無標題網頁

Hosted by www.Geocities.ws

三日兩夜嘅人間地獄訓練

我參加咗學校嘅領袖訓練營，由9月28日至9月30日，一共三日兩夜。喺呢三日兩夜裏面，就真係有想死嘅感覺，但係好彩，我最後都可以支持到！咁我點解可以支持得到今次嘅訓練呢？點解，點解？

喺入營嗰日(即9月28日星期五) ，每個參加者都前咩住袋入營用品，後咩住個書包返學，辛苦到死！

到咗兩點左右，我哋就攞齊嘢入禮堂放低書包及準備出發，接着，我哋一行六十位參賽者就開開心心咁上旅遊車往營地進發。到咗西貢北潭涌渡假營後，就開始訓練啦，不過喺第一日，我哋完全唔覺辛苦，只係喺夜晚玩<野外追蹤>時有啲女仔驚啫，其他人就覺得好玩㖭。

到咗夜晚，我哋沖完涼之後，就叫咗班女仔一齊落去營地裏面個公園喥傾計同打鞦韆，有講有笑，玩到凌晨三點幾，先至各至返房休息。

到第二朝早，我就比阿牛嘈醒，再到樓下食早餐及學嘢，之後就開始嗰日嘅活動。活動之前，我哋聽完Roger Sir 嘅講解，就知呢個訓練不易個啦，因為今次係由北潭凹行到赤徑，全程超過5公里山路。呢一段山路，路程相當驚險，高低不平不止，老師更要我哋兜路行，要我哋行上大蚊山，再行左赤徑。呢一段路路係難行到死，路邊生滿晒野草，石上又有青苔，尤其喺落斜時，只要你唔小心，你嘅一生就會你咁先。再加上喺嗰時，烈日當空，全部同學嘅水都飲得七七八八，而我哋全隊人嘅體力都不足夠啦，嗰時我覺得有啲暈嘅感覺，阿禮隻腳又抽筋等，結果莫Sir就決定行捷徑，但係嗰條捷徑就真係行死人，條小路又多草，又難行，簡直唔係人行嘅路，我喺嗰時，我又有暈嘅感覺，不過喺緊急關頭，我就想起阿盈(即芷盈) ，就係因為想起佢而令到我完成全段旅程，喺嗰時，我只想快啲搞掂呢個訓練，咁我就可以返去見到阿盈啦！

最後我亦可以完成呢個人間地獄訓練，我終於完成啦！

返回主網--校園戀愛網

返回附屬網--聯交網