Sa ating madlang kababayan ay maraming
aayon kung aking ipahiwatig sa madla na
ang dahilang unang una sa pagpunta sa
Amerika ay para mapaunlad at mapabuti
ang ating kabuhayan. Ngunit, ang
nangyayari ay nakakaligtaan natin na
dapat tayo ay mamuhay dito bilang isang
Pilipino. Marami sa atin ay nakukuha na
ang kaugalian ng madla na naninirahan sa
Amerika, at lahat ay kanya-kanya na.
Dapat ay huwag nating makalimutan ang
ating pinanggalingan, at isipin na
balang araw tayo ay makakabalik sa ating
sariling bayan. Umaayon ako na talagang
mahirap ang mamuhay dito (sa Amerika)
ngunit ganoon pa man ay dapat pa ring
tangkilikin natin ang nakaugaliang ugali
na ating nagisnan. Dapat tayo ay
magtulong-tulong sa isa't-isa para tayo
ay makarating kahit kung saan man ang
ating paroroonan sa buhay.
Marami rin ang mabuting nagagawa
ang ating kababayan sa madla.
Karamihan ay mga "professionals",
at ito naman ang kinakabuti ng
pagtingin sa ating mga Pilipino.
Wala akong naririnig na sinabing
masama tungkol sa Pilipino. Sa
halip tayo ay pinupuri sa
pagsusumikap at kabutihang
nagagawa. Ganoon pa man, kailangan pa rin
tayong magsumikap para naman sa ating
mga anak na balang araw ay
magdadala ng kabutihan na ating
pinaghirapan. Mabuhay and
Pilipinas -- Mabuhay ang
Pilipino!!!
Sa aking paglalakbay sa kahirapan,
kariwasaan, at katahimikan sa buhay,
nakalap ko ang ilang karanasan na
naging mahalagang tuntunin sa aking
kinaroroonan ngayon.
Ang unang tuntunin na ito ay:
Pag-papasalamat at Paggalang.
Ang pagpapasalamat at paggalang ay
kailangan ibigay sa isang tao na
nagtuturo o nagpapahayag ng paraan
upang malaman ang daang patungo sa
tagumpay sa sarili at anomang layunin
sa buhay.
Ang pangalawang tuntunin ay: Katapatan.
Maging tapat at tunay ang hangarin natin
sa sinumang tao na nagsusumikap na
marating ang hinahangad niya na
tagumpay sa sarili, hindi lamang sa
pag-kamit ng kayamanan sa sarili, kundi
yaman ng kagandahan ng puso.
Ang ikatlong tuntunin ay:
Kagandahan at Mapagbigay sa Loob.
Ang isang taong may kagandahang
loob ay nagbibigay sa bawa't isa
kung anuman ang mayroon siya,
kayamanan o kaalaman sa anumang
bagay upamg marating ang layunin
at tagumpay sa buhay.
Ang pang-apat na tuntunin ay:
Paniniwala.
Ang paniniwala at paninindigan
kung paano matatamo ang kahulugan
ng kayamanan sa buhay at ito ay
mararating sa pagpapakita ng
magandang halimbawa sa tuwid na
pagpapatakbo ng ating buhay.
 |
|
|