Hƿylc is hæleþa þæs horsc
ond þæs hygecræftig
þæt þæt mæge āsecgan,
hƿā mec on sīð ƿræce,
þonne ic astīge strong,
stundum rēþe,
þrymful þunie,
þrāgum ƿræce
fere geond foldan,
folcsalo bærne,
ræced reafige,
rēcas stīgað,
hasƿe ofer hrōfum;
hlyn bið on eorþan,
ƿælcƿealm ƿera.
þonne ic ƿudu hrēre,
bearƿas bledhƿate,
bēamas fylle;
holme gehrēfed,
heahum meahtum
ƿrecen on ƿāþe,
ƿīde sended;
hæbbe me on hrycge
þæt ǣr hādas ƿrēah
foldbuendra,
flǣsc ond gǣstas,
somod on sunde.
Saga hƿā mec þecce,
oþþe hu ic hātte,
þe þā hlæst bere.
Hƿilum ic geƿīte,
sƿā ne ƿēnaþ men,
under yþa geþræc;
eorþan sēcan,
garsecges grund.
Gifen biþ geƿrēged,
fām geƿealcen
—
hƿælmere hlimmeð,
hlūde grimmeð;
strēamas staþu bēatað,
stundum ƿeorpaþ
on stealc hleoþa
stāane ond sonde,
ƿāre ond ƿǣge,
þonne ic ƿinnende,
holmmægne bīþeaht,
hrūsan styrge,
sīde sǣgrundas.
Sundhelme ne mæg
losian ǣr mec lǣte
sē þe mīn lāttēoƿ bið
on sīþa gehƿām.
Saga, þoncol mon,
hƿā mec bregde
of brimes fæþmum
þonne strēamas
eft stille ƿeorþað,
ȳþa geþƿǣre,
þe mec ǣr ƿrugon.
Hƿīlum mec mīn Frēa
fæste genearƿað,
sendeð þonne
under sālƿonges
bearm þone brādan,
ond on bīd ƿriceð,
þrafað on þystrum
þrymma sumne,
hæste on enge,
þǣr mē hearde siteð
hruūe on hrycge:
nāh ic hƿyrftƿeges
of þām āglāce,
ac ic ēþelstūl
hæleþa hrēru;
hornsalu ƿagiað,
ƿera ƿīcstede,
ƿeallas beofiað,
steape ofer stīƿitum.
Stille þynceð
lyft ofer londe
ond lagu sƿīge,
oþþæt ic of enge
ūp āþringe,
efne sƿǣ mec ƿīsaþ
sē mec ƿrǣde on
æt frumsceafte
furþum legde,
bende ond clomme,
þæt ic onbūgan ne mōt
of þæs geƿealde
þe mē ƿegas tǣcneð.
Hƿilum ic sceal ufan
ȳþā ƿrēgan,
streamas styrgan
ond tō staþe þȳƿan
flintgrægne flōd:
fāmig ƿinneð
ƿæg ƿið ƿealle.
ƿonn ārīseð
dun ofer dȳpe;
hȳre deorc on lāst,
eare geblonden,
ōþer fēreð,
þæt hȳ gemittað
mearclonde nēah
hea hlincas.
þǣr bið hlūd ƿudu,
brimgiesta breahtm,
bīdað stille
stealc stānhleoþu
strēamgeƿinnes,
hopgehnāstes,
þonne hēah geþring
on cleofu crȳdeþ.
þǣr bið cēole ƿeēn
sliþre sæcce,
gif hine sǣ byreð
on þā grimman tīd,
gæsta fulne,
þæt hē scyle rīce
þæt he scyle rice
feore bīfohten,
fǣmig rīdan
yþa hrycgum.
þǣr bið egsa sum
(hi!!!)
ældum geȳƿed,
þāra þe ic hȳran sceal
strong on stīðƿeg.
Hƿā gestilleð þæt?
Hƿīlum ic þurhrǣse,
þæt mē rīdeð on bæce
ƿon ƿǣgfatu,
ƿīde tōþringe
lagustrēama full,
hƿīlum læte eft
slūpan tōsomne.
Sē bið sƿēga mǣst,
breahtma ofer burgum,
ond gebreca hlūdast,
þonne scearp cymeð
scēo ƿiþ ūþrum,
ecg ƿið ecge.
Earpan gesceafte
fūs ofer folcum
fȳre sƿǣtað,
blācan līge,
ond gebrecu fērað
deorc ofer dryhtum
gedyne micle,
farað feohtende,
feallan lǣtað
sƿeart sumsendu
sēaƿ of bōsme,
ƿǣtan of ƿombe.
ƿinnende fareð
atol ēoredþrēat;
egsa āstīgeð,
micel mōdþrēa
micel modþrea
brōgan on burgum,
þonne blāce scotiað
scrīþende scīn
scearpum ƿǣpnum.
Dol him ne ondrǣdeð
ðā dēaðsperu,
sƿylteð hƿæþre,
gif him sōð Meotud
on geryhtu
þurh regn ufan
of gestune lǣteð
strǣle flēogan,
farende flān.
Fēa þæt gedȳgað,
þāra þe gerǣceð
rynegiestes ƿǣpen.
..................
ōr anstelle
þonne geƿite
ƿolcengehnāste
þurh geþræc þringan
þrimme micle
ofer byrnan bōsm.
Biersteð hlūde
heah hloðgecrod;
þonne hnīge eft
under lyfte helm
londe nēar,
ond me on hrycg hlade
þæt ic habban sceal,
meahtum gemagnad
mīnes Frēan.
Sƿa ic þrymful þēoƿ
þrāgum ƿinne,
hƿīlum under eorþan,
hƿīlum ȳþa sceal
hean underhnīgan,
hƿīlum holm ufan
streamas styrge,
hƿīlum stīge ūp,
ƿolcnfare ƿrēge,
ƿīde fēre
sƿift ond sƿīþfeorm.
Saga hƿæt ic hātte,
oþþe hƿa mec rǣre,
þonne ic restan ne mōt,
oþþe hƿa mec stæðþe,
þonne ic stille bēom.
Ic sceal þrāgbysig
þegne mīnum,
hringum hæfted,
hȳran georne,
min bed brecan,
breahtme cȳþan
þæt me halsƿriþan
hlāford sealde.
Oft mec slǣpƿērigne
secg oðþe mēoƿle
gretan eode;
ic him gromheortum
ƿinterceald oncƿeþe:
"Ƿearm lim
gebundenne bēag
bersteð hƿīlum.
Sēþeah biþ on þonce
þegne mīnum,
medƿīsum men,
mē þæt sylfe,
þǣr ƿiht ƿite,
ond ƿordum mīn
on spēd mæge
spel gesecgan.
Ic eom ānhaga
īserne ƿund,
bille gebennad,
beadoƿeorca sæd,
ecgum ƿēerig.
Oft ic ƿīg sēo,
frecne feohtan.
Frōfre ne ƿēne,
þæt mē gēoc cyme
gūðgeƿinnes,
ǣr ic mid ældum
eal forƿurðe,
ac mec hnossiað
homera lāfe,
heardecg heoroscearp,
hondƿeorc smiþa,
bītað in burgum;
ic ā bīdan sceal
lāþran gemōtes.
Nǣfre lǣcecynn
on folcstede
findan meahte,
þāra þe mid ƿyrtum
ƿunde gehǣlde,
ac mē ecga dolg
ēacen ƿeorðað
þurh dēeaðslege
dagum ond nihtum.
Mec gesette sōð
sigora ƿaldend
Crīst tō compe.
Oft ic cƿice bærne,
unrīmu cyn
eorþan getenge,
næte mid nīþe,
sƿā ic him nō hrīne,
þonne mec mīn Frēa
feohtan hāteþ.
Hƿīlum ic monigra
mōd arēte,
hƿilum ic frēfre
þā ic ǣr ƿinne on
feorran sƿīþe--
hī þæs fēlað þēah,
sƿylce þæs ōþres,
þonne ic eft hyra
ofer dēop gedrēag
drohtað bēte.
Hrægl mīn sƿīgað,
þonne ic hrūsan trede,
oþþe þā ƿīc būge,
oþþe ƿado drēfe.
Hƿīlum mec āhebbað
ofer hæleþa byht
hyrste mīne,
ond þēos hēa lyft,
ond mec þonne ƿīde
ƿolcna strengu
ofer folc byreð.
Frætƿe mīne
sƿōgað hlūde
ond sƿinsiað,
torhte singað,
þonne ic getenge ne bēom
flode ond foldan,
fērende gǣst.
Ic þurh mūþ sprece
mongum reordum,
ƿrencum singe,
ƿrixle geneahhe
heafodƿōþe,
hlūde cirme,
healde mīne ƿīsan,
hlēoþre ne mīþe.
Eald ǣfensceop,
eorlum bringe
blisse in burgum,
þonne ic būgendre
stefne styrme;
stille on ƿīcum
sittað hnīgende.
Saga hƿæt ic hātte,
þe sƿā scīre cīge
scēaƿendƿīsan
hlūde onhyrge,
hækeþum bodige
ƿilcumena fela
ƿōþe mīnre.
Mec on þissum dagum
dēadne ofgēafun
fæder ond mōdor;
ne ƿæs mē feorh þā gēn,
ealdor in innan.
þā mec aān ongon,
ƿel hold mē,
geƿċdum þeccan,
hēold ond freoþode,
hlēosceorpe ƿrāh
sƿē ārlīce
sƿā hire āgen bearn,
þþæt ic under scēate--
sƿā mīn gesceapu ƿǣron--
ungesibbum ƿearð
ēacen gǣste.
Mec sēo friþemǣg
fēdde siþþan,
oþþæt ic āƿēox,
ƿīddor meahte
sīþas āsettan;
hēo hæfde sƿǣsra þȳ lǣs
suna ond dohtra,
þȳ hēo sƿā dyde.
Ne ƿæs mīn on nearƿe,
ond ic neoþan ƿætre,
flode underflōƿen,
firgenstrōamum
sƿiþe besuncen,
ond on sunde āƿōx
ufan ȳþum þeaht,
ānum getenge
liþendum ƿuda
līce mīne.
Hæfde feorh cƿico,
þa ic of fæðmum cƿom
brimes ond beames
on blacum hrægle;
sume ƿǣron hƿīte
hyrste mīne,
þa mec lifgende
lyft upp ťhōf,
ƿind of ƿǣge,
siþþan ƿīde bær
ofer seolhbaþo.
Saga hƿæt ic hātte.
Hrægl is mīn hasofāg,
hyrste beorhte,
reade ond scīre
on rēafe hafu.
Ic dysge dƿelle
ond dole hƿette
unrǣdsīþas,
ōþrum stȳre
nyttre fōre.
Ic þæs noƿiht ƿāt
þæt hēo sƿā gemǣdde,
mōde bestolene,
dæde gedƿolene,
dēoraþ mīne
ƿon ƿīsan gehƿām.
ƿā him þæs þēaƿes,
siþþan hēah bringað
horda dēorast,
gif hī unrǣdes
ǣr ne gesƿīcaþ.
Fōtum ic fēre,
foldan slīte,
grēne ƿongas,
þenden ic gǣst bere.
Gif mē feorh losað,
fæste binde
sƿearte Ƿēalas,
hƿīlum sēllan men.
Hƿīlum ic dēorum
drincan selle
beorne of bōsme;
hƿīlum mec brȳd triedeð
felaƿlonc fōtum;
hƿīlum feorran brōht
ƿonfeax Ƿāle
ƿegeð ond þȳð,
dol druncmennen
deorcum nihtum,
ƿǣteð in ƿætre,
ƿyrmeð hƿīlum
fǣgre to fȳre;
mē on fæðme sticaþ
hygegālan hond,
hƿyrfeð geneahhe,
sƿīfeð mē geond sƿeartne.
Saga hƿæt ic hātte,
þe ic lifgende
lond rēafige
and æfter dēaþe
dryhtum þēoƿige.