HUWAD ANG LARAWAN
by Ailen Polan

Ilang kulay na ba ang iyong naipinta?
Kulay na kinuyom ng iyong mga malalapad na palad
Pinilit mong pigilan
Pinilit mong itikom ng mahigpit ang iyong kamao
Inilabas ang mga ugat ng iyong mgs braso't kamay,
Wala ka ring nagawa pagkat
Nagpupumiglas, naghihiyawan ang mga kulay
Nais kumawala sa iyong sariling mundo
At sabugan ng kulay ang huwad mong larawan

Huwad ang larawan, huwad ang iyong larawan!
Walang kulay, walang buhay!
Pakawalan mo ang mga kulay!
Pakawalan mo ang iyong buhay!
Pakawalan mo ang nagsisilakbong damdamin!
Huwag mong pigilan ang mga kulay!
Bigyan mo ng kulay ang larawan mong huwad.