REQUIEM in D minor , K. 626

(1)
Introit (Chorus & Soprano Solo)

　Requiem aeternam dona eis, Domine, et lux perpetua luceat eis. Te decet hymnus, Deus, in Sion, et tibi reddetur votum in Jerusalem. Exaudi orationem meam, ad te omnis caro veniet. Requiem aeternam dona eis, Domine, et lux perpetua luceat eis.

(2)
Kyrie eleision. Christe eleision. Kyrie eleision. (Chorus)

(3)
Sequence

1. Dies irae (Chorus)

Dies irae, dies illa, solvet saeclum in favilla: teste David cum Sibylla. Quantus tremor est futurus, quando iudex est venturus, cuncta stricte discussurus.

2. Tuba mirum (Soprano, Contralto, Tenor & Bass)

Tuba mirum spargens sonum per sepulchra regionum coget omnes ante thronum. Mors stupebit et natura, cum resurget creatura, judicanti responsura. Liber scriptus proferetur, in quo totum continetur,unde mundus judicetur. Judex ergo cum sedebit, quidquid latet, apparebit: nil inultum remanebit.Quid sum miser tunc dicturus? Quem patronum rogaturus, cum vix justus sit securus?

Rex tremendae (Chorus)
Rex tremendae majestatis, qui salvandos salvas gratis, salve me, fons pietatis.

Recordare (Soprano, Contralto, Tenor, Bass)
Recordare, Jesu pie, quod sum causa tuae viae: ne me perdas illa die. Quaerens me, sedisti lassus: redemisti crucem passus: tantus labor non sit cassus. Juste judex ultionis, donum fac remissionis ante diem rationis. Ingemisco, tamquam reus: culpa rubet vultus meus: supplicanti parce, Deus. Qui Mariam absolvisti, et latronem exaudisti, mihi quoque spem dedisti. Preces meae non sunt dignae: sed tu bonus fac benigne, ne perenni cremer igne. Inter oves locum praesta, et ab haedis me sequestra, statuens in parte dextra.

Confutatis (Chorus)
Confutatis maledictis, flammis acribus addictis: voca me cm benedictis. Oro supplex et acclinis, cor contritum quasi cinis: gere curam mei finis.

Lacrimosa (Chorus)
Lacrimosa, dies illa, qua resurget ex favilla judicandus homo reus. Huic ergo parce, Deus: pie Jesu Domine, dona eis requiem. Amen.

(4)
Offertory

　Domine, Jesu Christe (Soloists & Chorus)
Domine, Jesu Christe, Rex gloriae, libera animas omnium fidelium defunctorum de poenis inferni et de profundo lacu: libera eas de ore leonis, ne absorbeat eas Tartarus, ne cadant in abscurum: sed signifer sanctus Michael repraesentet eas in lucem sanctam: quam olim Abrahae promisisti et semini ejus.

Hostias (Chorus)
Hostias et preces tibi, Domine, laudis offerimus: tu suscipe pro animabus illis, quarum hodie memoriam facimus: fac eas, Domine, de morte transire ad vitam.

(5)
Sanctus (Chorus)

　Sanctus, sanctus, sanctus Dominus, Deus Sabaoth. Pleni sunt coeli et terra gloria tua. Hosanna in excelsis.

(6)
Benedictus (Soloists & Chorus)

　Benedictus qui venit in nomine Domini. Hosanna in excelsis.

(7)
Agnus Dei (Chorus)

　Agnus Dei, qui tollis peccata mundi, dona eis requiem. Agnus Dei, qui tollis peccata mundi, dona eis requiem sempiternam.

(8)
Communion (Soprano & Chorus)

　Lux aeterna, luceat eis, Domine, cum sanctis tuis in aeternum, quia pius es.Requiem aeternam dona eis, Domine, et lux perpetua luceat eis.

SONGS WOODLAND歌曲園林