.           ( piancil 33:20)

Pasian' mai

   Jacob in a muh khak Pasian' mai koi ci bang hiam cih  en suk ni. Pasian  pen a tang  mahma h khuavak  sung  ah om ahih manin kua

Mihingte'maipha

     Jacob ama ginat loh na hangin  Paddan Aram gam ah  hong tai a, tua lai -ah Laban in hibangin maipha tawh  dawn tuahin limtakin na muak hi."Jabob in La ban tungah a thute khempeuh gen a, Laban in ama kiang ah,'Nangmah in kei ma si  kei ma sa  na hi takpi hi'a ci hi."(piancil 29:13-14)Laban in Jacob maipha a piakna pen a thatang a deih na man bek hi a, tua maipha sawtvei ki mang lo in hong bei ziau hi. A tha man sawm vei pia lo in kheem ahih manin a tawpna ah Jacob adingin  khasiatna lianpi hong suak hi. Mihingte' maipha in deih leh  lamet khat nei a, tua te ngah khin leh maipha pen kip lo in bei thei mawk hi.I lawh cin lai tak in maipha hong pia a hong phat te zong i lawh cin nawn loh ciangin  hong khia suk leh hong gensia masa pen suak thei a,a tawpna ah khasiatna leh lungtang natna bek hong nusiat thei hi.

Peniel ah Jacob

   Abraham' Pasian,Isaak' Pasian in Jacob it masa ahih manin Peniel ah a maipha lakin thupha pia hi. Jacob pen thu dangte ah agitnat loh hangin azi Rachael a ngah na dingin kum (14) tak na sem in hong han ciam mahmah bilbel hi. Bang hang hiam cih leh amah itna ah citak hi. Tua mah bang in zong amah a it leh thupha a pia nuam Pasian tawh a ki lai tak ciangin a khelguh kilawi dongin  len tinten hi. Jacob in tua zan in ,Pasian mai mu kha a, khua phelep bangin tha khat thu in a nuntakna hong ki kheel hi.

        Zingsang khua hong vak in, ni hong suah tak ciangin a pai lam a, a tai hat mahmah Jacob pen khebai leng'lengh sa in hong ciah hi. Ahih hangin a ma min pen Jacob hi non lo in, Israel ki ci ta hi. (piancil 32:28)Nihna ah Pasian' itna in Jacob maitang tuam ahih manin amah amudah pa Esau in Jacob hong muhphet in ngawngkoi leh pomcip thuah a hong nam hi. Jacob that nuam in a tunkal ding a ngaklah mahmah Esau' mittang pan in zong itna leh hehpihna khitui hong luang khia ta hi. (piancil 33:4)Thumna ah Jacob in Pasian' maipha hong muhkhit a ki pan Abraham'Pasian, Isaak' Pasian  bek ki ci non lo in, agi na lo Jacob in zong Pasian' min hong thang sak ta a, Jacob’ Pasian ci-in hong ki lo khia ta hi.           ( piancil 33:20)

Pasian' mai

   Jacob in a muh khak Pasian' mai koi ci bang hiam cih  en suk ni. Pasian  pen a tang  mah mah khuavak  sung  ah om ahih manin kua mah in a kiang neh thei lo in zong ki mu ngei lo hi. (Timoti masa 1:17,6:16) Pasian pen a kaangtum thei meiikuang tawh ki bang hi. (Hebia 12:29) Pasian siangtho ahih manin mawh nei mite in ki mu thei lo a, a mu kha te zong  nung ta lo ding hi.( Paikhiatna  19:21,33:20) Ama maipha a mu lo mite Pasian in hongit in a maipha hong lah theih nadingin Zeisu khazih mi bang in hong piang a, tua Zeisu in muh theih loh Pasian lim leh meel ahi hi. (Timoti masa 3:16,kolote 1:15)

Zeisu'meel

      "Tua thu mihing  hong suakin kote lakah hong om a, itna nei in, citak mahmah ahih manin ama minthan'na ka mu uh hi"( Zawhang 1:14) Zeisu hong vah lai in micina te a muh ciang hehpih huai sa in damsak a, mihonpite  acing nei lo tuu te banga, lainat in kha sia mahmah hi. (Mate14:14,Mark 3:34) Zeisu in mi phakpa a muh ciang in hehpih huai sa hi. (Mark 1:41)Mite thu sim lo migina lo te leh mawh neite maipha  lakin a mawhna te uh mai sak hi.(Luka 7:36-48,19:1-10) Mihingte thukhenna a thuak ding numei nu hehpih in khah khia hi. (Zawhang  8:1-11)

       "Khazih tawh i ki pawlna hangin eite in Pasian tawh a ki bang in midik i suak theih na dingin mawhna a nei lo Khazih pen eite'hangin Pasian in mawh nei a suak sak hi"(Korintu nihna 5:21) Nang leh kei ginat loh nate hangin  tua mai in muhdahna, sim mawhna leh zahkona te hong thuak hi..A kitak huai Pasian mai zong mite in  cilphih in,tum in hong beeng gawpgawp uh hi. A tawpna ah sisan naisan tawh a ki dim tua Zeisu meel in nang leh kei hongitna khah suah tuan lo in singlamteh tung pan honglak hi.

Hong en gige Zeisu

   Zeisu  khazih in zanni tuni a tawn tung in ki khel lo (Hebia 13:8) ahih manin tu ni mahmah in zong nang hongit na maipha hong mu sak nuam hi.  Amah na phawk khak loh hangin na ni sim nuntakna ah hehpih huai hong sa mahmah in lametna lian pi tawh hong en ngiungeu den hi.  Tua maipha na muh khak a ki pan na nuntak na a lam dang tak in hong ki kheel ding a, mite in nang pen piangthak pa/nu hong ci ding uh a, Pasian in bel ka tapa/nu ci-in hong lo ta ding hi.(zawhang  1:12)Nihna ah  na mawh na te hang in na thuak ding Pasian hehna leh thukhenna pan in na suakta ding a,tu laitak a na hamsatna leh na lung zinna khempeuh zong hong tui  suak ding hi.(Late 103:8-12) Thum na ah  na  biak Pasian pen a nung ta Pasian ahih lam mite in hong thei ding uh a, Pasian min zong na thang sak thei  ta ding hi.

             Tua hi a sanggam aw, khuamial bang  na nuntakna ah tua khuavak maipha a ki muh theih lai in khah suah peuhmah kei in la zong  ta in. (Isiah 55:6) Itna leh hehpihna tawh a ki dim Zeisu maipha a mu thei kim ciat dingin Huhpa Khasiangtho in  Kha mit te hong lawn sak ta hen!

                                                                    Zeisu itna sungah, Jacob

 Hawm 6 ah ciah kik