Tiranga Panga
Bhopal se bharkey chali ek rail
Sadhvi-ji nikleen, bharney chali jail
Boleen: Mujhe ab nahin chahiye bail
Varna rajniti mein ho jaoongi fail.
Ooncha rahey hamara tiranga jhanda
Par iss sey bhi zaroori hai police ka danda
Agar mere galey pe na padhega inka phanda
Chaupat ho jaayega apna yeh dhandha!
Ab karna sanghiyon meri tarafdari
Main kursi chodhkar doongi giraftari
Agar ho jaaye saath kuch mara-maaari
Bhinti ho jayegi poori hamaari!
Waise ham ko pasand hai anushashan
Par bhaata nahin hai hamko shasan
Hamen sirf pyaara lagey bhagvey ka fashion
Kuch sansani naarey, kuch chillatey bhashan!
Tiranga bhi lahrayengey, lathi bhi khayenge
Phir bhagwey ke naam mein, Savarkarji ko
bulayenge
Agar isme kuch lagey, oonch-neech ki baat
Bhool jayiye inhen, phir deyn hamara saath
Jab chunao ke ho gaye shuru slog over
Ismein kuch bullshit nazar aaye, toh sab kar
lein note
Satyameva jayatey, par us se pyara hai vote!