ZingSol Website
rav;&Sm;

                     HIH LAI AH KEI OM ING, KEI HONG SAWL IN.( Isaiah6:8 ) Malaysia gam pan Zomite "ZINGSOL".

ZO GAM TUN LEH ZUA TE

      Zo tate khangto in, hauhna,pilna, siamnate ah mite (gual) ka phaak zawh nadingun Zogam tun leh zuate in na tu, na tate uh thupha nong piak siam dinguh ki sam hi. No leh no ki neu seek loin,a nungta ih biak Pasian upna tawh na tate uh thupha nong piak ngam ding uh zong ahi hi. “A tapa Jacob leh Esau in mailam ah thu pha ngah ding hi ci-in Isaak in a na gen ngamna pen a upna hang mah ahi hi. Jacob a sih kuan ciangin aciang khut dawnah ki ngam in Pasian bia a, Josef’ tapate gel thupha a piakna pen Pasian in na pia takpi ding hi, ci-in a upna hang mah ahi hi.(Hebia 11:20-21)

ZO TATE

   Khatvei ka kawl lawmte khat ka inn ah ciahpih in innkuanpih nu leh pa leh ka pite tawh ka ki musak hi.Ka inn pan pai khia kik ding ka ki thawi tak ciangun ka lawm kawlpa in itna awkhum kammal zong ka piak zawh loh kei ma pi ii khephungah khuukdin in zaktakna hong pia masa mawk hi.Pasian thu theilo ka kawl lawmpa na ngawn in hih bangin zahtakna tawh kei ma pi tungah thupha dawhna ka muh tak ciangin nakpitak in hong ki suang sak in, thupha ngah dingin a ki lawm nailo leh a dawh siam nai lo  ka hih lam zong hong phawk sak hi.Ei Zotate zong  leitung thuphate ah mi namdangte bangin ih khantoh theihlohna pen nu leh pa,pi leh pute tung pan ih thupha dawh dante mahmah a ki sap lai hang ahi hi.

   Ei Zomonote zong muh theih gamh namkhat ahi sum leh paai zong in pu pa phaak ngei nailoh gam tuamtuamah ih tung ciat hi.Amaute muh nailoh sum lomte lo in,ei ma khut tawh deih bangin ih zeek thei hi.Nu leh pate zong ei ma vaaksa in,ngaih sun kha in a maute hong itna thu sim kha lo in ih om kha thei ding hi.Nu leh pate khasiat sakna in hong luang ding thupha tampi tak khaktan thei ahih manin a beisa ih nuntakna a ih mawhnate amaute tungah pulaak in mawh maina ih nget ding ki sam masa pen hi.

    Tua ahih manin Khazih sung a om ei khangno akua maciat in nu leh pa khutkuak sung pan a hong luang suk ding tua a manpha mahmah muh theihloh thupha pen zahtakna,thumanna leh amaute lungkim sakna tawh adawh kim thei ciat dingin Topa’n thupha hong pia ta hen!

                                                      Zeisu itna sungah,

                                                      Jacob