New generation of stars sa 'Spirits'
ITO ANG L8ST NGAYON! Ni Eric John Salut
Pilipino STAR Ngayon 11/04/2004

Isang bagong fantasy adventure ang ilulunsad ng ABS-CBN ngayong November. Ito ay ang Spirits na pinagbibidahan ng walong kabataang artista na dumaan sa matinding audition para sa kanilang respective roles. Ang walo ay kinabibilangan nina Maja Salvador, Serena Dalrymple, Jiro Manio, John Wayne Sace, Rayver Cruz, Mico Aytona, Michelle Madrigal at Joseph Bitangcol.

Ang Spirits ay kwento ng pitong kabataan na nabigyan ng iba’t ibang powers habang sila ay ipinanganganak sa isang bayan.

Sa Spirits balik-telebisyon si Chito Roño. Yes so many years na hindi nagdidirek sa telebisyon, balik ang award-winning director sa ABS-CBN.

Ideya ni Direk Chito ang Spirits. Aniya, gusto niyang magkaroon ng mga new generation of stars sa telebisyon. Knowing Direk Chito, kilala ito sa pagdi-develop ng mga kabataang artista.

Karamihan sa mga eksena sa Spirits ay kinunan sa Bicol. Yes, lumilipad ang buong cast sa Bicol para sa mga importanteng eksena. Sometime mid November magsisimula ang Spirits. Kasama rin dito sina Ricky Davao, Sandy Andolong, Cris Villanueva, Maimai Davao at Lito Pimentel. Si Richard Reynante ang creative consultant at si Shugo Praico naman ang headwriter.