A GAM LEH A DIAK NA
leitung mihingte in tomno ih nuntak sung nangawn in, ankhing khamna a ki pan, sum leh paii leh min than na te lunggulh in ki han ciam ciat hi. Mi tun na mun bekgenloh,mitun nailoh namun nangawn lung kham liang in ki pai, ki sin in a lawh cing leh cing lo ki om zeel zuul hi.
Tua bang mite sungah ei ZOMITE zong ih kihel a, lei tung mun tuamtuam ah paiin Malaysia gam zong ih tunghi atam zaw in sum leh paii mah lungtup in ki nei ciat hi.
KILAWH CING KIM TUAN LO
Kum tuazah sungin sim tuazah khol in tua hun ciang, khua leh tui zuankik ding ki ciciat a, ahi zong pawlkhat te in ngaih sut bang in honghi han han pah khol lo hi. Tua mite sungah pawlkhatin damloh na a ki pan tuahsiatna tuamtuam phulkha ih hih man in ih ngaihsut zahin ki lawh cing zo tuanlo hi.
LAWHCINNA THUPHA PASIAN AA HI
Vantung leh leitung a bawl khat naom a tuain Pasian ahi hi. (Pian cil1:1). Tua a hih man in van tung leitung khempeuh Topa' neihsa hi. (late 89:11). Hih Malaysia gam sung a om sum leh paii, thupha tuam tuamte zong Topa'a mah hi a, akhut sungah om hi(Haggai 2:8).
ZON MASAK DING
Pasian in hih hauhna thuphate hong pia nuamlo hi peuhmah loin , a thupi zaw AGAM LEH A DIKNA zon masakding hong kal hi. Tua ihzon ciangin hong kamciam om bangin na deih thuphate zong hong piathuah lai ding hi(Mate 6:33).
BANG HANG TUA HONG KAL MASA
Mihingte nuntakna pakpalh bang hi lel a, a vul thei ziau ih hi hi. Tua ih vul ding ni ih thei kei a zing ciang maw, ma kha ciang maw? Ki gen thei lo hi, Sum leh paai zon pen nun tak sung teng ih na sep ding hi a, tua tawh zong ihhun bei ding hi lel hi. Pasian hong deih sak khat om a, tua ih zon masak kei leh, ki ginloh kal nuntak na hong bei leh sum leh pai hau in ih om hang in ih sih khit ciang tawn tung gimna HELL ah ih tung ding ih ( Mang 20: 15 ). Tua ahih manin hun hoih ih ngah lai in hell tawh ih ki pelh thei na ding leh tawn tung nuntak na ngah a, lei tung hauhna, van hauhna nangawn ih ngah theih lai na ding in Pasian in hong deih sak a hi A GAM LEH A DIAKNA ih zon ma sak na ding it na takpi tawh hong kun a hi hi. Tua a thupi a gam leh a dak na zon thei na ding lam pi pen Pasian in hong hon sak sa a hi hi. Tua lampi in ih Topa Zeisu Khazih a hi hi (Zawnghang 14:6).
Sanggam u leh naute aw, Zeisu Khazih honpa leh Topa in sang in a ma sungah khamuan na, na ngah ni a ki pan Pasian hong deihsak a A GAM LEH A DIKNA a zong na hi a, a mu khin zong na hi pah hi. Tua a ki panin na mai binna te khempeuh hong vang ding a, ama neihsa thupha na san theih na ding, a mahmah in hong makaihto ding hi. Amah muang a na belh tawngtung leh lawhcin gualzawh na, na ngah ding a na tuahsiat hun in zong hong ompih in, a hun lap in hong hon khia ding hi. (late 91:12-16). Hongpiak lawhcin na, thupha te zong a khang a khangin na kepsuak theih nangin a man' hong keppih lai ding hi (late 112:3) . Tua banah thupha tam na san sem sem na dingin vangletna zong hong pia thuah lai ding hi. (thuhilh kikna 8:18).
Hih lai a sim kha u nau sang gamte aw,leitung thupha ahi zongin,tawntung nuntakna mahmah a ki pan vangtung thuphate zong ih ngah theih na dingin, Topa'mimal kim thupha hong pia ta hen.
Khazih sungah na sanggam,
Joshua Khai (Sing Zung)