ABOUT SHOWBIZ Ni Nitz Miralles
Pilipino STAR Ngayon 09/14/2004



Birthday ni Maja Salvador sa October 5 at sa nasabing petsa’y 16 years old na siya. Simple lang ang wish ng young star, ang magpatuloy sa magandang takbo ang kanyang career at makasama ang amang si Ross Rival.

Masaya si Maja na bukod sa It Might Be You ay nakakapag-guest siya sa MTB: Ang Saya-Saya at semi-regular siya sa ASAP. Pero, mas matutuwa siya kung sa kanyang kaarawan ay makapiling ang ama na madalang niyang makita.

"Wala akong tampo at ‘di ako nagagalit kahit lumaki akong wala siya sa piling ko. Lagi kasing ipinapaalala ng mommy ko na ‘wag magtatanim ng sama ng loob sa kanya para mas gumanda ang kinabukasan ko. Nakakatawa lang dahil every after seven years ko siya nakikita. I was 7 years old nang magkita kami after naming umalis ng mommy ko sa bahay at 14 years na ako nang muli kaming magkita. ‘Wag naman sanang pagsapit ko ng 21 years old saka kami uli magkikita. Ang nakakalungkot lang, never kong na-experience niyang makipaglaro sa kanya," malungkot nitong wika. * * *